ភ្នំពេញ៖តារាចម្រៀងព្រាប សុវត្ថិ បានឈជើងនៅGalaxyជាង១ឆ្នាំទៅហើយដែលការទៅដល់ទ្រនុំថ្មីនោះលោកនៅតែជាតួឯកហើយថែមទាំងសណ្ដោងស្រីស្រស់តន់ ច័ន្ទសីម៉ា ឲ្យឈានទៅរកចំណុចកំពូលទៀតផងក្រោយពីអតីតតារាចម្រៀងផលិតកម្មរស្មីហង្សមាសរូបនេះក្លាយទៅជាដៃគូច័ន្ទសីម៉ា ដោយច្រៀងឆ្លងឆ្លើយគ្នាជាច្រើនបទ។អ្វីដែលគូរឲ្យចាប់អារម្មណ៍នៅតាមបណ្ដារហាងធំៗក្នុងរាជធានីភ្នំពេញ រួមទាំងបៀរហ្គាឌិនមួយចំនួនផងដែលត្រូវបានបើកតំណើរការឡើងវិញកាលពីពេលថ្មីៗនេះគេនៅតែឭការចាក់បទចម្រៀងលោកព្រាប សុវត្ថិ លាន់រំពង តែអ្វីដែលគូរឲ្យកត់សម្គាល់នោះអ្នកចាក់ឲ្យភ្ញៀវស្ដាប់ហាក់យល់ចិត្តអតិថិជនព្រោះស្ទើតែគ្រប់ច្រកល្ហកឭតែបទព្រាប សុវត្ថិ កាលនៅច្រៀងហង្សមាស ឬបទអំឡុងខ្ទង់ជាង១០ឆ្នាំមុនដែលបទទាំងនោះនៅតែពិរោះជក់ចិត្តរហូតមកដល់បច្ចុប្បន្នដដែល។ចំពោះបទចម្រៀងថ្មីៗរបស់កំពូលតារាចម្រៀងព្រាប សុវត្ថិ នៅGalaxyយូៗទើបគេបានឭមានការចាក់ម្ដងដែលធ្វើឲ្យFanតារាចម្រៀងល្បីជាង២៣ឆ្នាំរូបនេះខ្លះនិយាយថា”ស្ដាយ”ដែលលោកចេញពីហង្សមាស។យ៉ាងណាពួកគេនិយាយស្របគ្នាដោយរងចាំមើលថាតើនៅពេលដែលមានកម្មវិធីប្រលងចម្រៀងធំៗតំណើរការក្នុងពេលឆាប់ៗខាងមុខនេះឡើងវិញបណ្ដារបេក្ខជនទាំងឡាយនឹងច្រៀងបទចម្រៀងព្រាប សុវត្ថិ នៅហង្សមាស ឬនៅGalaxyច្រើនជាង?
ថ្វីត្បិតតែមហាជនដែលនិយមស្ដាប់បទចម្រៀងលោកព្រាប សុវត្ថិ អំឡុងពេលលោកច្រៀងនៅហង្សមាសមានការខកចិត្តខ្លះចំពោះការដែលព្រាប សុវត្ថិ ទៅផលិតកម្មថ្មីច្រៀងមិនសូវត្រូវចិត្តFanពិសេសគឺគ្មានបទណា១ប្រើសម្លេងខ្ពស់ដូចមុនក្ដី ប៉ុន្ដែអ្នកជំនាញសិល្បៈបានលើកឡើងថារឿងផ្លាស់ប្ដូរផលិតកម្មនោះមិនមែនតែលោកព្រាប សុវត្ថិ នោះទេគឺតារាផ្សេងៗទៀតក៍ផុតកុងត្រាទៅច្រៀងនៅផលិតកម្មផ្សេងជារឿងធម្មតា។លោកគ្រូភ្លេង(Composer)ម្នាក់នៅហង្សមាសនិយាយថាដោយសារតែកូវីដផ្ទុះខ្លាំងពេកអីចឹងរឿងព្រាប សុវត្ថិ ចេញបទយ៉ាងណានោះមិនទាន់អាចសន្និដ្ឋានបានទេព្រោះខាងផលិតកម្មណាក៍មិនហ៊ានបុកបទពេញទំហ៊ឹងនៅពេលនេះដែរ។ប៉ុន្ដែComposerរូបនោះថាអ្នកជំនាញសិល្បៈនៅហង្សមាសគ្រប់ផ្នែកទាំងអស់ធ្លាប់ជួយលោកព្រាប សុវត្ថិ អស់ហើយព្រោះអំឡុងពេលដែលលោកច្រៀងនៅទីនេះជាង២០ឆ្នាំបទអី ចង្វាក់អី ប្រើសម្លេងរដឺន,ស្រវឹង និងខ្ពស់បំផុតយ៉ាងណាក៍បានផលិតរួចអស់ហើយដែរ។តែគ្រូភ្លេង រូបនោះទទួលស្គាល់ថាទស្សនិកជនពិតជាអាចមើលដឹងដោយមិនអាចប្រកែកបានមែនថាតើពេលប្រលងចម្រៀងធំៗនៅពេលខាងមុខនេះបេក្ខជននឹងយកបទព្រាប សុវត្ថិ ច្រៀងនៅហង្សមាស ឬGalaxy នោះគេនឹងអាចវាយតម្លៃបានហើយ។យ៉ាងណាលោកសង្កត់ថាព្រាប សុវត្ថិ ច្រៀងនៅហង្សមាសជាង២២ឆ្នាំមានជាង៣ពាន់បទ តែលោកទើបទៅGalaxy ជាង១ឆ្នាំមានយ៉ាងច្រើនពី២០ទៅ៣០បទអីចឹងគេមិនអាចប្រៀបធៀបគ្នាបានទេ។
ព្រាប សុវត្ថិ នៅសល់កុងត្រាជាមួយGalaxy ជិត៤ឆ្នាំទៀតក្នុងតំណាក់កាលដំបូងនេះ ហើយកន្លងមកដោយសារតែធ្លាប់មានការលើកឡើងថាព្រាប សុវត្ថិ ទៅGalaxy មិនសូវខ្លាំងដូចនៅហង្សមាសទើបអ្នកគ្រប់គ្រងផលិតកម្មថ្មីនេះធ្លាប់ចេញសារថានឹងធ្វើការជាមួយលោកព្រាប សុវត្ថិ ១០ឆ្នាំថែមទៀតពោលគឺព្រាប សុវត្ថិ អាចនឹងជាប់កុងត្រាជាមួយGalaxyដល់ឆ្នាំ២០៣៥ ដែលពេលនោះលោកនឹងមានអាយុ៦០ឆ្នាំ។អ្នកជំនាញរៀបចំការប្រគុំតន្រ្ដីលើកឡើងថាទោះជាព្រាប សុវត្ថិ លែងច្រៀងក៍ពេលនេះលោកក្លាយទៅជាតារាដែលមានទ្រព្យស្ដុកទៅហើយព្រោះតែកាលពីខែកញ្ញាឆ្នាំ២០២០ មនុស្សជំនិតរបស់លោកធ្លាប់ទម្លាយប្រាប់អ្នកកាសែតថាព្រាប សុវត្ថិ សល់ទ្រព្យខ្ទង់៣០លានដុល្លារពីការចាប់អាជីពចម្រៀងជាង២០ឆ្នាំនេះ។អ្វីដែលគូរឲ្យកត់សម្គាល់នោះនៅរដូវកូវីដនេះព្រាប សុវត្ថិ ក៍បានងាកទៅរកធំផ្នែកអចលនទ្រព្យផងដែរ ខណៈដែលលោកបានបើកហាង”ផ្ទះព្រាប សុវត្ថិ “នៅភូមិច្រេស សង្កាត់គោកឃ្លាង ខណ្ឌសែនសុខ និងកំពុងសាងសង់Resort នៅភូមិពូទ្រូ ឃុំសែនមនោរម្យ ស្រុកអូរាំង ខេត្តមណ្ឌុលគិរី ទៀតផង។ដោយឡែកសម្រាប់អាជីពចម្រៀងព្រាប សុវត្ថិ នៅGalaxy ធ្លាប់មានព័តមានថាលោកទទួលបានប្រាក់ខែ៨០០០ដុល្លារក្នុងកុងត្រា៥ឆ្នាំ និងប្រាក់បន្ថែមចំនួន៣០ម៉ឺនដុល្លារទៀតផង។តែថៅកែGalaxy លោកឡេង ណាវ៉ាត់ត្រា ធ្លាប់ប្រកែកដោយអះអាងថាលោកព្រាប សុវត្ថិ ទៅច្រៀងនៅផលិតកម្មលោកដោយបេះដូង៕
