ភ្នំពេញ ៖ ជនសង្ស័យស្រី២នាក់ ត្រូវបានកម្លាំងសមត្ថកិច្ចនៃអធិការដ្ឋានខណ្ឌដង្កោ បន្ទាប់ពីឆែកឆេរក្នុងបន្ទប់ជួល រកឃើញនូវថ្នាំញៀនប្រភេទក្រាមពណ៌សថ្លា ចំនួន១១កញ្ចប់តូច។
ហេតុការណ៍ឃាត់ខ្លួនជនសង្ស័យទាំង២នាក់នេះ បានធ្វើឡើងនៅវេលាម៉ោង៤និង៣០រសៀល ថ្ងៃទី១៦ ខែមករា ឆ្នាំ២០១៨ ចំណុចផ្លូវលំ ភូមិដំណាក់សង្កែ សង្កាត់ព្រែកកំពឹស ខណ្ឌដង្កោ។
ជនសង្ស័យដែលសមត្ថកិច្ចឃាត់ខ្លួនបាន ទី១. ឈ្មោះមុំ សុខចន្ថា អាយុ២៨ឆ្នាំ មុខរបរមិនពិតប្រាកដ ស្នាក់នៅភូមិកើតហេតុខាងលើ ទី២. ឈ្មោះសៅ បុប្ផា អាយុ១៨ឆ្នាំ មុខរបរមិនពិតប្រាកដ ស្នាក់នៅជាមួយគ្នា។
បើតាមសម្តីលោកអធិការរង ជាង ហុកសែ បានឲ្យដឹងថា មុនឈានទៅដល់ការឃាត់ខ្លួនជនសង្ស័យទាំង២នាក់នោះបាន រូបលោកបានទទួលដំណឹងពីប្រជាពលរដ្ឋដែលរស់នៅក្នុងភូមិខាងលើថា មានជនសង្ស័យស្រី២នាក់រកសុីជួញដូរថ្នាំញៀនយ៉ាងសកម្មនៅក្នុងភូមិ ដោយមានការរាយការណ៍ពីប្រជាពលរដ្ឋបែបនេះ រូបលោកបានដឹកនាំកម្លាំងនៃអធិការដ្ឋានខណ្ឌដង្កោសហការជាមួយកម្លាំងប៉ុស្តិ៍នគរបាលព្រែកកំពឹស ចុះទៅឆែកឆេរនៅក្នុងបន្ទប់ជួលជនសង្ស័យ ស្រាប់តែរកឃើញថ្នាំប្រភេទក្រាមពណ៌សថ្លា ចំនួន១១កញ្ចប់តូច សង្ស័យជាសារធាតុញៀន និងឧបករណ៍សម្រាប់ប្រើប្រាស់គ្រឿងញៀនមួយចំនួនទៀត។ ហើយសមត្ថកិច្ចក៏បាននាំខ្លួនយកទៅធ្វើការសាកសួរនៅប៉ុស្តិ៍នគបាលព្រែកកំពឹស រួចបានយកមកទៅសាកសួរបន្តទៀតនៅអធិការខណ្ឌដង្កោ។
នៅចំពោះមុខសមត្ថកិច្ច ជនសង្ស័យទាំង២នាក់នោះបាន សារភាពថា ពួកគេពិតជាបានធ្វើសកម្មភាពចែកចាយ និងប្រើប្រាស់គ្រឿងញៀនទាំងនេះពិតប្រាកដមែន។
សមត្ថកិច្ចបានដកហូតថ្នាំប្រភេទក្រាមពណ៌សថ្លា ចំនួន១១កញ្ចប់តូច ថង់សម្រាប់ច្រកថ្នាំមួយចំនួន និងឧបករណ៍សម្រាប់ប្រើប្រាស់គ្រឿងញៀនមួយចំនួនថែមទៀត។
ក្រោយពេលកើតហេតុ បន្ទាប់ពីសាកសួររួច ជនសង្ស័យព្រមទាំងវត្ថុតាំង ត្រូវសមត្ថកិច្ចកសាងសំណុុំរឿងបញ្ជូន និងឃុំខ្លួននៅអធិការដ្ធានខណ្ឌដង្កោ ដើម្បីបញ្ជូនទៅតុលាការ៕
អត្ថបទមុនៗ
ភ្នំពេញ ៖ លោកតាវយ័ជាង៨០ឆ្នាំម្នាក់ ដោយសារមិនចង់ឲ្យពិបាកដល់កូនចៅ បានឆ្លៀតចេញពីផ្ទះមករត់ម៉ូឌុប ខណៈដែលកំពុងតែជិះស្វែងរកម៉ូយ ត្រូវរថយន្តមិនស្គាល់ម៉ាកមួយគ្រឿងបានបុកគាត់ បណ្តាលឲ្យម៉ូតូរបស់គាត់ដួលសង្កត់ពីលើរងរបួសស្រាល ហើយរថយន្តបង្កខាងលើមិនបានចុះមកជួយលើកគាត់នោះទេ បែរជាព្យាយាមបើករត់គេច មិនមានការទទួលខុសត្រូវ។
ហេតុការណ៏គ្រោះថ្នាក់ចរាចរណ៏ខាងលើនេះ បានកើតឡើងកាលពីវេលាម៉ោង៧និ៣០នាទីព្រឹកថ្ងៃទី១៧ ខែមករា ឆ្នាំ២០១៨ ស្ថិតនៅតាមបណ្តោយផ្លូវ២១៧ ហៅផ្លូវព្រះមុន្នីរ៉េត ភូមិទ្រា៣ សង្កាត់ស្ទឹងមានជយ័១ ខណ្ឌមានជ័យ។
ប្រភពពត៍មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញលោកតារងគ្រោះខាងលើជិះម៉ូតូមួយគ្រឿង ម៉ាកសេ១២៥ ពណ៍ខ្មៅ ពាក់ស្លាកលេខភ្នំពេញ 1A-6586 ធ្វើដំណើរពីកើតទៅលិច លុះដល់ចំណុចកើតហេតុ ក៏មានរថយន្តមួយគ្រឿង មិនស្គាល់ម៉ាក ធ្វើដំណើរស្របទិសគ្នា បានបើកកៀរគាត់ពីក្រោយ បណ្តាលឲ្យដួលម៉ូតូសង្កត់លើគាត់ ហើយរថយន្តបង្កបានបើករត់គេចខ្លួនដោយសុវត្ថិភាព។
ក្រោយពេលកើតហេតុ ពុំឃើញមានសមត្ថកិច្ចណាម្នាក់ចុះទៅកន្លែងកើតហេតុនោះទេ។ ដោយមានការអាណិតអាសូរពីបងប្អូនប្រជាពលរដ្ឋដែលនៅក្បែរនោះ បានទំនាក់ទំនងទូរសព្ទ័ទៅក្រុមគ្រួសាររបស់គាត់មកដឹកគាត់យកទៅសំរាកព្យាបាលនៅមន្ទីរពេទ្យឯកជន៕
http://www.nokorthomdaily.com/2018/01/acidence-59727/