មន្ទីរបញ្ចកោណបាននិយាយកាលពីថ្ងៃចន្ទថា រដ្ឋមន្ត្រីការពារជាតិអាមេរិក លោក Lloyd Austin បានដាក់កងទ័ពចំនួន8500នាក់សម្រាប់ការត្រៀមខ្លួនប្រុងជើងការកម្រិតខ្ពស់ក្នុងការដាក់ពង្រាយទៅកាន់តំបន់អឺរ៉ុប ស្របពេលដែលស្ថានការរវាងរុស្ស៊ីនិងអ៊ុយក្រែនកំពុងឡើងកម្តៅខ្លាំង។អ្នកនាំពាក្យមន្ទីរបញ្ចកោណលោកJohn Kirby បានប្រាប់អ្នកយកព័ត៌មានថាកងទ័ពត្រូវបានដាក់នៅក្នុង ការប្រុងប្រយ័ត្នខ្ពស់តែប៉ុណ្ណោះហើយរហូតមកទល់ម៉ោងនេះ មិនមានការសម្រេចចិត្តចុងក្រោយណាមួយត្រូវបានធ្វើឡើងនៅឡើយទេ។ការដាក់ពង្រាយនេះអាចកើតឡើងនៅពេលដែលណាតូសម្រេចចិត្តអោយមានកងកម្លាំងឆ្លើយតបរហ័សរបស់ខ្លួន (NRF) ដែលមានទាហានប្រហែល 40000 នាក់មកពីប្រទេសសមាជិកផ្សេងៗ។ លោក Kirby បាននិយាយថាសហរដ្ឋអាមេរិករក្សាកងកម្លាំងដែលមានសមត្ថភាពប្រយុទ្ធដ៏សំខាន់ឆ្ពោះទៅមុខក្នុងទ្វីបអឺរ៉ុប។
នៅព្រឹកថ្ងៃដដែល កាសែត New York Times បានរាយការណ៍ថាសេតវិមានកំពុងពិចារណាលើផែនការបញ្ជូនទាហានពី 1000 ទៅ 5000 នាក់ទៅកាន់តំបន់បាល់ទិក និងអឺរ៉ុបខាងកើតដែលជាមធ្យោបាយមួយដើម្បីរារាំងរុស្ស៊ីពីការឈ្លានពានអ៊ុយក្រែន។ ទីភ្នាក់ងារស៊ើបការណ៍សម្ងាត់អាមេរិកបានអះអាងថាអ៊ុយក្រែនបានលុកលុយរុស្ស៊ីចាប់តាំងពីចុងខែតុលាខណៈទីក្រុងម៉ូស្គូបានច្រានចោលការចោទប្រកាន់នេះថា វាជា ព័ត៌មានមិនពិត។
សមាជិកណាតូនឹងបញ្ជូនកងនាវានិងយន្តហោះចម្បាំង ទៅអឺរ៉ុបខាងកើត
សមាជិកណាតូនឹងបញ្ជូនកងនាវា និងយន្តហោះចម្បាំងបន្ថែមទៀតទៅកាន់អឺរ៉ុបខាងកើត ចំពេលមានការប្រឈមមុខដាក់គ្នាកាន់តែអាក្រក់ឡើៗជាមួយរុស្ស៊ី។នៅក្នុងសេចក្តីថ្លែងការណ៍មួយចេញផ្សាយកាលពីថ្ងៃចន្ទ អគ្គលេខាធិការបក្សសម្ព័ន្ធយោធាដឹកនាំដោយសហរដ្ឋអាមេរិកលោកJensStoltenbergបាននិយាយថាលោកស្វាគមន៍ការប្តេជ្ញាចិត្តរបស់អង្គការណាតូក្នុង ការបន្ថែមកងកម្លាំងហើយលោកបានប្តេជ្ញាថានឹង បន្តចាត់វិធានការចាំបាច់ទាំងអស់ដើម្បីការពារ សម្ព័ន្ធមិត្តទាំងអស់រួមទាំងការពង្រឹងផ្នែកខាងកើតនៃ ប្លុកណាតូ។
យោងតាមការអត្ថាធិប្បាយរបស់លោក Jens Stoltenberg បានអោយដឹងថារដ្ឋជាសមាជិកមួយចំនួនបានធ្វើសេចក្តីប្រកាសថាពួកគេនឹងបង្កើនការដាក់ពង្រាយទាំងបច្ចុប្បន្ននិងពេលខាងមុខរួមទាំងប្រទេសដាណឺម៉ាកដែលកំពុងបញ្ជូននាវាចម្បាំងទៅកាន់សមុទ្របាល់ទិក និងយន្តហោះចម្បាំងចំនួន4គ្រឿងទៅកាន់ប្រទេសលីទុយអានីដែលជាការគាំទ្របេសកកម្មគោលនយោបាយដែនអាកាសរយៈពេលវែង។អេស្ប៉ាញ និងបារាំងកំពុងផ្តោតលើអឺរ៉ុបភាគអាគ្នេយ៍ ខណៈទីក្រុងម៉ាឌ្រីដកំពុងពិចារណាបញ្ជូននាទៅ ចូលរួមជាមួយកងកម្លាំងទ័ពជើងទឹកណាតូ និងពិចារណាបញ្ជូនយន្តហោះចម្បាំងទៅប៊ុលហ្គារី។ទន្ទឹមនឹងនេះដែរទីក្រុងប៉ារីសបានបង្ហាញពីការត្រៀមខ្លួនរបស់ខ្លួនក្នុងការបញ្ជូនកងទ័ពទៅកាន់ប្រទេសរូម៉ានីក្រោមការបញ្ជារបស់អង្គការណាតូ៕