ព័ត៌មានតំបន់អាស៊ាន
ហ្វីលីពីន៖ មន្ត្រីសន្តិសុខបាន ឲ្យដឹងថាកងទ័ព រដ្ឋាភិបាលហ្វីលីពីន បានបើកការ បាញ់ប្រហារ លើក្រុម សកម្មប្រយុទ្ធអាប៊ូសាយ៉ាស ជាច្រើន នាក់នៅតំបន់ភាគ ខាងត្បូងប្រទេស កាលពី ថ្ងៃព្រហស្បត្តិ៍ដែល បណ្តាលឲ្យ ទាហាន ម្នាក់និង យុទ្ធជន ឧទ្ទាម២នាក់ ស្លាប់បាត់បង់ជីវិត និង៦នាក់ទៀត រងរបួស។
ការប្រយុទ្ធបាន ផ្ទុះឡើងស្រប ពេលដែលកងទ័ព ថ្មើរ ជើងមកពី កងវរសេនាតូច លេខ២១បាន ប៉ះទង្គិចជា មួយនិងក្រុមមេដឹកនាំ អាប៊ូសាយ៉ាស៣នាក់នៅភូមិ Panglayahan ក្រុង Patikul ក្នុងខេត្ត Sulu ដែលជាតំបន់ មួយគេទទួល ស្គាល់ថាមានវត្ត មានក្រុម សកម្មប្រយុទ្ធ នេះខ្លាំងៗ ដែលគេជឿ ជាក់ថាមានជាប់ ទំនាក់ទំនង ជាមួយនិងក្រុម Jemaah Islamiyah (Jl) និងក្រុមអាយស៊ីស ។
អ្នកនាំពាក្យ ទីបញ្ជាការ Western Mindanao លោកវរសេនីយ Filemon Tan Jr., បានថ្លែងការប្រយុទ្ធគ្នា នេះមានរយៈ ពេល៣០នាទីស្របពេលដែលកងទ័ពប្រយុទ្ធនិងក្រុមសកម្មប្រយុទ្ធ១៥០នាក់ ។
លោក Tan បានថ្លែងថា ក្រុមអាប៊ូសាយ៉ាស បានដកថយ បន្ទាប់ពីពួក គេរងរបួស និងស្លាប់ធ្ងន់ធ្ងរ ដែលក្នុងនោះ គឺស្លាប់២នាក់ និងរបួស៦នាក់ ។
លោកបានថ្លែងថា ទាហានរដ្ឋាភិបាល បានដណ្តើម យកតំបន់កំពង់ផែដែលក្រុម អាប៊ូសាយ៉ាស បោះបង់ ចោលហើយ ថែមទាំងបាន រកឃើញកាំភ្លើងស៊ីប M14 របស់ក្រុម សកម្មប្រយុទ្ធ ។
យោធាបានឲ្យដឹងថា ក្រុមសកម្មប្រយុទ្ធអាប៊ូសាយ៉ាស បាននិង កំពុងគ្រប់គ្រង ឈ្លើយសឹក២៣នាក់ រាប់បញ្ចូលជនជាតិ ហូឡង់ អាល្លឺម៉ង់ ម៉ាឡេស៊ី ឥណ្ឌូណេស៊ី និង ធវៀតណាម ។