ក្លឹបMan Cityបានបញ្ចប់ការចុះហត្ថលេខារួចរាល់ហើយ
ក្នុងការទិញកីឡាករខ្សែប្រយុទ្ធន័រវេស Erling Haaland ពីក្លឹប Dortmundជាមួយនឹងកិច្ចសន្យារយៈពេល៥ឆ្នាំ។នេះបើយោងតាមការបញ្ជាក់របស់ក្លឹបម្ចាស់ជើងឯកប្រឺមីញេលីកបាននិយាយកាលពីថ្ងៃអង្គារទី១៤មិថុនា។
ក្លឹបMan Cityមិនបានផ្តល់ព័ត៌មានលម្អិតពីតម្លៃខ្លួន
របស់កីឡាកររូបនេះប៉ុន្តែប្រព័ន្ធផ្សព្វផ្សាយអាល្លឺម៉ង់បានរាយការណ៍ថាការចំណាយសរុបទៅលើ Haaland អាចលើសពី ៣១៤លានដុល្លារ រួមទាំងប្រាក់ខែ ថ្លៃភ្នាក់ងារ និងប្រាក់រង្វាន់ជាដើម។
តម្លៃរបស់ខ្សែប្រយុទ្ធវ័យ២១ឆ្នាំបានកើនឡើងយ៉ាងខ្លាំងដោយសារទម្រង់លេងដ៏ល្អរបស់គាត់នៅជាមួយ Dortmund បន្ទាប់ផ្លាស់មកពីក្លឹបបាល់ទាត់អូទ្រីស Salzburg កាលពី២ឆ្នាំមុន។
Haaland ដែលស៊ុតបញ្ចូលទីបាន ៨៦គ្រាប់ក្នុងការប្រកួតទាំងអស់សម្រាប់Dortmund ចាប់តាំងពីការបង្ហាញខ្លួនលើកដំបូងរបស់គាត់ក្នុងខែមករា ឆ្នាំ ២០២០បាននិយាយថាខ្ញុំតែងតែមើលការប្រកួតរបស់ក្លឹបMan City ហើយចូលចិត្តខ្លាំងណាស់ ។
កីឡាករសញ្ជាតិន័រវេសដែលនឹងចូលរួមជាមួយCity នៅថ្ងៃទី១ ខែកក្កដាបានបន្ថែមថាខ្ញុំចង់រកគ្រាប់បាល់ ឈ្នះពានរង្វាន់ និងធ្វើអោយប្រសើរឡើងក្នុងនាមជាកីឡាករបាល់ទាត់ ហើយខ្ញុំមានទំនុកចិត្តថាខ្ញុំអាចធ្វើបាននៅទីនេះ៕