បើទោះជារុស្ស៊ីប្រកាសដកកងទ័ពមួយចំនួនចេញពីព្រំដែនអ៊ុយក្រែនយ៉ាងណាក៏ដោយប្រធានាធិបតីអាមេរិកលោក ចូ បៃដិនបាននិយាយកាលពីថ្ងៃអង្គារថាការវាយប្រហាររបស់រុស្ស៊ីទៅលើប្រទេសអ៊ុយក្រែននៅតែមាន លទ្ធភាពច្រើន ប៉ុន្តែថាដំណោះស្រាយការទូតចំពោះវិបត្តិនេះនៅតែអាចសម្រេចបាន។លោកបៃឌិនបាននិយាយថាការដកទ័ពគឺជារឿងល្អ។ យើងមិនទាន់បានផ្ទៀងផ្ទាត់នោះទេ។ យើងមិនទាន់បាន បញ្ជាក់ថា អង្គភាពយោធារុស្ស៊ីកំពុងវិលត្រឡប់ទៅមូលដ្ឋានទ័ពរបស់ពួកគេនៅឡើយទេ។ ជាការពិតអ្នកវិភាគ របស់យើងបង្ហាញថា ពួកគេនៅតែស្ថិតក្នុងស្ថានភាពគំរាមកំហែងខ្លាំង។លោកក៏បាននិយាយផងដែរថា ប្រសិន បើរុស្ស៊ីវាយប្រហារអ៊ុយក្រែន វានឹងក្លាយជា សង្រ្គាមជម្រើស”ឬ “សង្រ្គាម ដោយគ្មានមូលហេតុ ឬហេតុផល។លោកបៃឌិនបាននិយាយថាខ្ញុំនិយាយរឿង ទាំងនេះមិនមែនដើម្បីបង្ករឿង ទេ ប៉ុន្តែនិយាយការពិត។ប្រសិន បើរុស្ស៊ីឈ្លានពានក្នុងរយៈពេលប៉ុន្មានថ្ងៃនិងសប្តាហ៍ ខាងមុខនឹងធ្វើអោយការ ចំណាយមនុស្សសម្រាប់អ៊ុយ ក្រែននិងរុស្ស៊ី។
ពូទីនថាមិនចង់ធ្វើសង្គ្រាម
ប្រធានាធិបតី វ្ល៉ាឌីមៀ ពូទីន បាននិយាយកាលពីថ្ងៃអង្គារថា រុស្ស៊ីមិនចង់បានសង្រ្គាមទេបន្ទាប់ពី ប្រទេសលោក ខាងលិចបានចោទប្រកាន់ទីក្រុងមូស្គូពីបទប្រមូលផ្តុំកងទ័ពនៅជិតអ៊ុយក្រែនជាមួយនឹងផែនការឈ្លានពាន។លោកពូទីនបានប្រាប់សន្និសីទសារព័ត៌មានមួយបន្ទាប់ពីកិច្ចពិភាក្សាជាមួយអធិការបតីអាល្លឺម៉ង់លោក Olaf Scholz នៅទីក្រុងមូស្គូថាតើយើងចង់បានសង្គ្រាមឬអត់? ពិតណាស់ យើងមិនចង់ទេ។នោះហើយជាមូលហេតុ ដែលយើងដាក់សំណើសម្រាប់ដំណើរការចរចា។
លោកពូទីន បាននិយាយថារុស្ស៊ីបានត្រៀមខ្លួនរួចជាស្រេចដើម្បីបន្តកិច្ចពិភាក្សាស្តី ពីមីស៊ីលនិងបញ្ហា សន្តិសុខ ផ្សេងទៀតជាមួយលោកខាងលិច។លោក ពូទីន ក៏បានរំលឹកឡើងវិញថា រុស្ស៊ីបានត្រៀមខ្លួនរួចជាស្រេច ក្នុង ការបន្តការនាំចេញឧស្ម័នទៅកាន់អឺរ៉ុបតាមរយៈអ៊ុយក្រែន បន្ទាប់ពីឆ្នាំ 2024 នៅពេលដែលកិច្ចព្រមព្រៀងឆ្លង កាត់បច្ចុប្បន្នផុតកំណត់៕
