បារាំង៖ឈាន នីហ្សា បានទៅរស់នៅទីក្រុងប៉ារីស ប្រទេសបារាំងរយៈពេលជាង៧ឆ្នាំទៅហើយដែលពេលនេះនាងមានកូន២(ស្រី១)ហើយមុនផ្ទុះកូវីដនីហ្សា បានចុះមកលេងស្រុកកំណើតនៅក្រុងភ្នំពេញ ប៉ុន្ដែដោយសារតែកូវីដនៅមិនទាន់ស្ងាត់នេះនីហ្សា ផ្អឹបបំណងមកស្រុកខ្មែរជាថ្មីដោយសម្អាងថាបើមកដល់ត្រូវធ្វើចត្តាឡីស័ក្ក១៤ថ្ងៃនាងខាតពេលវេលាច្រើន។យ៉ាងណានាងថារងចាំព័តមានពីក្រសួងសុខាភិបាលកម្ពុជាបើអ្នកនៅបរទេសដែលបានចាក់វ៉ាក់សាំង២លើករួចហើយអនុញ្ញាត្តិឲ្យចេញចូលជាធម្មតាដោយមិនធ្វើចត្តាឡីស័ក្កនាងនឹងមកដើម្បីរៀបចំបើកហាងCosmeticមួយនាពេលខាងមុខនេះ។នីហ្សា បានប្រាប់តាមឆាតហ្វេសបុកកាលពីពេលថ្មីៗនេះថាស្ថានភាពកូវីដនៅបារាំងហាក់កម្រើកឡើងវិញ តែពលរដ្ឋស្ទើតែ៩០%ដែលចាក់វ៉ាក់សាំងរួចមិនពាក់ម៉ាសក៍នោះទេ។
ក្រៅពីខកគម្រោងមកលេងស្រុកម្ដងទៀតឈាន នីហ្សា ដែលមានកូន២នាក់កូនទី១ប្រុសឈ្មោះRichard អាយុជាង៦ឆ្នាំ និងកូនទី២ឈ្មោះLaura អាយុជាង៣ឆ្នាំនោះនាងថាមិនទាន់មានផែនការយកកូនទី៣ឡើយ។អតីតតារាសម្ដែងនិងចម្រៀងរូបនេះថាគ្រាន់តែមានកូន២ឡើងចង់វិលមុខទៅហើយ ចុះទម្រាំមានកូន៣?នាងថាអត់ទាន់ចង់បានថែមនោះទេ។
ឈាន នីហ្សា បានរៀបការជាមួយបុរសអាណិកជនខ្មែរនៅបារាំងកាលពីឆ្នាំ២០១៣ ហើយនាងបានចេញទៅរស់នៅតាមស្វាមីភ្លាមៗនិងធ្លាប់ចុះមកលេងស្រុកបាន២លើករួចមកហើយគឺកាលពីឆ្នាំ២០១៥ និងឆ្នាំ២០២០ ។នីហ្សា ធ្លាប់ប្រាប់ថានៅថ្ងៃអនាគតនាងចង់មករស់នៅស្រុកខ្មែរវិញព្រោះនៅស្រុកគេពិបាករឿងញាំអាហារដោយសារតែនាងចូលចិត្តញាំម្ហូមខ្មែរ ដែលនៅពេលស្ងាត់កូវីដខាងមុខនេះនាងអាចុះឡើងៗហើយទុក្ខកូនៗទាំង២របស់នាងឲ្យរស់នៅនិងសិក្សារនៅទីនោះ។ដោយឡែកសម្រាប់រូបនាងផ្ទាល់ចង់រកស៊ីលក់ផលិតផល និងកាបូបម៉ាកប្រេនប្រេននាំចូលពីបរទេស ហើយមុនផ្ទុះកូវីដនេះនាងបានរត់ការសុំLicenseពី ក្រសួងដែលពាក់ព័ន្ធរួចអស់ហើយ។តែដោយសារតែកូវីដទើបគម្រោងទាំងនោះត្រូវជាប់គាំង តែមិនយូទេនាងនឹងបំពេញក្ដីស្រម៉ៃនេះឲ្យបានតាមរយៈការបង្កើតមុខរបរផ្ទាល់ខ្លួននៅពេលដែលនាងមកកម្ពុជាវិញនាពេលឆាប់ៗខាងមុខនេះ៕