រុស្ស៊ីប្រកាសឈប់បាញ់គ្នាជាបណ្ដោះអាសន្ននៅក្រុងពីរដែលខ្លួនបានឡោមព័ទ្ធនិងប្រកាសបើកច្រករបៀងមនុស្សធម៌សម្រាប់ទីក្រុងទាំងពីរនេះ។
ទីក្រុងមូស្គូបាននិយាយថា ការឆ្លងកាត់សុវត្ថិភាពត្រូវបានយល់ព្រមជាមួយអ៊ុយក្រែន។ នេះគឺអនុវត្តន៍តាមកិច្ចចរចាសន្តិភាពជុំទីពីរនៅប្រទេសបេឡារុស្សកាលពីថ្ងៃព្រហស្បតិ៍។
ក្រសួងការពារជាតិរុស្ស៊ីនិយាយថាច្រករបៀងមនុស្សធម៌នឹងបើកនៅម៉ោង 10:00 ថ្ងៃសៅរ៍ (ម៉ោងនៅទីក្រុងម៉ូស្គូ) សម្រាប់ទីក្រុង Mariupol និង Volnovakha ។ប្រព័ន្ធផ្សព្វផ្សាយរុស្ស៊ីបានឱ្យដឹងថា របបស្ងប់ស្ងាត់នឹងត្រូវបានអនុវត្តសម្រាប់ប្រជាជនស៊ីវិលក្នុងការចាកចេញពីទីក្រុងនានាហើយត្រូវបានយល់ព្រមជាមួយអាជ្ញាធរអ៊ុយក្រែន។ទោះជាយ៉ាងណាក៏ដោយ យើងមិនទាន់ឃើញមានការបញ្ជាក់ពីភាគីអ៊ុយក្រែននៅឡើយទេ។
អភិបាលក្រុង Mariupol លោក Vadim Boychenko បាននិយាយថាបទឈប់បាញ់នឹងអនុញ្ញាតឱ្យចាប់ផ្តើមការងារលើការស្ដារឡើងវិញនូវអគ្គិសនី និងការផ្គត់ផ្គង់ទឹក ព្រមទាំងសេវាទូរស័ព្ទផងដែរ។ លោកបន្ថែមថា មន្ត្រីមូលដ្ឋានក៏នឹងស្វែងរកការផ្តល់អាហារ និងឧបករណ៍សង្គ្រោះបឋមផងដែរ។