អាជ្ញាធរអប្សរា សង់ស្ពានបណ្ដែតទឹក ជួសជុលស្ពានហាលប្រាសាទអង្គរវត្ត

ខេត្តសៀមរាបៈ អាជ្ញាធរជាតិអប្សរា បានចេញសេចក្ដីជូនដំណឹងថា ដើម្បីសម្រួលដល់ភ្ញៀវទេសចរជាតិ និងអន្តរជាតិ អាចឆ្លងកាត់ទៅទស្សនាប្រាសាទអង្គរវត្ត ដោយសុវត្ថិភាព និងបញ្ចៀសនូវរាល់ហានិភ័យទាំងឡាយដោយការជួសជុលស្ពានហាលប្រាសាទអង្គរវត្ត ដំណាក់កាលទី២ នាពេលខាងមុខនេះ អាជ្ញាធរអប្សរា នឹងរៀបចំសាងសង់ស្ពានបណ្ដែតទឹកបណ្ដោះអាសន្ន នៅខាងត្បូងស្ពានហាល ជំនួសវិញ ដែលការសាងសង់នេះ ចាប់ពីចុងខែវិច្ឆិកា ឆ្នាំ២០១៦ ដល់ចុងខែឧសភា ឆ្នាំ២០១៧ និងមានការសហការាជាមួយសកលវិទ្យាល័យសូហ្វីយ៉ា ប្រទេសជប៉ុន ៕