ជំនួបប្រជុំទ្វេភាគី ពូទីន-ម៉ាក្រុន សម្រេចបានយន្តការ ៦ចំណុចនិងស្ថានការណ៍ចុងក្រោយរវាងរុស្ស៊ី-អ៊ុយក្រែន

នៅក្នុងជំនួបប្រជុំទ្វេភាគីអស់រយៈពេលជិត៦ម៉ោងរវាងប្រធានាធិបតីបារាំងលោក អ៊ីម៉ានូអែល ម៉ាក្រុន និង លោក វ្ល៉ាល់ឌីមៀ ពូទីនទីបំផុត សម្រេចបានយន្តការ៦ចំនួចដូចខាងក្រោម៖

សំណើសន្តិសុខទីក្រុងមូស្គូបានប្រកាសជាសាធារណៈកាលពីខែធ្នូមានបីចំនុចសំខាន់គឺគ្មានការពង្រីកកម្លាំងណាតូបន្ថែមទៀតគ្មានការដាក់ពង្រាយប្រព័ន្ធវាយប្រហារនៅតាមព្រំដែនរុស្ស៊ីនិងការដកថយនៃការដាក់ពង្រាយណាតូបច្ចុប្បន្នទៅកាន់ខ្សែបន្ទាត់ឆ្នាំ 1997 ។

១-លោកពូទីនប្រាប់ម៉ាក្រុនថា អង្គការណាតូព្រ ងើយកន្តើយចំពោះសំណើរសន្តិសុខរបស់ខ្លួន

2-លោកម៉ាក្រុនស្នើយន្តការសន្តិសុខថ្មីសម្រាប់ការ

ប្រឈមមុខដាក់គ្នានៅអ៊ុយក្រែនប្រធានាធិបតីបារាំងបាននិយាយថាកិច្ចសន្ទនាជាមួយរុស្ស៊ីជាមធ្យោបាយតែមួយគត់ក្នុងការធានាសន្តិសុខនិងស្ថិរភាពនៅអឺរ៉ុប។ប្រសិនបើយន្តការនិងសន្ធិសញ្ញាដែលមានស្រាប់មិនគ្រប់គ្រាន់ដើម្បីដោះស្រាយស្ថានការណ៍សន្តិសុខលោក បានស្នើឱ្យបង្កើតយន្តការ និងសន្ធិសញ្ញាថ្មីឡើងវិញ។ លោកម៉ាក្រុងបានកត់សម្គាល់ជាពិសេសថា ប្រទេសបា រាំង និងរុស្ស៊ីមិនមានការយល់ដឹងដូចគ្នាអំពីអត្ថន័យនៃសន្ធិសញ្ញា ចុងក្រោយទីក្រុង Helsinki ឆ្នាំ 1975ដែលបាន បង្កើតឡើងជាអង្គការសម្រាប់សន្តិសុខ និងកិច្ចសហប្រតិបត្តិការនៅអឺរ៉ុប(OSCE)ជាពិសេសនៅពេល ដែលវាមក ដល់បញ្ហាសិទ្ធិមនុស្ស និងបូរណភាពទឹកដីនៃរដ្ឋ។

3-ពូទីនយល់ព្រមធ្វើសំណើររបស់លោកម៉ាក្រុង

កាត់បន្ថយកំដៅនយោបាយរុស្ស៊ី-អ៊ុយក្រែនប្រធានាធិបតីរុស្ស៊ីបាននិយាយថាវាគឺអាចធ្វើទៅបានដើម្បីឆ្ពោះទៅមុខលើសំណើមួយចំនួនដែលបង្ហាញដោយសហសេវិកបារាំងដែលអាចនាំទៅដល់ការបន្ថយស្ថានការណ៍នៅអ៊ុយក្រែនប៉ុន្តែមេដឹកនាំទាំងពីរមិនបានប្រាប់លម្អិតទេ។

4- លោកពូទីនប្រាប់អោយទីក្រុងគៀវ ត្រូវតែប្រកាន់ខ្ជាប់

នូវកិច្ចព្រមព្រៀងទីក្រុង Minskកិច្ចព្រមព្រៀងនេះគឺបញ្ឈប់ការរើសអើងជនជាតិរុស្ស៊ីនៅអ៊ុយក្រែន។លោក ពូទីន បានប្រាប់អ្នកសារព័ត៌មានថា លោកបានប្រាប់លោកម៉ាក្រុនយ៉ាងសង្ខេបអំពីការបដិ សេធរបស់អ៊ុយក្រែនក្នុង ការអនុវត្តកិច្ចព្រមព្រៀងទីក្រុង Minsk សូម្បីតែបន្ទាប់ពីទីក្រុងគៀវបានប្តេជ្ញាចិត្ត ដើម្បីធ្វើដូច្នេះក្នុងប៉ុន្មានសប្តា ហ៍ថ្មីៗនេះនៅឯកិច្ចប្រជុំនៅទីក្រុងប៉ារីស និងទីក្រុងប៊ែរឡាំងក៏ដោយ។

5-លោកពូទីនព្រមានអំពីសង្គ្រាមនុយក្លេអ៊ែរ

ដោយលើកឡើងពីអំណះអំណាងរបស់អង្គការណាតូដែលថាប្រទេសណាមួយមានសេរីភាពក្នុងការចូលរួមសម្ព័ន្ធភាពណាតូប្រសិនបើខ្លួនចង់បាននោះ លោក ពូទីន បាននិយាយថា ការធ្វើដូច្នោះនឹងនាំឱ្យ អ៊ុយក្រែនមាន សង្គ្រាមនុយក្លេអ៊ែរជាមួយរុស្ស៊ីយ៉ាងឆាប់រហ័ស។

៦-លោក វ៉្លាឌីមៀ ពូទីន បានយល់ព្រមបញ្ឈប់សមយុទ្ធថ្មីនៅជិតអ៊ុយក្រែន

យោងតាមមន្ត្រីបារាំង មេដឹកនាំរុស្ស៊ីក៏បានយល់ព្រមថា ទាហានដែលចូលរួមក្នុងសមយុទ្ធយោធានៅលើទឹក ដីបេឡារុស្ស ក្បែរព្រំដែនអ៊ុយក្រែន នឹងត្រូវដកថយវិញ នៅពេលដែលសមយុទ្ធ ទាំងនោះបានបញ្ចប់។

ពូទីន ព្រមាន ម៉ាក្រុងៈ រុស្ស៊ី និងបារាំងអាចឈានទៅរកសង្រ្គាម

ថ្លែងនៅក្នុងសន្និសីទកាសែតជាមួយប្រធានាធិបតីបារាំងអ៊ីម៉ានូអ៊ែល ម៉ាក្រុន លោកវ្ល៉ាឌីមៀ ពូទីន បាននិយាយ ថាការចូលរបស់អ៊ុយក្រែនទៅក្នុងអង្គការសន្ធិសញ្ញាអាត្លង់ទិកខាងជើងហៅកាត់ថាណាតូនិងការប៉ុនប៉ងតាមដានដើម្បីដណ្ដើមយកតំបន់គ្រីមៀរ អាចនឹងបង្កឱ្យមានសង្រ្គាមរវាងរុស្ស៊ី និងបារាំង ។

លោកពូទីនបានប្រាប់អ្នកយកព័ត៌មានថាអ្នក ចង់អោយបារាំងវាយរុស្ស៊ី? នោះជាអ្វីដែលនឹងកើតឡើង” ប្រសិន បើអ៊ុយក្រែនចូលរួមជាមួយអង្គការណាតូ ហើយព្យាយាមអនុវត្តគោលនយោបាយរដ្ឋរបស់ខ្លួននៃ “ការរួមបញ្ចូល តំបន់គ្រីមៀរឡើងវិញ ដោយកម្លាំង ។លោក ពូទីន បានពន្យល់ថា ការវាយប្រហារ របស់ អ៊ុយក្រែនលើ តំបន់គ្រី មៀ នឹងធ្វើអោយប៉ះពាល់មាត្រាទី ៥ នៃសន្ធិសញ្ញាបង្កើតអង្គការណាតូ ដោយទាញអឺរ៉ុបទាំងអស់ ឱ្យចូលទៅក្នុង សង្រ្គាមជាមួយរុស្ស៊ី។

អ៊ុយក្រែនធ្វើសមយុទ្ធ បង្ហាញសាច់ដុំដាក់រុស្ស៊ី

រដ្ឋមន្ត្រីការពារជាតិអ៊ុយក្រែនលោក Oleksii Reznikov បាននិយាយកាលពីយប់ថ្ងៃចន្ទថាកងទ័ពអ៊ុយ ក្រែន នឹងធ្វើសមយុទ្ធយោធាចាប់ពីថ្ងៃទី 10 ដល់ថ្ងៃទី 20 ខែកុម្ភៈ ដើម្បីឆ្លើយតបទៅនឹងសមយុទ្ធរបស់ រុស្ស៊ីនៅ ក្នុងប្រទេសបេឡារុស ក្បែរព្រំដែនភាគខាងជើងអ៊ុយក្រែន។

លោក Reznikov បានប្រាប់ប៉ុស្តិ៍ទូរទស្សន៍ក្នុងស្រុកថា ទាហានអ៊ុយក្រែនកំពុងធ្វើសមយុទ្ធជាបន្តបន្ទាប់ ហើយចាប់ពីថ្ងៃទី ១០ ខែកុម្ភៈ ពួកគេនឹងចាប់ផ្តើមធ្វើសមយុទ្ធ យន្តហោះគ្មានមនុស្សបើក Bayraktar និងមីស៊ីលប្រឆាំងរថក្រោះ Javelin និងមីស៊ីល NLAW ដែលផ្តល់ដោយដៃគូបរទេស។

បណ្តាប្រទេសលោកខាងលិចនិយាយថា ពួកគេខ្លាចទីក្រុងមូស្គូអាចនឹងមានគម្រោងឈ្លានពានអ៊ុយក្រែន ខណៈដែលខ្លួនបានប្រមូលផ្តុំកងទ័ពជាង 100.000 នាក់នៅតាមព្រំដែនអ៊ុយក្រែន និងដាក់ពង្រាយ 30.000 នាក់ទៀតនៅក្នុងប្រទេសបេឡារុស្សសម្រាប់សមយុទ្ធរួមគ្នា។ រុស្ស៊ីបដិសេធផែនការបែបនេះ ដោយនិយាយថា ខ្លួនត្រូវការពង្រឹងការការពាររបស់ខ្លួនចំពេលណាតូពង្រីកខ្លួនទៅភាគខាងកើត។

លោក បៃឌិន គំរាមបិទបំពង់បង្ហូរប្រេង Nord Stream 2

ប្រធានាធិបតីអាមេរិកលោក ចូ បៃឌិនបានគំរាមបិទបំពង់បង្ហូរប្រេង Nord Stream 2 ដែលជាបំពង់ បង្ហូរប្រេង ដ៏សំខាន់របស់អាល្លឺម៉ង់-រុស្ស៊ី ប្រសិនបើកងទ័ពរុស្ស៊ីឆ្លងកាត់ព្រំដែនចូលអ៊ុយក្រែន។ លោក បៃឌិនបានធ្វើការ គំរាមកំហែងនេះខណៈដែលលោកជួបជាម ជាមួយអធិការបតីអាល្លឺម៉ង់លោក Olaf Scholz នៅក្នុងសន្និសីទ សារ ព័ត៌មានរួមគ្នាមួយនៅសេតវិមានកាលពីថ្ងៃចន្ទ។

លោក បៃឌិនបាននិយាយ ថា យើងនឹងបញ្ចប់វា។ នៅពេលដែលអ្នកកាសែតបានរិះគន់ថា តើទីក្រុងវ៉ាស៊ីន តោន នឹងអាចទប់ស្កាត់គម្រោងនេះដោយរបៀបណាចាប់តាំងពីវាស្ថិតនៅក្នុងការគ្រប់គ្រងរបស់ប្រទេសអាឡឺម៉ង់នោះ លោកបៃឌិន បានបដិសេធមិនបញ្ជាក់លម្អិតទេ ដោយគ្រាន់តែនិយាយថា “យើងនឹងសន្យានឹងអ្នក យើងនឹង អាចធ្វើវាបាន។បំពង់បង្ហូរឧស្ម័នធម្មជាតិ Nord Stream 2 ត្រូវបានបញ្ចប់រួចរាល់ហើយ ប៉ុន្តែនៅតែកំ ពុងរង់ចាំ ដំណើរការទៅមុខពីនិយតករអាល្លឺម៉ង់។ ការអនុម័តគម្រោងនេះត្រូវបានផ្អាកនៅពាក់កណ្តាលខែវិច្ឆិកា៕