កូរ៉េខាងជើងបានអះអាងថា ខ្លួនអាច អង្រួនពិភពលោកដោយការបាញ់មីស៊ីលទៅកាន់សហរដ្ឋអាមេរិកហើយ បានអះអាងថា ខ្លួនមានគ្រាប់បែកអ៊ីដ្រូសែន មីស៊ីលផ្លោងឆ្លងទ្វីបនិងមីស៊ីលល្បឿនលឿនជាងសំឡេង។ក្រសួងការបរទេសកូរ៉េខាងជើងបាននិយាយថា នៅក្នុងពិភពលោកសព្វថ្ងៃនេះដែលប្រទេសជាច្រើនខ្ជះខ្ជាយ ពេលវេលាក្នុងការដោះស្រាយជាមួយសហរដ្ឋអាមេរិកជាមួយនឹងការស្តាប់បង្គាប់ទាំងងងឹតងងុល មានតែប្រ ទេសរបស់យើងមួយគត់នៅលើភពផែនដីនេះទេដែលអាចអង្រួនពិភពលោកដោយការបាញ់មីស៊ីលទៅដល់ សហរដ្ឋអាមេរិក។
រដ្ឋមន្រ្តីការបទេសកូរ៉េខាងជើងបានបន្តទៀតថាមានប្រទេសជាង 200 នៅលើពិភពលោក ប៉ុន្តែមានតែប្រទេស មួយចំនួនប៉ុណ្ណោះដែលមានគ្រាប់បែកអ៊ីដ្រូសែន មីស៊ីលផ្លោងឆ្លងទ្វីប និងមីស៊ីលល្បឿនលឿនជាងសំឡេង។ ក្រសួងការបរទេសក៏បានហៅការសាកល្បងកាំជ្រួចថ្មីៗរបស់ខ្លួនថាជា សមិទ្ធផលដ៏គួរឱ្យកត់សម្គាល់ ប៉ុន្តែបាន សង្កត់ធ្ងន់ថាប្រទេសនេះចាប់អារម្មណ៍ជាទីបំផុតចំពោះ ការរារាំងសង្គ្រាម។ឆ្លើយតបនឹងសេចក្តីថ្លែងការណ៍នេះ អ្នកនាំពាក្យក្រសួងការបរទេសអាមេរិកបានប្រាប់ សារព័ត៌មានThe Hill ថាទីក្រុងវ៉ាស៊ីនតោនមើល ឃើញថាទី ក្រុងព្យុងយ៉ាងកំពុងគំរាមកំហែងដល់សន្តិភាព និងសន្តិសុខអន្តរជាតិ និងរបបមិនរីកសាយភាយអាវុធនុយក្លេ អ៊ែរជាសកល ប៉ុន្តែបានទទូចថាសហរដ្ឋអាមេរិក គ្មានចេតនាអរិភាពចំពោះប្រទេសឯកោនោះទេ។
ពួកគេក៏បាននិយាយផងដែរថា ទីក្រុងវ៉ាស៊ីនតោនបានប្តេជ្ញាចិត្តក្នុងការ កំណត់ការឈានដល់នៃកម្មវិធីអាវុធ ដ៏គ្រោះថ្នាក់បំផុត របស់កូរ៉េខាងជើង និងរក្សាបុគ្គលិកយោធាអាមេរិក និងសម្ព័ន្ធមិត្តឱ្យមានសុវត្ថិភាព។ប្រទេសកូរ៉េខាងជើងបានធ្វើការសាកល្បងមីស៊ីលចំនួន 7 ដងរួចមកហើយក្នុងឆ្នាំនេះដែលភាគច្រើនត្រូវបាន បាញ់ឆ្ពោះទៅសមុទ្រជប៉ុន។ប្រទេសនេះបានបញ្ជាក់កាលពីសប្តាហ៍មុនថា ខ្លួនបានបាញ់សាកល្បងមីស៊ីល ផ្លោងរយៈចម្ងាយមធ្យម Hwasong-12 ជាលើកដំបូងចាប់តាំងពីឆ្នាំ 2017។ កាំជ្រួចនេះត្រូវបានគេជឿថាមាន សមត្ថភាពវាយប្រហារលើទឹកដីអាមេរិកនៃកោះ Guam ៕
