ភ្នំពេញ៖ពិតជាគូរឲ្យភ្ញាក់ផ្អើលនៅពេលដែលតារាកូន១ឌុច លីដា និងស្វាមីរួមដំណើរជាមួយគ្នាដោយជិះរថយន្ដទំនើបជាមួយកូនប្រុសមើលទៅនាងហាក់មានក្ដីសុខបំផុតក្នុងជីវិតនោះស្រាប់តែស្រីស្រស់រូបនេះបែជាបញ្ចេញសារនៅថ្ងៃទី១៧ខែមីនា ថានាងមានក្ដីសុខត្រឹមតែ៣០% សិនទៅវិញ។ការវាចាបែបនេះរបស់លីដា ធ្វើឲ្យមិត្តរួមអាជីពឆ្ងល់ហើយក្នុងនោះក៍មានហ្វេសបុកមួយឈ្មោះថានីរ័ត្ន កូនស្រីឆ្លាត បានខមិនសួរលីដា ថា”ចុះ៧០%ទៀត?”។ចំណែកគណនេយ្យហ្វេសបុក១ទៀតឈ្មោះថាយុវវជនការពារសន្ដិភាពខេត្តស្ទឹងត្រែង ពេលឃើញលីដា អង្គុយជិតប្ដីនោះក៍ខមិនថា”តា(ប្ដីលីដា)មុខកាចម្លេះ?”។ប៉ុន្ដែលីដា មិនបានឆ្លើយតបរាល់សំណួរទាំងនោះហើយក៍គ្មានប្រតិកម្មទៅលើអ្នកដែលចាត់ទុកប្ដីនាងថាជាបុរសមើលទៅកាចនោះឡើយ។
ចំណែកតារារួមអាជីពជាមួយឌុច លីដា វិញពួកគេបានលើកឡើងថាពេលនេះលីដា ហាក់មានអ្វីៗគ្រប់យ៉ាងទាំងអស់ដូចជាលុយ ឡាន និងវីឡារ ក្រោយនាងបានជួបគូស្នេហ៍ជាបុរសវ័យចំណាស់បន្ដិចនេះហេតុនេះហើយការអះអាងរបស់នាងថាមានក្ដីសុខត្រឹម៣០% នោះអាចជាការនិយាយដើម្បីកុំឲ្យគេថានាងអួតអាងឬមិនចង់បញ្ជាក់ច្បាស់ថានាងជាតារាដែលមានក្ដីសុខជាងគេបំផុតនោះ ព្រោះខ្លាចថ្ងៃណាមួយមានទុក្ខសោកនាំតែពិបាកប្រឈមទើបនាងសុខចិត្តចោល៧០%ទៀតថាមិនទាន់ដល់កណ្ដាប់ដៃនាងដើម្បីបំពេញក្ដីសុខឲ្យបាន១០០%នោះឡើយ។ប៉ុន្ដែបើផ្អែកលើជីវភាពរបស់លីដា ពេលនេះនាងពិតជាធូធារខ្លាំងមែនតាមរយៈការរស់នៅផ្ទះយ៉ាងប្រណិត និងជិះរថយន្ដទំនើបៗដូចជាFord Raptor និងLexus Nx200 t ជាដើម។លីដា ក៍ទើបធ្វើខួបកំណើតឲ្យកូនប្រុសនាងគម្រប់២ឆ្នាំឈ្មោះកិត្យាមណី កាលពីថ្ងៃទី៩ខែមករាឆ្នាំ២០២២ ដែរ ដែលគេមើលទៅទាំងសកម្មភាពនៃការយកចិត្តទុកដាក់របស់ស្វាមីនាងនិងការស់នៅយ៉ាងស៊ីវិល័យនោះគេនៅតែមិនអស់ចិត្តចំពោះការការលើកឡើងរបស់នាងដែលថាមានក្ដីសុខត្រឹមតែ៣០%នោះឡើយ។
គូរបញ្ជាក់ថាឌុច លីដា ធ្លាប់ល្បីល្បាញជាមួយភាពយន្ដបែបស្នេហាស្រើបស្រាលដូច ជារឿង”ស្បែកគង់” និងរឿង”នារីវេទមន្ដ”ជាដើម។តែតាំងពីនាងមានស្វាមីនិងកូន១មកគេមិនដែលឃើញលីដា ហ៊ានថតឈុតក្ដៅសាច់ដូចមុនទៀតទេ បើទោះជានាងធ្លាប់អះអាងថាស្វាមីមិនប្រចណ្ឌឬហួងហែងអាជីពចាស់របស់នាងក្ដី។លីដា ក៍ធ្លាប់ឲ្យដឹងថានៅពេលដែលកូននាងនៅតូចបែបនេះអាជីពសិល្បៈរបស់នាងអាចធ្វើបានតែការងារណាខ្លីៗដូចជាស្ពត ប៉ុណ្ណោះមិនអាចចេញថតរឿងតាមខេត្តបានដូចមុនឡើយ ព្រោះថានាងចង់យកពេលវេលាមើលថែរកូននិងបំពេញតួនាទីជាស្រ្ដីមេផ្ទះម្នាក់។តារាបង្ហាញម៉ូដរូបនេះក៍បានតាំងចិត្តថានាងនឹងរៀបការជាចំហនៅពេលដែលកូនប្រុសរបស់នាងមានអាយុ៥ទៅ៦ឆ្នាំពោលគឺអាចឆ្នាំ២០២៥ ឬ២០២៦ ដែលពេលនោះនាងនឹងឲ្យកូនធ្វើជាកូនអណ្ដើកថ្ងៃមង្គលការរបស់នាងតែម្ដង។ការចង់គ្រងឈុតកូនក្រមុំមែនទែនរបស់លីដា នេះកើតមានឡើងក្រោយពីនាងរងការរិះគន់ស្ពឹកមុខរឿងរៀបការបែបលួចលាក់កាលពីថ្ងៃទី១៩ខែវិច្ឆិការឆ្នាំ២០២០ ដែលពិធីនោះនាងថាធ្វើតូចតាចដូចជាសែនព្រេនមេបាគម្រប់កិច្ចប៉ុណ្ណោះ។នាងលើកហេតុផលថាការដែលមិនអាចរៀបការជាសាធារណៈនៅពេលនេះបានគឺក្រៅពីរងចាំឲ្យកូននាងធំបន្ដិចនោះរឿង១ទៀតដោយសារតែពេលនេះស្ថានភាពកូវីដ មិនទាន់បានល្អប្រសើរទើបការធ្វើពិធីពិសេសមិនអាចជួបជុំទ្រង់ទ្រាយធំបានទេ។
ក្រៅពីឌុច លីដា តារាមានកូន១មានដូចជាអ្នកនាងយុគ ចិន្ដា,ឱក សុគន្ធកញ្ញា,សួស វីសា ,ពេជ្រ សូលីកា,សុខ សោម៉ាវត្តី ,ចន ច័ន្ទលក្ខិណា,នៅ សុនិតា ,កែវ ពេជ្រពិសី និងផាត់ ផាន់ណា ជាដើម។តែក្នុងចំណោមតារាខាងលើនេះមានតែអ្នកនាងចិន្ដា,សូលីកា ,សុនិតា ផាន់ណា និងលីដា ជាដើមដែលមិនទាន់បានឆ្លងកាត់ជីវិតអាពាហ៍ ពិពាហ៍៕