ថៃឈរចំណាត់ថ្នាក់៥ក្នុងសន្ទស្សន៍សន្តិសុខសុខភាពពិភពលោក

ប្រទេសថៃជាប់ចំណាត់ថ្នាក់លេខ 5 ក្នុងចំណោមប្រទេសចំនួន195នៅក្នុងសន្ទស្សន៍សុវត្ថិភាព​សុខភាពសកលលោកឆ្នាំ2021ដែលបានចេញផ្សាយថ្មីៗនេះ។នេះបើតាមរដ្ឋមន្ត្រីក្រសួងសុខាភិបាលសាធារណៈលោក Anutin Charnvirakul បានប្រកាស​កាលពីថ្ងៃសុក្រសប្តាហ៍មុន។ប្រទេសកំពូលទាំង10នៅក្នុងសន្ទស្សន៍សុវត្ថិភាពសុខភាពសកលឆ្នាំ 2021 គឺសហរដ្ឋអាមេរិក​ឈរលំដាប់លេខ១ (ពិន្ទុ75.9) អូស្ត្រាលី (71.1) ហ្វាំងឡង់ (70.9) កាណាដា (69.8) ថៃ (68.2) ស្លូវេនី (67.8) ចក្រភពអង់គ្លេស (67.2) , អាល្លឺម៉ង់ (65.5), កូរ៉េខាងត្បូង (65.4) និងស៊ុយអែត (64.9) ។សន្ទស្សន៍ដែលត្រូវបានចងក្រងដោយមជ្ឈមណ្ឌល John Hopkins សម្រាប់សន្តិសុខសុខភាពនៅសាកលវិទ្យាល័យ JohnsHopkinsនិងគំនិតផ្តួចផ្តើមការគំរាមកំហែង​នុយក្លេអ៊ែរគឺផ្អែក​លើសមត្ថភាពរបស់ប្រទេសនីមួយៗក្នុងការឆ្លើយតបទៅនឹងជំងឺរាតត្បាតនិងជំងឺឆ្លង។សន្ទស្សន៍នេះត្រូវបានចងក្រង​ជា​រៀង​រាល់ពីរឆ្នាំម្តង។

លោកAnutinបាននិយាយថាសន្ទស្សន៍សន្តិសុខសុខភាពសកលឆ្នាំ 2019 ប្រទេសថៃស្ថិតក្នុងចំណាត់ថ្នាក់ទី 6 ក្នុងចំណោម 195ប្រទេសក៏ប៉ុន្តែឆ្នាំនេះចំណាត់ថ្នាក់របស់យើងបានកើនឡើងមួយកន្លែងជាមួយនឹងពិន្ទុ 68.2 លើ100។នៅក្នុងផ្នែកការ​តាមដានរកមេរោគ និងការរាយការណ៍ សន្ទស្សន៍ ប្រទេសថៃបាន 91.5 ពិន្ទុ ជាប់ចំណាត់ថ្នាក់លេខ 1 ទូទាំងពិភពលោក ខណៈ អូស្ត្រាលី និងសហរដ្ឋអាមេរិកជាប់ចំណាត់ថ្នាក់លេខ ២ និងទី ៣ ក្នុងប្រភេទនេះ។ក្នុងប្រភេទ ការឆ្លើយតបរហ័ស ថៃរកបាន 67.3 ពិន្ទុ និងបញ្ចប់ក្នុងចំណាត់ថ្នាក់លេខ 2 បន្ទាប់ពីហ្វាំងឡង់។

នេះបង្ហាញថាប្រព័ន្ធសុខភាពសាធារណៈរបស់យើងមានភាពរឹងមាំ ទោះបីជាក្នុងអំឡុងពេលមានការរីករាលដាលនៃ កូវីដ-១៩ ក៏ដោយ។លោក Anutin បានមានប្រសាសន៍ថា យើងមិនអាចទទួលបានជោគជ័យក្នុងការបង្ការ និងគ្រប់គ្រងជំងឺដោយ​គ្មាន​កិច្ចសហការពីគ្រប់ភាគីក្នុងរដ្ឋាភិបាល វិស័យឯកជន ក៏ដូចជាប្រជាពលរដ្ឋ ជាពិសេសការយកចិត្តទុកដាក់របស់គ្រូពេទ្យជួរមុខ ដែលបានជួយយើងរក្សាការរាតត្បាត កូវីដ-១៩ ឱ្យស្ថិតក្រោមការគ្រប់គ្រង៕