យោងតាមប្រភពព័ត៌មានជាច្រើនចេញផ្សាយកាលពីថ្ងៃអាទិត្យ បានអោយដឹងថាកីឡាករខ្សែប្រយុទ្ធ Cristiano Ronaldo ចង់ចាកចេញពីបិសាចក្រហម Man Utd នៅរដូវក្តៅនេះ ប្រសិនបើក្លឹបទទួលបានសំណើរសមរម្យ។
កីឡាករវ័យ ៣៧ឆ្នាំរូបនេះត្រូវបានគេរាយការណ៍ថាបានប្រាប់ Unitedថាគាត់ចង់ចាកចេញហើយភ្នាក់ងាររបស់គាត់លោក
Jorge Mendes បាននិយាយថាបានជួបពិភាក្សាជាមួយ Bayern,ChelseaនិងNapoliខណៈដែលគាត់ស្វែងរកក្លឹបដែលមានសមត្ថភាពបំពេញមហិច្ឆតារបស់ Ronaldo ។
ខ្សែប្រយុទ្ធសញ្ជាតិព័រទុយហ្គាល់រូបនេះបានត្រលប់ពី Juventus មក Old Trafford កាលពីរដូវក្តៅមុន ។ទោះបីក្លាយជាអ្នកស៊ុតបញ្ចូលទីបានច្រើនជាងគេក្នុងក្លឹបកាលពីរដូវកាលមុននិងទីបីក្នុងក្របខ័ណ្ឌប្រឺមីញេលីកក៏ដោយតែគេបានជួបរឿងខកចិត្តជាច្រើន។
Man Utd បានបញ្ចប់ក្នុងចំណាត់ថ្នាក់លេខ៦ក្នុងក្របខ័ណ្ឌ ប្រឺមីញេលីកបាត់បង់កៅអីវគ្គជម្រុះឆេមពានលីកដែលធ្វើឱ្យម្ចាស់ពានរង្វាន់បាល់មាស Ballon d’Or ប្រាំសម័យដែលនៅសល់កុងត្រាមួយឆ្នាំទៀតប្រឈមមុខនឹងការរំពឹងទុកនៃការលេងក្នុងក្របខ័ណ្ឌយូរ៉ូប៉ាលីកជាលើកដំបូង។
ទោះជាយ៉ាងណាក្តីឆ្លើយតបទៅនឹងការចុះផ្សាយរបស់បណ្តាញសារព័ត៌មាន អ្នកចាត់ការថ្មី លោកErik ten Hag បាននិយាយថាRonaldo មិនមែនសម្រាប់លក់ទេ ៕