សុគន្ធ និសា ៖គ្មានបញ្ហាជាមួយវីសា

ភ្នំពេញ៖មុននេះមានដំណឹងថាសុគន្ធ និសា និងសួស វីសា អាចនឹងមានបញ្ហាលែងសូវស្និត​ស្នា​លគ្នាដូច​មុន​ទៀត​ហើយ ព្រោះតែវីសា មិនសូវសប្បាយចិត្តដែលបាត់បង់តំណែង​ជាគ្រូ​បង្វឹក​(Coach)The Voice Kids Cambodia រដូវកាលទី៣ ធ្លាក់ទៅនិសា វិញខណៈដែលថៅកែហង្ស​មាសលោកឧកញ៉ាអ៊ឹង ឆៃងួន នៅមិន​ទាន់ប៉ៈប៉ូវឲ្យតារាកូន១កាន់តំណែងធំណា​ផ្សេងទៀត​វិញ​​ទេ។ប៉ុន្ដែថ្មីៗនេះគេឃើញនិសា និងវីសា បានប​ង្ហា​ញសកម្មភាពស្និតស្នាលគ្នាសារជាថ្មីវិញ ដើម្បី​លុប​បំបាត់​ដំណឹងទាំងឡាយហើយពួកគេនៅ​តែបញ្ចេញ​សកម្មភាព​ឲ្យគ្រប់គ្នាបាន​ឃើញ​ថា​គឺជាមិត្តរួមអាជីពនិងគ្នាដូចមុនដដែល។

  សុគន្ធ និសា ធ្លាប់ប្រាប់អ្នកយកព័តមានយើងថានាងបានត្រៀមចិត្ត​កាយរួចហើយ​សម្រា​ប់​ការធ្វើជាគ្រូបង្វឹកThe Voice kids Cambodia រដូវកាលថ្មីនេះ ហើយក្រៅពីតួ​នា​ទី​មួយនេះ នាងក៍អាចនឹងចេញមុខនៅ​កម្មវិធីថ្មីណាមួយ​ទៀត​ផ្សេងដែរអាស្រ័យទៅលើថ្នាក់ដឹក​នាំហង្សមាសតម្រូវ។មិនត្រឹមតែត្រៀមផ្ដល់បទពិសោធន៍របស់ខ្លួនទៅឲ្យ​យុវតី​ជំនាន់ក្រោយដែលស្រលាញ់សិល្បៈនោះទេ តែនិសា ក៍សូមអធ្យាស្រ័យពីមហាជនទុកជាមុនទៀតផង ប្រ​សិន​បើ​​នាងមានកំហុសឆ្គងណាមួយពីការជ្រើសរើសនិងទម្លាក់កូនក្រុមនោះ ប៉ុន្ដែនាងជា​ទូទៅ​Coach នីមួយ​ៗ​មាន​គោលការណ៍រើស​កូន​ក្រុមមិនដូចគ្នាឡើយ។

 សុគន្ធ និសា ធ្លាប់បានផ្ទេរតំណែងThe Voice Kids Cambodia រដូវកាលទី២​ឲ្យទៅ​សួ​ស វីសា ម្ដងរួចមកហើយ​នៅ​រដូវកាលទី២ ដោយនាងអះអាងថាពេលនោះមកពីនាង​មាន​បញ្ហា​សុខភាព តែមជ្ឈដ្ឋានមហាជន​មើលឃើញ​ថានិសា កាលនោះឈឺក្បាលរឿងគេរិះគន់​នាងទម្លាក់កូនក្រុមច្រៀងពិរោះជាងអ្នកជាប់ទៅវគ្គបន្ដ។ប៉ុន្ដែសម្រាប់​ការវិលមកវិញនាពេលនេះនិសា ហាក់មានទំនុកចិត្តខ្ពស់ជាងមុន ហើយFan របស់នាងក៍សប្បាយចិត្តដែរ ព្រោះ​តែ​មុន​​នេះ​ពេលបាត់មុខនាង១រដូវកាលមានអ្នកខ្លះសង្ស័យ​ថានាងធ្វើការងារនោះមិនកើតទើប​ថៅកែដកចេញ។អ្វីដែលគូរឲ្យកត់សម្គាល់នោះក្រៅពីទទួលបានកៅអីរបស់ខ្លួនវិញនោះអ្នកនាងប៊ុន សុ​គន្ធា ហៅសុគន្ធ និសា ក៍បានតាំងចិត្តថានាងបានសម្រេចចិត្ត​យកកូនដំបូងនៅ​ឆ្នាំ​២០២២ នេះ​ហើយបន្ទាប់ពីតារា​ស្រគត់ស្រគុំរូប​នេះ​បាន​​រៀបការជាមួយអាណិក​ជនខ្មែរ​មក​ពីរដ្ឋBoston សហរដ្ឋអាមេរិក ជាង៥ឆ្នាំ តែរកកូន១គ្រាប់បីប្រ​លែងលេង​ដូចគេមិន​បាន។​គេចាំមើលថាសុគន្ធ និ​សា នឹងជោគជ័យនាំកូនក្រុមលើកពានដូច​បំណងនៅឆ្នាំនេះ​ឬ​មួយ​ក៍នាង​ចង់លើកពាន​ផ្ទាល់​ខ្លួន​តាមរយៈការយកកូនបានសម្រេចនៅឆ្នាំ២០២២?