ភ្នំពេញ៖មាស សុខសោភា ត្រូវប្ដីនាងលោកអ៊ឹត រ៉ាដា លើកនំខេកមានរូបសញ្ញាផ្ទះវីឡារ ឲ្យ នាងនៅពេលដែលតារារាម រូបនេះកំពុងច្រៀងសម្ដែងនៅCentral Club &Lounge កាលពីថ្ងៃទី៣កុម្ភៈ ព្រោះប្ដីនាងចង់Surprise ថ្ងៃខួបរបស់នាងគម្រប់អាយុ៣៨ឆ្នាំ បើទោះជាថ្ងៃខួបពិតរបស់សុខសោភា នៅថ្ងៃទី២៩ខែមករាក្ដី។សោភា បានចាប់អោបថើបប្ដីដោយក្ដីស្រលាញ់នៅចំពោះមុខFan ជាច្រើនដែលកំពុងមើលការច្រៀងសម្ដែងរបស់នាង ខណៈដែលនៅថ្ងៃដដែលនោះសោភា បានបង្ហោះរូបភាពស្វាមីនៅលើផេករបស់នាងអមដោយបទចម្រៀងរបស់នាង”ឧត្តមស្វាមី”ដែលបញ្ជាក់ឲ្យគ្រប់គ្នាបានដឹងច្បាស់ថានាងមានសំណាងណាស់ដែលមានប្ដីជាមនុស្សល្អ។ក្នុងបទនោះដែរក៍មានឃ្លាថា”អូនមានតម្លៃ ព្រោះប្ដីអូនជាមនុស្សល្អ” ដែលខ្លឹមសារបទចម្រៀងនោះសុខសោភា ចង់លើកប្ដីនាងឲ្យនារីទាំងឡាយបានឃើញថានាងយកប្ដីត្រូវ។យ៉ាងណាមានចម្ងល់ថាអាយុសុខសោភា ហាក់មិនកើនទៅតាមឆ្នាំសោះព្រោះកាលពីឆ្នាំមុននាងក៍ធ្វើខួបគម្រប់៣៨ឆ្នាំ ឥឡូវនៅតែអាយុដដែល ស្របពេលដែលគេសង្ស័យថាអាយុពិតរបស់តារារាម រូបនេះគឺជាង៤០ឆ្នាំទៅហើយ។
មាស សុខសោភា ធ្លាប់ធ្វើខួបកំណើតធំម្ដងកាលពីឆ្នាំមុនដោយចំណាយលុយអស់ជាច្រើនម៉ឺនដុល្លាររៀបចំជប់លៀងធំនៅសណ្ឋាគាណាហ្គាវើល៍ តែក្រោយមកនាងបានរៀបចំជាលក្ខណៈគ្រួសារដោយមានប្ដីនាងធ្វើឲ្យជារៀងរាល់ឆ្នាំ។ដោយសារតែស្វាមីសុខសោភា មិនដែលភ្លេចថ្ងៃពិសេសរបស់នាងបែបនេះហើយទើបធ្វើឲ្យតារារាម គឺ្រតក្នាញ់ប្ដីដល់ថ្នាក់គ្រញិចអោបថើបលោករ៉ាដា កណ្ដាលហ្វូងអ្នកគាំទ្របែបនេះ។ចំណែកFan តារាចម្រៀងសំនៀងផ្អែមរូបនេះបានជូនពរឲ្យនាងនិងបុរសអាណិកជនខ្មែរមកពីកាណាដារូបនោះស្រលាញ់គ្នាដល់កាន់ឈើច្រត។
មាស សុខសោភា បានភ្ជាប់ស្នេហ៍លោកអ៊ឹត រ៉ាដា កាលពីឆ្នាំ២០០៧ ហើយក្រោយបែកធ្លាយរូបភាពស្នេហាស្រើបស្រាលកាលពីឆ្នាំ២០០៨ នោះនាងប្រកាសសន្យាថានឹងរៀបការនៅឆ្នាំ២០០៩ ដើម្បីទប់ស្កាត់ការរិះគន់ទាំងឡាយ។ប៉ុន្ដែរឿងដែលហួសចិត្តនោះស្រាប់តែសោភា បានលាក់បាំងពីមហាជនរឿងរៀបការដល់ទៅ១២ឆ្នាំហើយទើបតែនៅថ្ងៃទី២៨ខែធ្នូឆ្នាំ២០២១ ពោលគឺត្រូវខួប១២ឆ្នាំអាពាហ៍ពិពាហ៍គម្រប់របស់ខ្លួននោះទើបសោភា ព្រមឲ្យមិត្តភក្ដិដ៍ជិតដិតបំផុតរបស់នាងគឺលោកឆន សុវណ្ណារាជ បញ្ចេញរូបភាពរៀបការរបស់នាងជាមួយលោករ៉ាដា ដែលពេលនោះលោកសុវណ្ណារាជ និងញឹម ចាន់ថន ឡើងសែនកួចដៃការនាង។ក្រោយសោភា ទម្លាយរូបរៀបការស្រដៀងសែនព្រេនដែលពិធីនោះមិនសូវសាកសមទៅនិងកិត្តិយសនាងជាតារាល្បីនោះស្រាប់តែទស្សនិកជនជាច្រើនបានរិះគន់ទៅលើសោភា ដោយអ្នកខ្លះបានលើកឡើងថាសុខសោភា និងឱក សុគន្ធកញ្ញា ល្បីល្បាញត្រដមត្រសងគ្នាជាង១០ឆ្នាំមកហើយ តែពិធីរៀបការរបស់ពួកគេខុសគ្នាដូចមេឃនិងដីទៅវិញ។
ប៉ុន្ដែទន្ទឹមនិងនេះក៍មានអ្នកខ្លះបានសម្ដែងការគាំទ្រសោភា ថាជាគំរូល្អមួយដែលទោះជាពេលនេះនាងមានជីវភាពធូធារ ហើយអាចរៀបការយ៉ាងណាក៍បានឲ្យតែចិត្តនាងចង់ក៍ដោយតែសោភា បែជាការយ៉ាងសាមញ្ញបំផុតព្រោះនាងមិនចង់ខ្ជះខ្ជាយលុយកាក់ ដោយសារតែនាងគិតថាស្នេហាសំខាន់បំផុតគឺមនុស្ស២នាក់ស្រលាញ់គ្នា។ក្រោយទទួលបានការរិះគន់ច្រើនជាងគាំទ្របន្ទាប់ពីសោភា ព្រមឲ្យគេទម្លាយរូបរៀបការច្រឡំសែនព្រេននោះមកសោភា បានលេងមួយក្បាច់ធ្វើឲ្យគ្រប់គ្នាស្រឡាំកាំងតែម្ដងនោះគឺនាងអះអាងថាមានកូនប្រុសម្នាក់ឈ្មោះBovee Hundley ដោយនាងហៅយុវវជនដែលមានអាយុ១៤ឆ្នាំរូបនោះថាជាកូនពេញៗមាត់ទៀតផងទើបធ្វើឲ្យអ្នកតាមដានរឿងស្នេហាសោភា ថាពេលនេះនាងកាន់តែធ្វើឲ្យពួកគេវិលក្បុងអស់ទៅហើយព្រោះរៀបការទើប១២ឆ្នាំតើម៉េចបានមានកូន១៤ឆ្នាំ?អ្នកខ្លះទៀតបានលើកឡើងថាសោភា នេះពិតជាចម្លែកមែនព្រោះមិនដែលឃើញពពោះសោះតែស្ងាត់ៗបែជាមានកូនពេញកំលោះស្ដូកទៅហើយ។
មជ្ឈដ្ឋានមហាជនជឿរថាមាស សុខសោភា នឹងរៀបការធំម្ដងទៀតនៅពេលឆាប់ៗខាងមុខនេះឬរៀបការជាលើកទី៣ព្រោះកាលពីឆ្នាំ២០០៨ នាងក៍ធ្លាប់ប្រាប់ថាបានរៀបការម្ដងរួចទៅហើយដែរដែលពិធីនោះធ្វើតាមបែបជាសាសនាគ្រិស្ដនៅព្រះវិហារមួយនៅកាណាដា ប៉ុន្ដែទោះជាសោភា ធ្លាប់រៀបការលាកើលៀម២លើកមកក្ដី តែមានតែការរៀបការជាចំហនោះទេទើបសោភា រួចផុតពីការដាក់រហ័សនាមថ្មីថានាងជាកំពូលតារាដែលពូកែលាក់រឿងរៀបការបំផុតព្រោះបិតអស់១២ឆ្នាំទើបព្រមបញ្ចេញ។យ៉ាងណាគេជឿរថាសុខសោភា ដែលគេចមិនផុតពីការរៀបការជាសាធារណៈនោះព្រោះតែរឿងដែលនាងចាំបាច់ត្រូវធ្វើនោះគឺការយកកូននេះឯងព្រោះថាពេលនេះនាងមានអាយុកាន់តែច្រើនទៅហើយ៕
