ភ្នំពេញ៖ប្អូនថ្លៃលោកថៅកែហង្សមាសឱក សុគន្ធកញ្ញា បានបាត់បង់ឱកាសថតសម្ដែងភាពយន្ដខ្នាតធំម្ដងរួចទៅហើយកាលពីចុងឆ្នាំ២០១៩ ព្រោះតែពេលនោះនាងពពោះកូនទី១ទើបធ្វើឲ្យតំណែងតួឯករឿង”ខ្ញុំមានញាណលើស”បានធ្លាក់ទៅកណ្ដាប់ដៃសុខ ស្រីនាង ។តែក្រោយកូនប្រុសរបស់នាងមានអាយុជាង២ឆ្នាំនេះមានព័តមានថាសុគន្ធកញ្ញា នឹងចាប់ដៃជាមួយលោកឧកញ៉ាកូន៣ខែម ប៊ុនថៃ ថតរឿងថ្មីមួយផ្សេងទៀតក្នុងពេលឆាប់ៗនេះដើម្បីធ្វើឲ្យទីផ្សារសិល្បៈរបស់ពួកគេកាន់តែមានការចាប់អារម្មណ៍ បន្ថែមពីលើអាជីពចម្រៀង ខណៈដែលអ្នកដឹកនាំសម្ដែងរឿងភាគរបស់ហង្សមាសទាំង៤ក្រុមផ្សេងៗគ្នានោះពួកគេសុទ្ធតែចង់បានតារាជូមុខទាំង២ដួងមកធ្វើជាតួឯកក្នុងភាពយន្ដរបស់គេបើទោះជាសុគន្ធកញ្ញា និងលោកប៊ុនថៃ មិនមែនជាតារាសម្ដែងអាជីពក្ដី តែឆ្លងកាត់ពួកគេធ្លាប់សម្ដែងMV ជាច្រើនរឿងមកហើយនោះច្បាស់ជានឹងក្លាយទៅជាដៃគូដ៍សាកសមបំផុតជាមិនខាន។ប៉ុន្ដែគូរឲ្យសោកស្ដាយព្រោះតាមព័តមានថាភាពយន្ដដែលសុគន្ធកញ្ញា និងលោកប៊ុនថៃ ត្រៀមចាប់ដៃគ្នាជាលើកដំបូងនៅហង្សមាសនោះពេលនេះប្រឈមភាពគាំងសារជាថ្មីទៀតហើយ។
អ្នកដឹកនាំសម្ដែងភាពយន្ដនៅក្រុមមួយរបស់ហង្សមាសបានប្រាប់”នគរធំ”កាលពីរសៀលថ្ងៃទី២២មេសា ថាបញ្ហាដែលសុគន្ធកញ្ញា និងខេមរៈ សិរីមន្ដ មិនទាន់អាចចាប់ដៃគូគ្នាថតរឿងនៅហង្សមាសនៅពេលនេះដោយសារតែក្រោយពីលោកប៊ុនថៃ ឡើងជាឧកញ៉ាមកលោករវល់រឿងរកស៊ីលក់ដីឡូតិ៍ច្រើនជាងលេងសិល្បៈ។Director រូបនោះបន្ថែមថាការថតភាពយន្ដមិនងាយស្រួល និងឆាប់ចប់ដូចMVទេគឺត្រូវចំណាយពេលច្រើនពិសេសនៅតាមខេត្តដែលសាកសមជាមួយសាច់រឿង ដែលមានប្លង់ខ្លះថតដល់យប់ជ្រៅ ទៀបភ្លឺក៍មានអីចឹងមិនដឹងថាលោកឧកញ៉ាប៊ុនថៃ មានពេលដែរឬអត់នោះទេ?
ឱក សុគន្ធកញ្ញា ក្រោយមានស្វាមីនិងកូន១នាងមិនសូវមានសន្ទុះខ្លាំងដូចកាលនៅលីវនោះទេគឺដូចតារាមួយតារាមួយចំនួនទៀតដែលរៀបការប្ដីដែរ ប៉ុន្ដែឥទ្ធិពលរបស់នាងនៅហង្សមាសគឺពិតជាមិនធម្មតានោះឡើយ ព្រោះតែត្រូវតារារួមក្រុមចាត់ទុកនាងដូចជាម្ចាស់ឬថៅកែហង្សមាស។អ្វីដែលគូរឲ្យកត់សម្គាល់សុគន្ធកញ្ញា ហេតុតែចង់ធ្វើឲ្យទីផ្សារចម្រៀងរបស់នាងមានការប្រែប្រួលទើបនាងសុខចិត្តលេងឈុតស្នេហាបែប(lesbian )ជាលើកទី១ជាមួយសុខ ស្រីនាង តាមរយៈចម្រៀងជាខ្សែរឿង”ស្នេហាខ្ញុំ ផ្លូវ២”ធ្វើឲ្យពេលនេះសុគន្ធកញ្ញា-ស្រីនាង ជួបមុខគ្នានៅក្រៅឆាកពួកគេអៀនរៀងៗខ្លួន៕