ភ្នំពេញ៖តារាសម្ដែងគីម ស៊ីវឡាម ត្រូវបានគេនិយាយថានាងមានខ្សែធំនៅហង្សមាសទើបមានឱកាសបានថតសម្ដែង ភាពយន្ដនិងMV ជាញឹកញាប់រហូតមានឈ្មោះល្បីគូសមនៅរយៈពេលចុងក្រោយនេះ។ព័តមានបានឲ្យដឹង ថា នាងស៊ីវឡាម ត្រូវបានអ្នកដឹកនាំល្បីឈ្មោះលោកកៅ សីហា ពេញចិត្តទើបប្រូម៉ូតនាងពីតួជាអ្នកបម្រើរមកធ្វើតួធំហើយអ្នកទាំងពីរមានទំនាក់ទំនងពិសេសជាមួយគ្នាទៀតផង។ប៉ុន្ដែដំណឹងផ្សេងទៀតថានាងស៊ីវឡាម ពិតជា មានគូស្នេហ៍ដែលបម្រើរការនៅហង្សមាសមែន ប៉ុន្ដែមិនមែនលោកសីហា នោះទេគឺជាបុរសផ្សេងដែលពួកគេក្លាយទៅជាចិត្ត១ថ្លើម១និងគ្នាទៅហើយ។
ក្នុងជំនួបកាលពីពេលថ្មីៗនេះស្រីស្រស់គីម ស៊ីវឡាម ទទួលស្គាល់ថាតាមពិតបេះដូងនាងមានម្ចាស់ទៅហើយ តែបុរសនោះមិនមែនជាលោកកៅ សីហា ឡើយ។ស៊ីវឡាម បន្ថែមថាមានមនុស្សជាច្រើនម៉ៃថា នាងនិងលោក សីហា មានអីៗជាមួយគ្នា មិនមែនទាក់ទងគ្នាធម្មតានោះទេ ប៉ុន្ដែអ្នកស្គាល់ច្បាស់ទើបបានដឹង ព្រោះការពិតរូប នាងនិងលោកសីហា រាប់អានគ្នាជាបងប្អូនគ្មានអ្វីចម្លែកឡើយ។តារាញញឹមស្រស់រូបនេះវាចារថាលោកសីហា បានជួយនាងច្រើនទាក់ទងការផ្ដល់ការងារសិល្បៈនិងលើកពីតួតូចទៅតួធំគ្រាន់បើមែនហើយកន្លងមកនាងបានថតរឿងនៅហង្សមាសដូចជារឿង”ប្រពន្ធបងមិនល្អមែនទេ?” និងរឿង”រាជនីយភូមិគ្រឹះ”ជាដើម។តែពេលនេះ នាងមិនទាន់បានថតរឿងថ្មីរបស់លោកសីហា ឬហង្សមាសឡើយ ព្រោះនាងជាប់ថតរឿងភាគថ្មីមួយឲ្យប៉ុស្ដិ៍លេខ៥និងរឿង១ទៀតរបស់Pnn ។
ថ្វីត្បិតែគីម ស៊ីវឡាម សារភាពបេះដូងមានបណ្ដូលចិត្តទៅហើយមែន ប៉ុន្ដែនាងមិនព្រមលាតត្រដាងរឿងគូ ស្នេហ៍នោះទេ ដោយគ្រាន់តែអះអាងថានាងនិងបុរសនោះច្បាស់លាស់ជាមួយគ្នា១០០% ដែលគាត់ជាអ្នកធ្វើ ការនៅផ្នែក១នៃសិល្បៈនិងមិនចេះប្រចណ្ឌឬហួងហែងនាងទេ។ស៊ីវឡាម បន្ថែមថារាល់ថ្ងៃនាងធុញបំផុតគឺ មានប្រុសៗទូរស័ព្ទមករំខាននាងនៅម៉ោង២ឬ៣រំលងអាទ្រាធក៍មានហើយមិនដឹងជាបានលេខនាងមកពីណាទេ ព្រោះនាងBlocked មិនចេះអស់សោះ។នាងថាមិនចូលចិត្តរញ៉ៃញៃនោះទេហើយក៍មិនត្រូវការអ្នកឧបត្ថម្ភដែរសូម មេត្តាឈប់តាមញ៉ែនាងទៀតទៅ។
ទោះជាគីម ស៊ីវឡាម មិនទាន់ថតរឿងថ្មីឲ្យហង្សមាសទៀតមែន តែថ្មីៗនេះតារាវ័យ២៥ឆ្នាំរូបនេះថាទើបទទួល បានការថតស្ពតច្រើនគូសមនៅរយៈពេលចុងក្រោយនេះ ហើយមូលហេតុដែលអ្នកដឹកនាំតែងតែហៅនាងថត ជាបន្ដបន្ទាប់ព្រោះតែនាងធ្វើការគោរពពេលវេលាបានទៀងទាត់ណាស់៕
