ភ្នំពេញ៖សម្រាប់ឆ្នាំ២០២១-២០២២ គេកត់សម្គាល់ថាតារាចម្រៀងពេជ្រ សោភា បានលេងម៉ូដរថយន្ដទំនើបៗមិនចាញ់តារានៅប្រទេសជិតខាងនោះទេព្រោះនាងជិះរថយន្ដម៉ាកថ្លៃៗដូចជាPorsche ,Mercedes ,Audi ,Bmw និងRange Rover ជាដើមដែលគ្រាន់តែចំណាយលុយលើឡាននេះក្បែរ១លានដុល្លារបាត់ទៅហើយ។ដោយឡែកសម្រាប់ស្រីស្អាតសុខ ពិសី របស់សាន់ដេវិញនៅរយៈពេលចុងក្រោយនេះនាងក៍បានងាកមកជិះរថយន្ដថ្លៃៗជាច្រើនគ្រឿងផងដែរគឺមិនចាញ់ពេជ្រ សោភា នោះទេដែលមានដូចជាRange Rover ,Audi ,Lexus Ls460 និងថ្មីៗនេះនាងទើបទិញរថយន្ដដ៍ថ្មីសន្លាង១គ្រឿងទៀតគឺLand Cruiser V8 ព័ណសសេរីថ្មីដោយប្រើស្លាកលេខជាឈ្មោះរបស់នាងទៀតផង។ការជិះរថយន្ដថ្លៃៗឆ្លាស់គ្នានេះបញ្ជាក់ថាពិសី មិនជួបវិបត្តិសេដ្ឋកិច្ចឡើយនៅរដូវកូវីដ២ឆ្នាំមកនេះ ហើយនាងថែមទាំងបានសម្រេចគោលដៅផ្ទាល់ខ្លួនតាមរយៈការបើកហាងតែគុជបានសម្រេចដូចបំណងទៀតផង បន្ទាប់ពីបានរកស៊ីតាមOnline លក់ផលិតផលយ៉ាងកាក់កបជាច្រើនឆ្នាំមក។
សុខ ពិសី បានប្រឹងថែសម្រស់ឲ្យកាន់តែមានការទាក់ទាញនៅ២ឆ្នាំចុងក្រោយនេះធ្វើឲ្យនាងក្លាយទៅជាស្រីស្អាតម្នាក់ក្នុងសិល្បៈដែលពិបាករកគូប្រជែង។ពិសី ដែលធ្លាប់តែឡើងគីឡូជ្រុលបន្ដិចនោះប្រែជាមករាងស្វែលតូចច្រឡឹងគូឲ្យក្នក់ក្នាញ់ដែលគិតមកដល់ឆ្នាំ២០២២ នេះគេអាចនិយាយបានថាមិនទាន់មានតារាចម្រៀងរូបណាស៊ីដាច់សម្រស់របស់អ្នកចម្រៀងសាន់ដេនេះទេ។ទោះជាយ៉ាងណាពិសី ក៍ធ្លាប់ឈឺក្បាលរឿងគេថានាងស្អាតព្រោះតែកែកុនជាច្រើនផ្នែកនៃរូបរាងកាយផងដែរ បើទោះជាពិសី មិនដែលសារភាពរឿងកែសម្រស់នោះម្ដងណាក៍ដោយ។
ប៉ុន្ដែអំឡុងពេលដែលពិសី កាន់តែលេងសម្រស់និងម៉ូដឡានព្រមគ្នានេះរឿងស្នេហារបស់នាងជាមួយលោកឡាយ សុខចំរើន ថៅកែសាន់ដេក៍កាន់តែខ្ទខ្ទារឡើងៗផងដែរ ថ្វីត្បិតតែអ្នកទាំងពីរមិនដែលសារភាពស្នេហ៍ម្ដងណាក៍ដោយ។មហាជនជឿរជាក់ថាពិសី ជាតារាចម្រៀងល្បីនិងស្រីស្អាតលេចធ្លោរនៅក្នុងពិភពសិល្បៈ ហេតុនេះហើយនាងមានជម្រើសស្នេហ៍ច្រើនណាស់ព្រោះមានបុរសជាច្រើនប៉ងប្រាថ្នាចង់ក្លាយទៅជាម្ចាស់ចិត្តនាង ហេតុនេះហើយបើលោកសុខចំរើន នៅតែអូសក្រឡារឿងរៀបការទៀតនោះច្បាស់ជាធ្វើឲ្យមានគូប្រជែងស្នេហ៍លោកកាន់តែច្រើនជាមិនខាន៕
