ភ្នំពេញ៖មុននេះលោកខេម ប៊ុនថៃ បានបញ្ចេញស្នាដៃថ្មីតែមិនមែនបទចម្រៀងនោះទេគឺវិធីគាស់អយស័រក្នុងសម្លៀកបំពាក់បែបជាចុងភៅហើយអ្វីដែលធ្វើឲ្យស្រីៗចាប់អារម្មណ៍នោះក៍មិនមែនលើអយស្ទ័រនោះទេ ប៉ុន្ដែគឺនៅលើដងខ្លួនសិរីមន្ដ កាន់តែរំលេចសាក់ថ្មីៗជាច្រើនកន្លែងដូចជាខ្នង,កំភួនដៃស្ដាំ,កំភួនជើងឆ្វេង និងសាក់រូបខ្លារខិននៅក្រោមរន្ធផ្ចិតជាដើម។
ទោះជាសិរីមន្ដ មានកូន៣នាក់ទៅហើយមែន ប៉ុន្ដែតាមរយៈតារាហង្សមាសប្រឹងហាត់ប្រាណឡើងសាច់ដុំកង់ៗនោះធ្វើឲ្យ លោកប៊ុនថៃ នៅតែជាទីចាប់អារម្មណ៍ពីសំណាក់ស្រីៗជាច្រើននាក់ពិសេសគឺនៅពេលដែលលោកងាកមកលេងម៉ូដសាក់ កាន់តែច្រើននៅលើដងខ្លួននេះ។គេចាប់អារម្មណ៍ដែរថាការដែលលោកប៊ុនថៃ លេងសាក់ថ្មីៗជាបន្ដបន្ទាប់នេះចំពេលដែលលោកងាកទៅរកស៊ីផ្នែកអចលនទ្រព្យកាន់តែជ្រៅហើយពេលនេះឡើងធ្វើថៅកែខ្លួនឯងតែម្ដងនូវគម្រោងធំៗ ខណៈដែល មុន នេះលោកគ្រាន់តែជាអ្នកឃោសនាឲ្យថៅកែGalaxyដោយស៊ីភាគរយប៉ុណ្ណោះ។តាមរយៈការពង្រីក មុខជំនួញនៅរដូវ កូវីដនេះ បញ្ជាក់ថាខេមរៈ សិរីមន្ដកាន់តែមានទុនច្រើនទៅៗបើទោះជាពេលនេះ លោកមិនទាន់បង្ហើបពីទំហ៊ុំ លុយសរុបដូចកំពូលតារា ចម្រៀងព្រាប សុវត្ថិ មែនតែលោកប៊ុនថៃ ស្ថិតក្នុងចំណោមតារាចម្រៀងមានទ្រព្យច្រើននៅឆ្នាំ២០២១នេះ។
ខេមរៈ សិរីមន្ដ បានផ្អាកច្រៀងរាំលើឆាកតន្រ្ដីជាង៥ខែទៅហើយក្រោយមានតារាហង្សមាសជាច្រើនដួងបានផ្ទុះឆ្លងកូវីដជាបន្ដបន្ទាប់កាលពីដើមខែមីនាឆ្នាំ២០២១ ហើយអំឡុងពេលមិនទាន់វិលកាន់ក្បាលមីក្រូឡើងវិញនេះតារាកូន៣កាន់តែបង្ហាញភាពស្អិតល្មូតជាមួយភរិយាអ្នកនាងគួយ ផល្លី គឺដូចគូស្នេហ៍ទើបរៀបការហើយថ្មោងថ្មីអីចឹង។ទស្សនិកជនដែលគាំទ្រលោកប៊ុនថៃ និយាយថាមិនយូទេអតីតតារាសាន់ដេរូបនេះនឹងតាមយកកូនទី៤ដើម្បីឲ្យទាន់ខាន់ ជេមស៍ នឹងវ៉ាលោកព្រាប សុវត្ថិ ដែលមាន កូន៣នាក់ដែរនោះជាមិនខាន។
ខេមរៈ សិរីមន្ដ ធ្លាប់ប្រាប់អ្នកយកព័តមានយើងថាជំហានលើវិថីសិល្បៈនេះលោកមានគម្រោងការអស់ទៅហើយថាតើឆ្នាំណាត្រូវធ្វើអ្វីខ្លះ ហើយលោកនឹងមិនដើរផ្ទុយពីគោលការណ៍ដែលបានកំណត់នោះឡើយ។ចំណែកមហាជនមើលឃើញថាពេលនេះលោកប៊ុនថៃ គឺជាតួឯកនៅហង្សមាសព្រោះវ៉ាដាច់អស់តារារួមទ្រនុំក្រោយព្រាប សុវត្ថិ ដើរចេញ ហេតុនេះហើយបើថៅកែប្រហែសបណ្ដោយឲ្យសិរីមន្ដ ត្រូវGalaxyទាញបានដូចព្រាប សុវត្ថិ នោះច្បាស់ជាទ្រនុំធំនេះស្រឡះដៃធេងតែម្ដង៕
