យោងតាមប្រភពព័ត៌មាន Daily Mail ចេញផ្សាយកាលពីថ្ងៃពុធ ទី១១ ខែមិថុនា ឆ្នាំ២០២០ បានឱ្យដឹងថា ក្លឹប Man UTD ចាប់អារម្មណ៍ចង់បានកីឡាករខ្សែបម្រើ Federico Bernadeschi របស់ក្លឹប Juventus ។
ក្លឹប Man UTD បានឱ្យដឹងថា ប្រសិនបើទិញខ្សែបម្រើ Jadon Sancho មិនបាន ក្លឹបនឹងបង្វែររ៉ាដាយកកីឡាករ Federico Bernadeschi ពី Juventus វិញ។ Man UTD មានទំនាក់ទំនង ជាមួយកីឡាករ Jadon Sancho អស់រយៈពេលជាយូរមកហើយ ប៉ុន្តែការចរចាមិនទាន់ឈានដល់គោលដៅចុងក្រោយនៅឡើយទេ។
ក្លឹប Juventus បានកំណត់តម្លៃខ្លួនខ្សែបម្រើ Federico Bernadeschi ជាង៤០លានដុល្លារ។ កីឡាករវ័យ២៦ឆ្នាំ ដែលអាចលេងបានទាំងបម្រើស្លាប និងប្រយុទ្ធ មិនសូវបង្ហាញវត្តមានប៉ុន្មានទេជាមួយ Juventus ។
កីឡាកររូបនេះមានទំនាក់ទំនងមិនល្អជាមួយគ្រូបង្វឹក លោក Mourizio Sarri ហើយកំពុងតែរកផ្លូវ ចាកចេញពីទឹកដីអ៊ីតាលី។
កីឡាករសញ្ជាតិអ៊ីតាលី បានមកលេងឱ្យក្លឹប Juventus កាលពីឆ្នាំ២០១៧ ក្រោយផ្ទេរមកពី Fiorentina ។ នៅជាមួយ Juventus ធ្លាប់បង្ហាញវត្តមានបាន៦៨ប្រកួត និងស៊ុតបាល់បញ្ចូលទី៦គ្រាប់៕
ប្រភពពី ៖ Daily Mail
ប្រែសម្រួលដោយ ៖ ដេត