ចំនួនអ្នកស្លាប់ដោយសារព្យុះទីហ្វុង Rai ដែលជាព្យុះ ដ៏កំណាចបំផុតវាយប្រហារប្រទេសហ្វីលីពីនក្នុងឆ្នាំ២០២១នេះបានកើនឡើងដល់២០៨នាក់ហើយ។ នេះបើតាមការចេញផ្សាយរបស់ទីភ្នាក់ងារសារព័ត៌មានThe Asean Post កាលពីថ្ងៃចន្ទ ទី២០ ខែធ្នូ ឆ្នាំ២០២១។ប្រភពព័ត៌មានខាងលើក៏បានអោយដឹងដែរថាក្រៅពីអ្នកស្លាប់ មនុស្ស ២៣៩នាក់ផ្សេងទៀតរងរបួសនិង៥២នាក់ បាត់ខ្លួន។ក្រៅពីនេះព្យុះទីហ្វុង Raiក៏បានធ្វើអោយមនុស្សជាង30 ម៉ឺននាក់ត្រូវបានជម្លៀសទៅកាន់ទីទួលសុវត្ថិភាព។លោក Richard Gordon ប្រធានកាកបាទក្រហម កាកបាទក្រហមហ្វីលីពីនបានរាយការណ៍ថាព្យុះនេះបានសម្លាប់មនុស្សច្រើនជាងគេរហូតទៅដល់៧៤នាក់នៅតំបន់ឆ្នេរ។
លោកបានអោយដឹងទៀតថា ផ្ទះ មន្ទីរពេទ្យ សាលារៀន ផ្លូវថ្នល់ និងអគារសហគមន៍ត្រូវបានបំផ្លាញ ។ខ្យល់ព្យុះបានហែកដំបូលដើមឈើ បង្គោលភ្លើងបេតុង កម្ទេចផ្ទះឈើជាបំណែកៗ និងជន់លិច ភូមិជាច្រើន បង្កឱ្យមានការប្រៀបធៀបជាមួយនឹងព្យុះទីហ្វុងហៃយ៉ាន(Haiyan) ក្នុងឆ្នាំ 2013 ។ព្យុះទីហ្វុងហៃយ៉ានកាលពីឆ្នាំ២០១៣ បានឆកយកជីវិតប្រជាជនហ្វីលីពីនជាង៧៣០០នាក់និងបាត់ខ្លួនមួយចំនួន៕
