ទ័ពថ្មើរជើងអត់ប្រសិទ្ធភាព មីយ៉ាន់ម៉ា ប្រើទ័ព​អា​កាស​​កម្ទេចក្រុមចលនាតស៊ូ

0
50

ការវាយប្រហារតាមអាកាសរបស់របបយោធាមីយ៉ាន់ម៉ាបានបំផ្លាញមន្ទីរពេទ្យមួយដែលគ្រប់គ្រងដោយសម្ព័ន្ធជាតិ Karen (KNU) ក្នុងរដ្ឋ Karen កាលពីព្រឹកថ្ងៃពុធ។ នេះបើយោងតាម សារព័ត៌មានThe Irrawaddy ចេញផ្សាយកាលពីថ្ងៃព្រហស្បតិ៍ទី ១៣ មករា ឆ្នាំ ២០២២ ។ប្រភពព័ត៌មានដដែលនោះបានអោយដឹងថាយន្តហោះរបបយោធាពីរគ្រឿងបានទម្លាក់ គ្រាប់បែកលើ មន្ទីរពេទ្យនៅក្នុងទីក្រុង Papun ជាទីប្រជុំជនក្នុងរដ្ឋ Karen ភាគអាគ្នេយ៍។ មន្ទីរពេទ្យនេះត្រូវបានដំណើរ ការដោយកងពល តូចទីប្រាំរបស់កងទ័ពរំដោះជាតិKaren(KNLA)ហើយស្ថិតនៅក្នុងទឹកដីដែលគ្រប់គ្រងដោយក្រុមប្រដាប់អាវុធជនជាតិភាគតិច។វាជាលើកទី២ហើយក្នុងខែនេះដែលមន្ទីរពេទ្យរងការទម្លាក់គ្រាប់បែកដោយរបបយោធា។ កាលពីថ្ងៃទី3ខែមករា ការវាយប្រ ហារតាមអាកាសបានបំផ្លាញផ្នែកមួយនៃមន្ទីរពេទ្យក្នុងសហគមន៍ Wakadae ។យោងតាមលោក Padoh Mahn Mahn អ្នក នាំពាក្យ របស់ KNU បានឱ្យដឹងថាការវាយប្រហារតាមអាកាសកាលពីថ្ងៃពុធ បានបំផ្លាញអគារទាំងមូល។យោងតាម KNU និងបុគ្គលិកសង្គ្រោះបានឲ្យដឹងថា មនុស្សប្រហែល ៨ ម៉ឺននាក់ត្រូវបានផ្លាស់ប្តូរទីលំនៅដោយការវាយប្រហារតាមអាកាស និងកាំភ្លើងធំសំដៅលើកងពលតូចទី ៥ របស់ KNLA។

កាលពីថ្ងៃអង្គារក៏មានការវាយប្រហារតាមអាកាសពីសំណាក់ យោធាមីយ៉ាន់ម៉ាប្រឆាំងនឹងរដ្ឋធានី Loikawស្ថិតនៅរដ្ឋ Kayah ខណៈដែលកងទ័ពជើងគោករបស់ខ្លួនហាក់ដូចជាត្រូវបានកម្ចាត់ដោយកងកម្លាំងតស៊ូ។ការវាយប្រហារតាមអាកាសកាលពី ថ្ងៃអង្គារគឺជាគោលដៅទីពីរលើទីក្រុងក្នុងរយៈពេល 4 ថ្ងៃ។យន្តហោះពីរគ្រឿងរបស់របបនេះបានទម្លាក់ គ្រាប់បែកលើទីក្រុង ៩លើកកាលពីល្ងាចថ្ងៃអង្គារ។ វីដេអូមួយបានបង្ហាញថាយន្តហោះមួយគ្រឿងបាញ់គ្រាប់រ៉ុក្កែតចូលទៅទីក្រុង Loikaw។ក្នុងអំឡុងពេលនៃការប្រយុទ្ធគ្នាកាលពីថ្ងៃអង្គារ ទាហានរបបយោធាប្រមាណ២០នាក់ និងយុទ្ធជនតស៊ូម្នាក់បានស្លាប់ហើយ អាវុធ និងគ្រាប់រំសេវជាច្រើនរបស់របបយោធាត្រូវបានរឹបអូស ។នេះបើយោងតាម KNDF ។

លោកមីន អ៊ុងឡាំងដកតំណែងមេទ័ពអាកាស

យោងតាមប្រព័ន្ធផ្សព្វផ្សាយក្នុងស្រុក និងប្រភពចំនួនបួនដែលជិតស្និទ្ធនឹងកងកម្លាំងប្រដាប់អាវុធបាននិយាយ ថាមេដឹកនាំ យោធាមីយ៉ាន់ម៉ាបានដកតំណែងប្រធានកងកម្លាំងទ័ពអាកាសហើយដាក់ជំនួសឥស្សរជនជាន់ខ្ពស់បំផុតម្នាក់នៅក្នុងរបបយោធាដែលបានធ្វើការវាយឆ្មក់ទម្លាក់គ្រាប់បែកកំទេចក្រុមចលនាតស៊ូប្រដាប់អាវុធ។ប្រភពព័ត៌មានខាងលើបានប្រាប់រ៉យទ័រថា លោក  Maung Maung Kyawវ័យ57ឆ្នាំដែលជាឧត្តមសេនីយម្នាក់ មានសាវតាមកពីយោធាវរជន ត្រូវបានបណ្តេញចេញពីមុខ តំណែងដែលគាត់បានកាន់តាំងពីឆ្នាំ 2018 ហើយត្រូវដាក់ជំនួសកាលពីថ្ងៃច័ន្ទដោយលោក Htun Aung ដែលជានាយសេនាធិ ការកងទ័ពអាកាស។

អ្នកនាំពាក្យយោធាលោក Zaw Min Tun មិនបានឆ្លើយតបនឹងសំណើសុំការអត្ថាធិប្បាយថាតើលោក Maung Maung Kyaw ត្រូវបានដកចេញឬអត់ទេ។ អ្នកនាំពាក្យរូបនេះត្រូវបានដកស្រង់សម្តីដោយសារព័ត៌មានក្នុងស្រុក Eleven Media ដែលនិយា យថាលោក Maung Maung Kyaw បានបញ្ចប់ភារកិច្ចរបស់គាត់បន្ទាប់ពីអាណត្តិបួនឆ្នាំ។

សមាគមជំនួយសម្រាប់អ្នកទោសនយោបាយ ដែលជាក្រុមសិទ្ធិមនុស្សនិយាយថា មនុស្សជាង 1,400 នាក់ត្រូវបានសម្លាប់នៅ ក្នុងអំពើហិង្សាចាប់តាំងពីរដ្ឋប្រហារ រួមទាំងអ្នកស្លាប់នៅក្នុងការវាយឆ្មក់ដោយបំផ្ទុះគ្រាប់បែកផងដែរ។ របបយោធាជំទាស់នឹង ចំនួនអ្នកស្លាប់ និងរបួសដែលបានរាយការណ៍៕