អគ្គរដ្ឋទូតចិនព្រមានពីជម្លោះយោធារវាងអាមេរិកនិងចិន លើបញ្ហាកោះតៃវ៉ាន់

ឯកអគ្គរដ្ឋទូតចិនប្រចាំទីក្រុងវ៉ាស៊ីនតោនលោក  Qin Gang បាននិយាយនៅក្នុងបទសម្ភាសន៍ តាមវិទ្យុអាមេរិកកាលពីថ្ងៃ សុក្រទី 28 ខែមករាថា ប្រទេសចិន និងសហរដ្ឋអាមេរិកអាចនឹងឈានដល់ជម្លោះយោធា ប្រសិនបើសហរដ្ឋអាមេរិកលើក ទឹកចិត្តឱ្យមានឯករាជ្យភាពរបស់តៃវ៉ាន់។នេះបើយោងតាមការចេញផ្សាយរបស់សារព័ត៌មានរ៉យទ័កាលពីថ្ងៃសៅរ៍ទី ២៩ មករា ២០២២។បទសម្ភាសន៍នេះបានធ្វើឡើងតែប៉ុន្មានម៉ោងបន្ទាប់ពីរដ្ឋមន្ត្រីការបរទេសអាមេរិកលោក Antony Blinken និងរដ្ឋមន្ត្រី ការបរទេសចិនលោក Wang Yi បានពិភាក្សាគ្នាអំពីវិបត្តិអ៊ុយក្រែន។

លោក Qin ថ្លែងថាខ្ញុំសូមសង្កត់ធ្ងន់លើបញ្ហានេះ។ បញ្ហាតៃវ៉ាន់គឺជាប្រអប់គ្រោះថ្នាក់ធំបំផុតរវាងចិន និងសហរដ្ឋអាមេរិក។ ប្រសិនបើអាជ្ញាធរតៃវ៉ាន់ ដែលត្រូវបានគាំទ្រដោយសហរដ្ឋអាមេរិក បន្តដើរលើផ្លូវទាមទារឯករាជ្យ វាទំនងជាពាក់ព័ន្ធដល់ ប្រទេសចិន និងសហរដ្ឋអាមេរិក ដែលជាប្រទេសធំទាំងពីរនៅក្នុងជម្លោះយោធា។

ទាក់ទងទៅនឹងការលើកឡើងរបស់អគ្គរដ្ឋទូតចិនបែបនេះ សារព័ត៌មានរ៉យទ័រមិនអាចសុំការពន្យល់បានទេសពីក្រសួង ការបរទេសសហរដ្ឋអាមេរិក ក្រុមប្រឹក្សាសន្តិសុខជាតិ និងមន្ទីរបញ្ចកោណ។ភាពតានតឹងរវាងទីក្រុងប៉េកាំងនិងតៃប៉ិបានកើនឡើងក្នុងរយៈពេលប៉ុន្មានខែថ្មីៗនេះខណៈដែលយោធារបស់ប្រទេសចិនបានធ្វើបេសកកម្មរំលោភដែនអាកាសម្តងហើយម្តងទៀតនៅលើច្រកសមុទ្រតៃវ៉ាន់ ដែលជាផ្លូវទឹកបំបែកកោះនេះពីប្រទេសចិន។

ចិនអនុញ្ញាតិអោយប្រធានសិទ្ធិមនុស្សUN ទៅស៊ីនជាំង

យោងតាមកាសែតចិនThe South China Morning Post ដកស្រង់ប្រភពមិនស្គាល់អត្តសញ្ញាណ បាននិយាយថា ប្រទេសចិន បានយល់ព្រមអោយប្រធានសិទ្ធិមនុស្សរបស់អង្គការសហប្រជាជាតិធ្វើទស្សនកិច្ចនៅទីក្រុង ស៊ីនជាំងដែលត្រូវបានគេសង្ស័ យថាមានការរំលោភសិទ្ធិមនុស្សធ្ងន់ធ្ងរ បន្ទាប់ពីព្រឹត្តិការណ៍កីឡាអូឡាំពិកនៅទីក្រុងប៉េកាំង ។ ការចេញផ្សាយបែបនេះបានធ្វើអោយសកម្មជននិងអ្នកការទូតលោកខាងលិចសម្តែងការងឿងឆ្ងល់បន្ទាប់ពីមានការជាប់គាំងជាច្រើនឆ្នាំនៃការចរចា។កាសែតនេះបាននិយាយថាការយល់ព្រមសម្រាប់ដំណើរទស្សនកិច្ចរបស់លោកស្រី Michelle Bachelet ស្នងការជាន់ខ្ពស់ អង្គការសហប្រជាជាតិទទួលបន្ទុកសិទ្ធិមនុស្ស បន្ទាប់ពីបញ្ចប់ព្រឹត្តិការណ៍កីឡាអូឡាំពិកនៅថ្ងៃទី 20 ខែកុម្ភៈ តែត្រូវកំណត់ លក្ខខណ្ឌថាវាគួរតែ រួសរាយរាក់ទាក់” និងមិនមែនជាការស៊ើបអង្កេត។

ក្រុមសិទ្ធិមនុស្សបានចោទប្រកាន់ប្រទេសចិនពីការរំលោភបំពានទ្រង់ទ្រាយធំប្រឆាំងនឹងជនជាតិអ៊ុយហ្គ័រ(Uyghurs )និងក្រុម ជនជាតិភាគតិចផ្សេងទៀតនៅក្នុងតំបន់ភាគខាងលិច នៃតំបន់ស៊ីនជាំង រួមទាំងការឃុំខ្លួនទ្រង់ទ្រាយធំ ការធ្វើទារុណកម្ម និង ពលកម្មដោយបង្ខំ។ សហរដ្ឋអាមេរិកបានចោទចិនពីបទប្រល័យពូជសាសន៍។ ទីក្រុងប៉េកាំងបានបដិសេធរាល់ការចោទប្រ កាន់ពីបទរំលោភបំពានលើជនជាតិអ៊ុយហ្គ័រ និងជនមូស្លីមតួគីផ្សេងទៀត ហើយបានពិពណ៌នាអំពីគោលនយោបាយរបស់ខ្លួន ថាចាំបាច់ដើម្បីប្រយុទ្ធប្រឆាំងនឹងក្រុមលទ្ធិជ្រុលនិយមសាសនា៕