ភ្នំពេញ៖សុខ ស្រីនាង បានចេញទៅដើរកម្សាន្ដនៅប្រទេសបារាំងរយៈពេលខ្លីកាលពីចុងខែសីហា ដែលដំណើរក្រៅស្រុកដ៍កម្រនេះនាងពិតជាស្រស់ថ្លាខ្លាំង ប៉ុន្ដែស្រីនាង បែជាខុសពីតារាមួយចំនួនទៀត ព្រោះនាងមិនបង្ហាញដៃគូពិសេសដែលរួមតំណើរជាមួយនាងឡើយ ពោលគឺទាំងក្នុងនិងក្រៅស្រុកនាងនៅតែព្យាយាមលាក់មុខគូស្នេហ៍ថ្មីជិតឈឹងតែម្ដង ស្របពេលដែលការដើរលេងនៅបរទេសនោះអាចជាការស្វែងរកកាសន្សំអនុស្សាវរីយ៍ថែមទៀតសម្រាប់ការមើលចិត្តគូស្នេហ៍ដែលត្រូវបានគេយល់ថាដោយសារតែនាងមិនមានភាពច្បាស់លាស់ទើបគ្មានភាពក្លាហានក្នុងការបញ្ចេញមុខអនាគតស្វាមីដូចគេនោះ។
ការលើកឡើងបែបនោះដោយសារតែគ្រប់គ្នាយល់ថាស្រីនាង មិនមែនបេះដូងនៅទំនេរនោះទេគឺគ្រាន់តែនាងលាក់មុខប្រុសស្នេហ៍មិនឲ្យគេស្គាល់ប៉ុណ្ណោះ ដែលការជ្រើសផ្លូវបែបនេះហើយធ្វើឲ្យស្រីនាង នៅតែត្រូវបានគេសង្ស័យថានាងស្នេហាស្រីដូចគ្នាដូចការលេងឈុត”ស្នេហខ្ញុំផ្លូវ២”ដែលដៃគូនាងជាឱក សុគន្ធកញ្ញា នោះ។ប៉ុន្ដែកាលពីថ្ងៃទី១៤កញ្ញា ស្រីនាង បានជូនពរសុគន្ធកញ្ញា នៅថ្ងៃខួបកំណើតគម្រប់អាយុ៣៦ឆ្នាំនោះដោយនាងហៅកញ្ញា ថាជា”បងស្រី”ទើបធ្វើឲ្យគេអស់សង្ស័យ ព្រោះតាមពិតស្រីនាង និងសុគន្ធកញ្ញា ស្រលាញ់គ្នានោះមានតែនៅក្នុងសាច់រឿងប៉ុណ្ណោះ។
សូមបញ្ជាក់ថាសុខ ស្រីនាង បានធ្លាក់ខ្លួនមេម៉ាយជាង១០ឆ្នាំទៅហើយក្រោយនាងលែងប្ដីលោកស៊ី សុវត្ថិ កាលពីឆ្នាំ២០១០ ហើយនាងទៅណាមកណាមិនដែលបញ្ចេញមុខបុរសណាពិសេសដែលស្និតស្នាលនាងជាចំហបែបគូស្នេហ៍ឡើយគឺមានតែប្អូនប្រុសនាងតាមអ្នកចម្រៀងរូបនេះជាប់ជានិច្ច។យ៉ាងណារូបសម្រស់ផូផង់ដូចស្រីនាង ប្រាកដជាមុខសញ្ញានៃការតាមប្រម៉ាញ់ស្នេហ៍ពីសំណាក់មន្ត្រីធំៗមួយចំនួនដែលធ្វើឲ្យនាងថែមទាំងពិបាកគេចផុតពីការយកប្ដីជាអ្នកធំតែម្ដងទើបគេដៅថាអ្នកមេម៉ាយគ្មានកូន១គ្រាប់ជាប់ខ្លួនបនេះនឹងឡើងជំទាវដោយងាយស្រួលឲ្យតែនាងព្រមបើកបេះដូងទទួលស្នេហ៍ថ្មី។ការលើកហេតុផលទាំងនេះគឺស្របគ្នាទៅនិងការយល់ឃើញរបស់លោកស៊ី សុវត្ថិ ដែលធ្លាប់ថាបុរសដែលអាចធ្វើជាស្វាមីថ្មីស្រីនាង គឺទាល់តែមានអំណាច និងលុយ ទើបអាចទៅរួច។
ក្រៅពីសុខ ស្រីនាង តារាមេម៉ាយដែលជ្រើសផ្លូវសាងស្នេហ៍ថ្មីដោយមិនបើកចំហនោះមានដូចជាពេជ្រ សោភា ,ពេជ្រ សូលីកា ,កែវ និសា ,សុខ សោម៉ាវត្តី និងឈួន សុវណ្ណឆ័យ ជាដើម៕
