ព័ត៌មានទាន់ហេតុការណ៍បំផុត
កូរ៉េខាងត្បូង៖ អគ្គលេខាអង្គ ការសហប្រជាជាតិ លោក បាន គីមូន បានប្រលយពាក្យ ថាលោកអាចឈរឈ្មោះ បោះឆ្នោតតំណែង ប្រធានាធិបតី កូរ៉េខាងត្បូង ក្នុងពេលយ៉ាង ខ្លីខាងមុខនេះ ។
លោក បាន គីមូន នឹងត្រូវផុត អាណត្តិជាអ្នកកា រទូតជាន់ខ្ពស់ របស់ពិភព លោកនៅ ដំណាច់ខែធ្នូខាងមុខនេះហើយ ។ នៅក្នុងសន្និសិទ កាសែតចុង ក្រោយរបស់លោកក្នុង តំណែងជាប្រធានអង្គការសហប្រជាជាតិ លោកបាន ថ្លែងថាបន្ទាប់ពីសម្រាក បានខ្លះនោះ លោកនឹងវិល ត្រឡប់ចូលកូរ៉េ ខាងត្បូងវិញហើយពិចារណាថាតើ លោកគួរធ្វើ ដូចម្តេចដើម្បី ជួយប្រទេស របស់លោក ឲ្យបានប្រសើរបំផុត ។
ការបោះឆ្នោត ជ្រើសរើសប្រធា នាធិបតីជំនាន់ ក្រោយរបស់កូរ៉េ ខាងត្បូងត្រូវ បានកំណត់ កាលបរិច្ឆេទប្រារព្ធនៅខែធ្នូ ឆ្នាំ២០១៧ ។ ទោះជាយ៉ាង ណាការបោះឆ្នោត មួយអាចធ្វើ ឡើងនៅក្នុង រយៈពេលពីរ ខែបន្ទាប់ពីសភាជាតិ បោះឆ្នោត ដកសេចក្តី ទុកចិត្តលើ ប្រធានាធិបតី បច្ចុប្បន្នគឺ លោកស្រី Park Geun-hye លើរឿងអាស្រូវដ៏មានឥទ្ធិពល ។
ប្រសិនជាតុលា ការធម្មនុញ្ញរបស់កូរ៉េ ខាងត្បូងគាំទ្រនូវ ការបោះឆ្នោតដក សេចក្តីទុកចិត្ត កាលពីសប្តាហ៍មុន លោកស្រីនឹង ក្លាយជាអ្នកអង្គុយ កៅអីប្រធានាធិបតី កូរ៉េខាងត្បូង ដំបូងបំផុត ដែលនឹងត្រូវបានដកចេញពីតំណែងក្នុង យុគសម័យ ប្រជាធិបតេយ្យ របស់ប្រទេសនេះ ហើយការបោះ ឆ្នោតប្រធានាធិបតីថ្មីនឹងត្រូវបា្ររព្ធធ្វើ ឡើងនៅ ក្នុងរយៈពេល៦០ថ្ងៃ ។
ចំណែកតុលាកា រធម្មនុញ្ញត្រូវការរយៈ ពេល១៨០ថ្ងៃ ដើម្បីចេញសេចក្តីសម្រេច ចុងក្រោយ មួយអំពីការគាំទ្រឬមិនគាំទ្រលើ ការបោះឆ្នោត ដកសេចក្តី ទុកចិត្តកាល ពីពេលថ្មីៗនេះ ។
ទោះជាយ៉ាងណា មេធាវីរបស់លោក ស្រី Park លោក Lee Joong-hwan បាន ថ្លែងថាតុលាការ គួរតែប្រគល់នូវអំណាចដល់ ប្រធានាធិបតី ឡើង វិញដោយ សារតែពុំមាន ភស្តុតាងគ្រប់ គ្រាន់ក្នុងការដាក់ បន្ទុកដើម្បីដកលោក ស្រីចេញ ពីតំណែងនោះ ។
ប្រែសម្រួលដោយ៖ អុីវ វិចិត្រា