ភ្នំពេញ៖ខណៈដែលឱក សុគន្ធកញ្ញា,សួស វីសា ,មាស សុខសោភា និងម៉ូនីកា ជាដើមក្រោយពួកគេមានប្ដីហើយសុទ្ធតែឡើងគីឡូជ្រុលបន្ដិចឬបែកសាច់ជាងមុននោះតារាស្រគត់ស្រគុំសុគន្ធ និសា បែជាអាចរក្សាររូបរាងបានសឹងតែដូចកាលនៅលីវទៅវិញ។ការថែរាងបានស្វែលរបស់សុគន្ធ និសា នោះធ្វើឲ្យនាងនៅតែមានទីផ្សារក្នុងអាជីពចម្រៀង និងក្ដាប់បានស្ពតពាណិជ្ជកម្មធំៗតទៅទៀតទើបធ្វើឲ្យប្រាក់ចំណូលពីសិល្បៈរបស់នាងរក្សារលំនឹងបាន ខណៈដែលសម្រាប់ថ្ងៃបុណ្យចូលឆ្នាំខ្មែរ៣ថ្ងៃនេះនិសា ក៍ជាប់ច្រៀងសម្ដែងទាំង៣ថ្ងៃផងដែរ។អ្វីដែលគូរឲ្យកត់សម្គាល់នោះស្វាមីនាងលោកចៅ សម្បត្តិ បានគាំទ្រនិងព្យាយាមលើកទឹកចិត្តនាងគ្រប់ពេលវេលាទាំងអស់ ក្រោយពីអាណិកជនខ្មែរមកពីអាមេរិករូបនេះបានព្យាយាមបញ្ចុះបញ្ចូលនិសា ឲ្យបោះបង់អាជីពចម្រៀងទាំងស្រុងតែត្រូវទទួលបរាជ័យ។
ក្រៅពីសុគន្ធ និសា តារាមានប្ដីតែអាចរក្សាររូបរាងបានមិនសូវបែកសាច់មានដូចជានាងពេជ្រ សូលីកា ,សារ៉ាយ សក្ខណា និងទឹម រដ្ឋា ជាដើម។ចំពោះនិសា វិញបន្ទាប់ពីរៀបការប្ដីជាង៤ឆ្នាំនេះនាងលែងហត់នឿយរឿងត្រូវមន្រ្ដីធំៗមួយចំនួនតាមចែចង់ទៀតហើយ បើទោះជាប្ដីនាងមិនមែនជាអង្គរក្សដែលដើរតាមនាងគ្រប់ជំហ៊ានក្ដី តែលោកសម្បត្តិ ជាអ្នកជំនួញធំម្នាក់ ហេតុនេះហើយបើសិនជានិសា មិនចាំបាច់ច្រៀងរាំក៍នាងមិនខ្វះលុយចាយដែរ។និសា ធ្លាប់និយាយប្រាប់អ្នកយកព័តមានយើងថានៅពេលដែលនាងដកឃ្លាពីសិល្បៈនិងសម្រេចចិត្តយកកូនពេលនោះនាងត្រូវតែបង្កើតមុខរបរក្រៅសិល្បៈបន្ថែមទៀតគឺមិនពឹងលើប្រាក់ចំណូលពីស្វាមីទាំងស្រុងឡើយ។
តាមព័តមានថាសុគន្ធ និសា នឹងរៀបគម្រោងយកកូនដំបូងនៅរដូវធ្លាក់ភ្លៀងឆ្នាំ២០២២ នេះក្រោយពីនាងបានលើកពេលរឿងពពោះនៅឆ្នាំ២០២១ ដោយសារតែកាលពីដើមខែមីនា ឆ្នាំនោះនាងកើតកូវីដ។និសា ដែលចង់ផ្ដល់កំណើតឲ្យកូនទី១លើទឹកអាមេរិក ប្រាកដជាពិបាកពន្យាពេលតទៅទៀតជាមិនខានដោយសារតែចាស់ទុំទាំងសងខាងចង់បានកូនង៉ាព ហេតុនេះហើយគេជឿរថាមិនយូទេអ្នកនាងប៊ុន សុគន្ធា នឹងបានកូនប្រលែងលេងដូចមិត្តរួមក្រុមអ្នកនាងសុគន្ធកញ្ញា ,វីសា និងសូលីកា ដែរជាមិនខាន។
ក្រៅពីសុគន្ធ និសា តារាដែលយកប្ដីអាណិកជនខ្មែរនៅអាមេរិកមានដូចជាអ្នកនាងអម្ពរ ទេវី ,គឹម លក្ខិណា,វ៉េត រតនា និងសារ៉ាយ សក្ខណា ជាដើម៕