ភ្នំពេញ៖ពេជ្រ សោភា បានស្ម័គ្រចិត្តបង្ហាញគូស្នេហ៍ថ្មីមិនទាន់ដល់១ខែផង ស្រាប់តែពេលនេះនាងមានការផ្លាស់ប្ដូរស្ទើតែទាំងស្រុងទៅហើយ។សោភា ដែលធ្លាប់ប្រាប់អ្នកយកព័តមានយើងថាក្រោយមានសង្សារថ្មីនាងមិនត្រូវការជីវិតពាហ៍ពិពាហ៍ជាលើកទី២ទៀតទេ គឺសុខចិត្តសាងស្នេហ៍ដោយមិនបើកចំហ នោះស្រាប់តែពេលនេះនាងបែជាប្ដូរចិត្តហើយចង់គ្រងឈុតកូនក្រមុំជាថ្មីម្ដងទៀតទៅវិញ។នាងសួរទៅFan ថាតើឆ្នាំនេះជាពេលវេលាសមស្របឬអំណោយផលឬអត់បើសិននាងរៀបការ?ចំណែកអ្នកគាំទ្រសោភា បានដូចចិត្តមែនព្រោះម្នាក់ៗគិតតែពីជម្រុញឲ្យនាងប្រញ៉ាប់រៀបការតែម្ដងទៅ ហើយថានាងនិងសង្សារសាកសមគ្នាខ្លាំងណាស់…។ការលើកទឹកចិត្តឲ្យសោភា ចូលរោងការនៅឆ្នាំ២០២២នេះហាក់ដូចជាFan របស់សោភា មិនអាសូដល់ទ្រូងលោកឆឹម សក្កដា បន្ដិចឡើយព្រោះបុរសដែលធ្លាប់តែស្និតស្នេហ៍សោភា រយៈពេលជាង៤ឆ្នាំមកនេះធ្លាប់ដាក់សំណើរតាំងពីឆ្នាំ២០១៨មកម្លេះសុំនាងរៀបការនៅឆ្នាំនេះដែរ តែគ្មានបានចម្លើយតបពីសោភា ឡើយហើយស្រាប់តែនៅថ្ងៃឆ្លងឆ្នាំសកល២០២១ ឈានចូល២០២២ សោភា នាំសង្សារថ្មីទៅកៀកកើយគ្នានៅសៀមរាបយ៉ាងរ៉ូមែនទិក។
គូរកត់សម្គាល់ថាក្រៅពីចង់រៀបការម្ដងទៀតនេះពេជ្រ សោភា ក៍កាន់តែមានការលេងខ្លួនយ៉ាងចម្លែកផងដែរដូចជានាងពាក់គ្រឿងមាសពេជ្រ ស្រោចខ្លួនតម្លៃដល់ទៅរាប់សែនដុល្លារឯណ្ណោះ បន្ទាប់ពីនាងបានក្លាយទៅជាBA របស់លោកស្រីទ្រី ដាណា ហើយសោភា ដែលធ្លាប់តែកាន់ក្បាលមីក្រូឡើងឆាកនោះប្រែទៅជាតារាម៉ូឌែលម្នាក់ទៀតផង។ប៉ុន្ដែថ្មីៗនេះនាងបែជាចូលពេទ្យជាបន្ទាន់ទៅវិញព្រោះតែជំងឺចាស់(ឈាមសស៊ីឈាមក្រហម)ធ្វើទុក្ខឡើងវិញហើយគេមិនទាន់ឃើញបណ្ដូលចិត្តថ្មីរបស់នាងមកមើលថែរនិងយកចិត្តទុកដាក់ដូចអំឡុងពួកគេទៅកម្សាន្ដយ៉ាងសប្បាយរួមគ្នានៅសៀមរាបនោះឡើយ។
ទោះជាយ៉ាងណាគេជឿរថាសោភា នឹងគ្រងឈុតឈុតប្រពៃណីខ្មែររៀបការជាលើកទី២នៅពេលខាងមុខនេះជាមិនខាន ដោយមិនធ្វើពិធីចូលព្រះវិហារគ្រិស្ដត្រឹមបំពាក់ជញ្ជៀនឲ្យគ្នាទៅវិញទៅមកនោះទេ បើទោះនាងជាអ្នកកាន់សាសនាគ្រិស្ដ និងថាសង្សាររូបសង្ហាររបស់នាងនេះជាព្រះយេស៊ូប្រទានឲ្យក្ដី។ទស្សនិកជនមួយចំនួនលើកឡើងថាពេជ្រ សោភា ស្នេហាតែប្រុសស្អាតសង្ហារដូចគ្នាទៅនិងនាងប៉ាច គីមមួយ,ហ៊ិន ច័ន្ទនីរ័ត្ន និងសុខ សោម៉ាវត្តី ជាដើម ហេតុនេះហើយប្រុសៗវ័យចំណាស់ទោះជាសម្បូរទ្រព្យយ៉ាងណាក៍សោភា មើលរំលងដែរ។គេចាំមើលថាចំណងស្នេហាថ្មីរបស់សោភា អាចឈានទៅជីវិតអាពាហ៍ដូចនាងប៉ងប្រាថ្នាដែរឬអត់?
