ល្បី​ថា ​​មាន​​អ្នក​​រត់​​ការ​​ដោះ​​លែង​​PM​ ​កាង​​ឡាន​​ដឹក​​ឈើ​ ដែល​​ទើប​​ចាប់​​បាន​​

fgfgdssd
មន្រ្ដីអាវុធហត្ថ កាងឡានដឹកឈើ ពេលបញ្ជូនមកសាកសួរ

ខេត្ដសៀមរាប៖  មន្ត្រីអាវុធហត្ថពូកែកាងឈើម្នាក់ ដែលអួតអាងខ្លួនឯងថា ជាជំនួយការឧត្តមសេនីយ៍ផ្កាយ១ ម្នាក់ ជាមេប៉េអឹមខេត្តកំពង់ធំ ដែលកម្លាំងសមត្ថកិច្ចចម្រុះដេញប្រផាប់ចាប់ពភីង តាំងពីរង្វង់មូលបន្ទាយស្រីរហូតដល់ ផ្លូវជាតិលេខ៦ ទើបចាប់បាននោះ ត្រូវបានបញ្ជូនទៅឃុំខ្លួនបណ្ដោះអាសន្នហើយ កាលពីព្រឹកមិញនេះ ស្រាប់តែមានលេចឭព័ត៌មានថា មានអ្នកកំពុងជួយរត់ការទៅមន្រ្ដីជាន់ខ្ពស់ ឲ្យជួយដោះលែងវិញ ។

ប្រភពព័ត៌មានដដែលបានឲ្យដឹងថា មន្រ្ដីPM កាងរថយន្ដដឹកឈើដែលឃាត់ខ្លួននេះ មានខ្នងនៅពីក្រោយក្រាស់ណាស់ ហើយក៏ជាអ្នកកាង និងរកស៊ីជួញឈើប្រណិតខុសច្បាប់ម្នាក់ដែរ មិនដែលចេះខ្លាចអ្នកណាឡើយ ទើបតែអស់លក្ខណ៍ជាប់អន្ទាក់សមត្ថកិច្ចតែម្ដង ។

dgdfshfs
ក្បួនរថយន្ដដឹកឈើ ដែលសមត្ថកិច្ចដេញឃាត់បាន

មជ្ឈដ្ឋាននានា អបអរសាទរចំពោះចំណាត់ការរបស់មន្ត្រីព្រៃឈើស្រុកបន្ទាយស្រី ដែលបានសហការជាមួយមន្ត្រីរដ្ឋបាលព្រៃឈើបាគងនិងកម្លាំងសមត្ថកិច្ចពាក់ព័ន្ធ ដែលបានចាប់អ្នកកាងបទល្មើសព្រៃឈើមួយចំនួន ដែលធ្វើឱ្យខូចកិត្តិយស ដល់អង្គភាពរបស់រដ្ឋាភិបាល ។

fgfgdhffd
វត្ថុតាងដែលសមត្ថកិច្ចរឹតអូសបានពីរថយន្ដមន្រ្ដីPM

ពលរដ្ឋក្នុងខេត្តសៀមរាប សង្ឃឹមថា ជនល្មើសជាមន្ត្រីប៉េអឹម និងជាអតីតៈជំនួយការ(ផ្កាយ១) លោកឧត្តមសេនីយ៍ ហង្ស ថុល មេបញ្ជាការកងរាជអាវុធហត្ថខេត្ដកំពង់ធំម្នាក់នោះ តើអាចជាប់គុកបានប៉ុន្មានខែ ឆ្នាំ ??? រឺក៏មិនអាចធ្វើអីPM ម្នាក់នេះបានទេ ព្រោះឥឡូវនេះ មានលេចឭព័ត៌មានថា មានអ្នករត់ការនៅខាងក្រៅ ដើម្បីយកលោកស័ក្ក៤នោះចេញពីតុលាការ មិនអាចជាប់គុកបាននោះ ។ សូមពិនិត្យនិងតាមដានមើលទាំងអស់គ្នា ។

fgffdhgfd
រថយន្ដមន្រ្ដីPM ជិះធ្វើសកម្មភាព

សូមរំលឹកថា កាលពីថ្ងៃទី៩ ខែសីហា ឆ្នាំ២០១៦ នៅចំណុចផ្លូវជាតិលេខ៦ ក្នុងភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀមរាប កម្លាំងសមត្ថកិច្ចចម្រុះ ស្ទាក់ចាប់រថយន្ដកាងរថយន្ដដឹកឈើ ស្រាប់តែឃាត់ខ្លួនបានមន្រ្ដីអាវុធមួយរូបឈ្មោះ សេង ប៊ុនតេង ភេទប្រុស អាយុ៣៦ឆ្នាំ ជាអ្នកបើករថយន្តស៊េរីទំនើបមួយគ្រឿង ទៅរារាំងមិនឱ្យសមត្ថកិច្ចឃាត់រថយន្តដឹកឈើ បញ្ជូនទៅសាកសួរ រួចបញ្ជូនទៅតុលាការភ្លាមៗផងដែរ ៕

សុភាព