ភ្នំពេញ៖ នៅមុខនេះបន្ដិច មានករណីភ្ញាក់ផ្អើលថាមានអគ្គិភ័យឆាបឆេះចេញពីរោងចក្រផលិតទឹកកកអនាម័យ រហូតមានរថយន្ដពន្លត់អគ្គិភ័យរបស់ស្នងការក្រុងភ្នំពេញចេញទៅជួយ ទើបដឹងការពិតថា ជាករណីធ្លាយធុងហ្គាសរោងចក្រផលិតទឹកកក បណ្ដាលឲ្យកម្មករ ក្រុមសង្រ្គោះ អ្នកព័ត៌មាន និងប្រជាពលរដ្ឋរស់នៅក្បែរកន្លែងកើតហេតុ ដួលសន្លប់ជាបន្ដបន្ទាប់ ដោយសារក្លិនភាយចេញពីធុងដែលធ្លាយ ធ្វើឲ្យគ្មានខ្យល់ដកដង្ហើម ។
ទីតាំងរោងចក្រផលិតទឹកកកកើតហេតុខាងលើនេះ គឺស្ថិតនៅតាមបណ្ដោយផ្លូវ៣៧១ មុខផ្សារ PC ក្នុងសង្កាត់ បឹងទំពុន ខណ្ឌមានជ័យ ។
រហូតមកដល់ពេលនេះ រថយន្ដសង្រ្គោះរបស់មន្ទីរពេទ្យជាច្រើនគ្រឿង កំពុងដឹកជនរងគ្រោះដែលសន្លប់ យកទៅមន្ទីរពេទ្យ និងក្រុមពន្លត់អគ្គិភ័យ និងមន្រ្ដីជំនាញ កំពុងរកវិធីព្យាយាមចូលទៅបិទធុងហ្គាសដែលធ្លាយនេះ ៕
