កាលពីសប្តាហ៍មុនប្រទេសចិនដែលជាសម្ព័ន្ធមិត្តចាក់ទឹកមិនមលេចបានប្រគល់នាវាមុជទឹកមួយគ្រឿងដល់របបយោធាមីយ៉ាន់ម៉ាដែលកំពុងស្ថិតក្នុងស្ថានភាពឯកោពីសហគមន៍អន្តរជាតិ។ ពីធីប្រគល់នេះត្រូវបានធ្វើឡើងនៅទីក្រុងយ៉ាំងហ្គោន ក្រោមអធិបតីភាពមេដឹកនាំរដ្ឋប្រហារឧត្តមសេនីយ មីនអ៊ុនឡាំង។ ពិធីដាក់ឱ្យប្រើប្រាស់នេះ ស្របពេលប្រទេសមីយ៉ាន់ម៉ាប្រារព្ធខួប លើកទី៧៤នៃការបង្កើតកងទ័ពជើងទឹកមីយ៉ាន់ម៉ា ។
នាវាមុជទឹកដែលមានឈ្មោះថា Min Ye Kyaw Htin គឺជានាវាមុជទឹកប្រើម៉ាស៊ូតប្រភេទ Ming-class Type 035ជាមួយនឹងមុខងារពីរ៖ ជានាវាមុជទឹកវាយប្រហារ stopgap និងជានាវាហ្វឹកហាត់។ ប្រទេសចិនគឺជាអ្នកផ្គត់ផ្គង់សព្វាវុធយោធាដ៏សំខាន់មួយដល់កងកម្លាំងប្រដាប់អាវុធរបស់មីយ៉ាន់ម៉ា រួមទាំងយន្តហោះចម្បាំង និងនាវាកងទ័ពជើងទឹក។ មីយ៉ាន់ម៉ាក៏បានទិញយន្តហោះចម្បាំងទំនើបៗពីរុស្ស៊ី និងប៉ាគីស្ថានផងដែរ។កិច្ចព្រមព្រៀងទិញនាវាមុជទឹក Ming-class ត្រូវបានសម្រេចដោយសម្ងាត់ជា មួយទីក្រុងប៉េកាំងកាលពីឆ្នាំមុន។កន្លងមកប្រទេសមីយ៉ាន់ម៉ាត្រូវបានគេជឿថាបានច្រានចោលនូវ លក្ខខណ្ឌរបស់ចិនដែល ទាមទារអោយអ្នកបច្ចេកទេសរបស់ខ្លួនត្រូវបានអនុញ្ញាតថែទាំនាវាណាមួយដែលខ្លួនផ្តល់។វាមិនច្បាស់ទេថាតើលក្ខ ខណ្ឌនេះ ត្រូវ បានភ្ជាប់នៅពេលនេះ។កងទ័ពជើងទឹកមីយ៉ាន់ម៉ាគ្រោងនឹងពង្រីកកងនាវារបស់ខ្លួនទាំងនាវាលើទឹកនិងនាវាមុជទឹក។ដោយបានទិញនាវាមុជទឹកចំនួនពីរគ្រឿង យោធាមីយ៉ាន់ម៉ា ពេលនេះកំពុងចរចាជាមួយរុស្ស៊ី ដើម្បីទទួលបាននាវាមុជទឹក Project 636 Improved Kilo មួយគ្រឿងបន្ថែមទៀត។ នេះបើយោងតាមប្រភពដែលបានជូនដំណឹង។ក្នុងអំឡុងពិធីចូលកាន់ ដំណែងកាលពីសប្តាហ៍មុន ឧត្តមសេនីយ Yan Naing Tun ដែលជាមេបញ្ជាការកងនាវាចរ Min Ye Kyaw Htin បានប្រាប់ ប្រព័ន្ធផ្សព្វផ្សាយយោធា Myawadyថាការបន្ថែមនាវាមុជទឹកថ្មីនេះនឹងអនុញ្ញាតឱ្យកងទ័ពជើងទឹកមីយ៉ាន់ម៉ាចូលរួមក្នុង “សង្គ្រាមត្រីកោណ។
ដោយសារតែចិនលូកដៃកាន់តែជ្រៅជាមួយមីយ៉ាន់ម៉ាបែបនេះបានជាមានការតវ៉ាប្រឆាំងចិនទ្រង់ទ្រាយធំបានផ្ទុះឡើងនៅទីក្រុងយ៉ាំងហ្គោននិងកន្លែងផ្សេងទៀតបន្ទាប់ពីការធ្វើរដ្ឋប្រហារ ហើយរោងចក្រ ប្រហែល១៣-១៤ របស់ចិន នៅក្នុងមជ្ឈមណ្ឌលពាណិជ្ជកម្មរបស់ប្រទេសមីយ៉ាន់ម៉ាត្រូវបានខូចខាតឬជាគោលដៅវាយប្រហារ។ ក្រុមអ្នកតវ៉ាដែលគាំទ្រលទ្ធិប្រជាធិបតេយ្យក៏បានអំពាវនាវដល់សាធារណជនឱ្យប្រឆាំងនឹងគម្រោងទាំងអស់របស់ចិន និងពហិការផលិតផលដែលផលិតនៅក្នុងប្រទេសជិតខាងភាគខាងជើងរបស់ខ្លួន។
តុលាការមីយ៉ាន់ម៉ា កាត់ទោសតារាសម្ដែង Paing Takhonជាប់គុក ៣ឆ្នាំ
រឿងដាច់ដោយឡែកមួយទៀតនៅថ្ងៃនេះដែរតុលាការរបបយោធាបានកាត់ទោសលោក Paing Takhon តារាសម្តែងនិងមូដែលដ៏ល្បីក្នុងប្រទេសនេះអោយជាប់ពន្ធនាគារ៣ឆ្នាំជាមួយនឹងបង្ខំអោយធ្វើការងារលំបាក។នេះបើយោងតាមមេធាវីរបស់លោក ប្រាប់ AFP។
ប្អូនស្រីរបស់គាត់បាននិយាយថាគាត់ត្រូវបានចាប់ខ្លួនក្នុងអំឡុងពេលការវាយឆ្មក់ព្រឹកព្រលឹមនៅផ្ទះម្តាយរបស់គាត់នៅទីក្រុងយ៉ាំងហ្គោនកាលពីខែមេសាខណៈដែលរបបយោធាបានតាមប្រមាញ់តារាល្បីជាង 100 នាក់ដែលប្រឆាំងនឹងខ្លួន។លោក Paing Takhon ជាបុគ្គលមួយរូប ដែលស្ថិតក្នុងបញ្ជីខ្មៅរបស់របបសឹកមីយ៉ាម៉ា បន្ទាប់ពីលោកតែងចេញមុខជាញឹកញាប់លើ បណ្តាញសង្គម និងទីសាធារណដើម្បីប្រឆាំងនឹងរដ្ឋប្រហារយោធានៅដើមខែកុម្ភៈ កន្លងមក៕