អ្នកបើកយន្តហោះចម្បាំងរបស់របបយោធាមីយ៉ាន់ម៉ាបានស្លាប់នៅពេលដែលយន្តហោះបានធ្លាក់ចូលទៅក្នុងបឹងមួយកន្លែងកាលពីថ្ងៃពុធទី ១៦ កុម្ភៈ ២០២២។នៅក្នុងសេចក្តីថ្លែងការណ៍មួយរបបយោធាបានបញ្ជាក់ថាឧបទ្ទវហេតុនេះបានកើតឡើងនៅពេលដែលយន្តហោះមកពីមូលដ្ឋានទ័ពអាកាស Tada-U ក្នុងតំបន់ Mandalay កំពុងបំពេញបេសកកម្មហ្វឹកហ្វឺន ហើយបានធ្លាក់ចូលទៅក្នុងបឹងមួយក្នុងតំបន់Sagaingដោយសារបញ្ហាបច្ចេកទេស។
អ្នកស្រុកមួយចំនួនដែលបានឃើញហេតុការណ៍បាននិយាយថាយន្តហោះ ប្រភេទNanchang A-5C Fantan ផលិតនៅប្រទេសចិនដែលត្រូវបានប្រើជាចម្បងដើម្បីជួយកងទ័ពជើងគោកក្នុងការវាយប្រហារគោលដៅប្រមូលផ្តុំនៅលើដី។ យន្តហោះប្រភេទនេះត្រូវបានប្រទេសជាច្រើនឈប់ប្រើហើយសូម្បីតែប្រទេសចិនក៏បានចូលនិវត្តន៍កាលពីឆ្នាំ 2010 ។
កាលពីខែមិថុនាឆ្នាំមុនមនុស្ស12នាក់បានស្លាប់នៅពេលដែលយន្តហោះយោធាមីយ៉ាន់ម៉ាដឹកព្រះសង្ឃជាន់ខ្ពស់មួយអង្គ និងម្ចាស់ជំនួយជាច្រើននាក់ទៅចូលរួមក្នុងព្រឹត្តិការណ៍សាសនាមួយបានធ្លាក់នៅតំបន់កណ្តាលនៃប្រទេស។កាលពីឆ្នាំ២០១៧យន្តហោះយោធាមួយគ្រឿងបានធ្លាក់ចូលទៅក្នុងសមុទ្រAndamanដោយបានសម្លាប់មនុស្សទាំងអស់នៅលើយន្តហោះទាំង១២២នាក់។អាជ្ញាធរបានស្តីបន្ទោសអាកាសធាតុអាក្រក់៕
