ខេត្តកំពង់ឆ្នាំង ៖ ឯកឧត្តម អ៊ុក ពញ្ញា រដ្ឋលេខាធិការក្រសួងអភិវឌ្ឍន៍ជនបទ ប្រធានក្រុមការងាររាជរដ្ឋាភិបាលចុះមូលដ្ឋានស្រុករលាប្អៀរ អមដំណើរជាមួយលោកគឹម វាសនា អគ្គាធិការ នៃអគ្គាធិការដ្ឋានក្រសួងអភិវឌ្ឍន៍ជនបទ និងជាតំណាងលោកបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ឆ្នាំង បានអញ្ជើញចុះជួបសំណេះសំណាលសួរសុខទុក្ខ គណ:កម្មាធិការបក្សឃុំរលាប្អៀរការងារ បោះឆ្នោតក្រុមប្រឹក្សាឃុំសង្កាត់ និងនាំយកថវិកាចែកជូនប្រជាពលរដ្ឋចំនួន១១គ្រួសារ ។
ពិធីនេះ បានប្រព្រឹត្តទៅ កាលពីព្រឹកថ្ងៃទី១៤ ខែឧសភា ឆ្នាំ២០២២ នៅស្នាក់ការបក្សឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។
លោកគឹម វាសនា អគ្គាធិការ នៃអគ្គាធិការដ្ឋានក្រសួងអភិវឌ្ឍន៍ជនបទ បានបញ្ផាក់ឱ្យដឹងតាមរយៈគណនីហ្វេសប៊ុក ផ្ទាល់ខ្លួនរបស់លោកយ៉ាងដូច្នេះថា “ព្រឹកថ្ងៃទី១៤ ឧសភា ២០២២ ខ្ញុំបាទនិងក្រុមការងារបានចូលរួមប្រជុំជាមួយ ឯកឧត្តម អ៊ុក ពញ្ញា រដ្ឋលេខាធិការក្រសួងអភិវឌ្ឍន៍ជនបទ អនុប្រធានក្រុមការងារថ្នាក់កណ្ដាលចុះមូលដ្ឋានស្រុករលាប្អៀរ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ឆ្នាំង ប្រធានក្រុមការងារថ្នាក់កណ្ដាលចុះមូលដ្ឋានស្រុករលាប្អៀរនិងស្រុកសាមគ្គីមានជ័យ ជាមួយគណ:កម្មាធិការបក្សឃុំរលាប្អៀរការងារបោះឆ្នោតក្រុមប្រឹក្សាឃុំសង្កាត់ នៅស្នាក់ការបក្សឃុំរលាប្អៀរស្រុក រលាប្អៀរ ខេត្តកំពង់ឆ្នាំង បន្ទាប់មកបានយកថវិការបស់ឯកឧត្តមបណ្ឌិតសភាចារ្យ អ៊ុក រ៉ាប៊ុន ចែកជូនដល់ប្រជាពលរដ្ឋចំនួន១១គ្រួសារ នៅភូមិជារៅ ផងដែរ…” ។/
