ក្រសួងការបរទេសសហរដ្ឋអាមេរិក បានត្រួសត្រាយផ្លូវសម្រាប់ប្រទេសហ្វីលីពីន ក្នុងការបញ្ជាទិញយន្តហោះចម្បាំងF-16 និងសព្វាវុធយោធាដែលពាក់ព័ន្ធមួយចំនួនទៀតពីក្រុមហ៊ុន Lockheed Martinក្នុងតម្លៃសរុបប្រមាណ២,៤៣ពាន់លានដុល្លារ ខណៈដែលសម្ព័ន្ធមិត្តរបស់សហរដ្ឋអាមេរិក ឆ្ពោះទៅរកការសម្រេចចិត្តធ្វើទំនើបកម្មយោធារបស់ខ្លួន។ទីភ្នាក់ងារសហប្រតិបត្តិការសន្តិសុខការពារជាតិអាមេរិក (DSCA)ចេញផ្សាយកាលពីថ្ងៃព្រហស្បតិ៍សប្តាហ៍មុនបានអោយដឹងថាប្រទេសអាស៊ីអាគ្នេយ៍មួយនេះបានបញ្ជាទិញសព្វាវុធមួយចំនួនរួមមាន ៖យន្តហោះចម្បាំង F-16C Block 70/72 ចំនួន១០គ្រឿង។យន្តហោះចម្បាំងកៅអី២ F-16D Block 70/72ចំនួន២គ្រឿង។រ៉ាដាពន្លឺរហ័សដែលអាចធ្វើមាត្រដ្ឋានបាន Northrop Grumman AN/APG-83 ចំនួន15 ។

មីស៊ីលបាញ់ពីអាកាសទៅអាកាសរយៈចម្ងាយឆ្ងាយនិងមធ្យម Raytheon AIM-120 ចនួន 24 គ្រឿង។គ្រាប់បែក ឧបករណ៍ណែនាំ GPS / ឡាស៊ែរនិង ឧបករណ៍ជំនួយពាក់ព័ន្ធ។យន្តហោះចម្បាំង F-16D Block 70/72ដែលត្រូវបានផ្តល់ជូនដល់ប្រទេសហ្វីលីពីន គឺជាកំណែទម្រង់ថ្មីចុងក្រោយបំផុតនៃយន្តហោះចម្បាំងសំខាន់របស់ប្រទេសជាច្រើន របស់លោកខាងលិច។ការជូនដំណឹងរបស់DSCAមិនអាចធានាថាការលក់សព្វាវុធនឹងកើតឡើងនោះទេ។នៅពេលដែលការលក់ត្រូវបានអនុម័តដោយសភា អតិថិជនបរទេសអាចចរចារលើតម្លៃ និងបរិមាណ ដែលភាគីទាំងពីរអាចផ្លាស់ប្តូរបាន។

នៅក្នុងការជូនដំណឹងដាច់ដោយឡែកពីរផ្សេងទៀតដែលបានចេញផ្សាយក្នុងពេលដំណាលគ្នា របស់DSCA បានបញ្ជាក់ថា ហ្វីលីពីននឹងទិញមីស៊ីល Raytheon Technologies AIM-9X Block II Sidewinder ចំនួន 24 គ្រឿងតម្លៃប្រហែល៤២,៤ លានដុល្លារ និងកាំជ្រួចប្រឆាំងនាវា Boeing AGM-84L-1 Harpoon Block II ចំនួន 12 គ្រឿង តម្លៃជាង ១២០ លានដុល្លារ។បន្ថែមពីលើបញ្ហាប្រឈមដែលបង្កឡើងដោយទំនើបកម្មយោធាដ៏ឆាប់រហ័សរបស់ចិន ហ្វីលីពីនក៏ត្រូវប្រឈមមុខនឹងការបះបោរជាច្រើននៅទូទាំងកោះចំនួន 7,000 បូកចង់បង្កើតជាទឹកដីរបស់ខ្លួន៕

