ភ្នំពេញ៖ឱក សុគន្ធកញ្ញា បានធ្វើឲ្យអ្នកគាំទ្រនាងអស់ការសង្ស័យចំពោះពាក្យចចាមអារ៉ាមទាំងឡាយដែលធ្លាប់លេចឭថានាងមានកូនប្រុស១ជាមួយសង្សារចាស់លោករ៉េតធី ដូណា មុនពេលនាងរៀបការជាមួយលោកអ៊ឹង សុខលី នោះព្រោះការពិតក្មេងប្រុសវ័យជិតពេញកំលោះនោះជាកូនម្ដាយនាងជាមួយស្វាមីក្រោយហើយដែលពេលនេះរូបគេកំពុងតែរស់នៅជាមួយឪពុកនិងម្ដាយសុគន្ធកញ្ញា អ្នកស្រីអ៊ិន ថាច លើទឹកដីអូស្រា្ដលី។នេះជាតំណើរកម្សាន្ដដ៍រីករាយនិងយូថ្ងៃរបស់សុគន្ធកញ្ញា ពោលគឺមានរយៈពេលដល់ទៅ២សប្ដាហ៍ឯណ្ណោះដែលរូបនាងនិងស្វាមីព្រមទាំងកូនប្រុស,ប្អូនស្រី ប្អូនបុ្រស និងម្ដាយបានដើរលេងជាមួយគ្នានៅទីក្រុងជាច្រើននៅអូស្រា្ដលីជាមួយស្នាមញញឹមនិងទឹកមុខស្រស់ថ្លាខ្លាំងណាស់ពោលគឺដូចពាក្យគេថា”គ្មានអ្វីរីករាយ ជាងជួបជុំ គ្រួសារឡើយ”។
សុគន្ធកញ្ញា បានចេញទៅអូស្រា្ដលីកាលពីថ្ងៃទី១៣កញ្ញា ដើម្បីអបអរខួបកំណើតនាងគម្រប់អាយុ៣៦ឆ្នាំនៅថ្ងៃទី១៤កញ្ញា ហើយនាងជ្រើសរើសយកទឹកដីអូស្រា្ដលីដែលបំណងធំគឺដើម្បីជួបជុំម្ដាយនិងប្អូនប្រុសនាងនៅទីនោះតែម្ដង ហើយទើបតែនៅថ្ងៃទី២៧កញ្ញា ទេដែលនាងបានដឹកដៃស្វាមីវិលត្រឡប់មកខ្មែរវិញ។តារារួមអាជីពជាមួយឱក សុគន្ធកញ្ញា ពួកគេបានសរសើរថានាងមានសំណាងដែលមានស្វាមីចេះយល់ចិត្តពោលគឺលោកសុខលី តែងតែផ្គាប់ចិត្តនាងគ្រប់បែបយ៉ាងទាំងអស់ ហើយថែមទាំងធ្វើឲ្យនាងរំភើបចិត្តខ្លាំងដូចជានៅថ្ងៃខួបកំណើតឆ្នាំនេះលោកហៅសុគន្ធកញ្ញា ថាជាកំពូលភរិយាឬមាតាដៃ១០០ ហើយទោះជាលោកមានតួនាទីជាអគ្គនាយកទូរទស្សន៍ហង្សមាសដែលមានការងាររវល់យ៉ាងណាក្ដី ប៉ុន្ដែដើម្បីឲ្យប្រពន្ធបានសប្បាយចិត្តប្អូនថៅកែហង្សមាសរូបនេះបានជូនឧត្តមភរិយារបស់លោកទៅអូស្រា្ដលីដល់ទៅជាងកន្លះខែ។
គូរបញ្ជាក់ថាឱក សុគន្ធកញ្ញា បានរៀបការជាមួយលោកអ៊ឹង សុខលី កាលពីថ្ងៃទី១៦ឧសភា២០១៩ ហើយក្រោយមានស្វាមីភ្លាមៗនោះស្រាប់តែបែកធ្លាយការសង្ស័យពីភ្ញៀវចូលរួមមង្គលការរបស់នាងដោយពួកគេខ្សឹបខ្សៀវគ្នាថាសុគន្ធកញ្ញា មានកូន១ជាមួយអតីតសង្សារលោករ៉េតធី ដូណា ព្រោះតែគេបានឃើញក្មេងប្រុសម្នាក់មានមុខស្រដៀងលោកដូណា ថតរូបជុំនាងនិងស្វាមី។ប៉ុន្ដែដំណឹងនោះត្រូវបានលោកដូណា បដិសេធនៅពេលដែលអ្នកយកព័តមានយើងសាកសួរតាមទូរស័ព្ទហើយពេលនោះលោកក៍បានអះអាងថាក្មេងប្រុសនោះគឺជាប្អូនរបស់សុគន្ធកញ្ញា មិនមែនជាកូនរបស់លោកឡើយ។ឥឡូវអ្វីៗកាន់តែធ្វើឲ្យសុគន្ធកញ្ញា សា្រលខ្លួនក្រោយនាងនាំប្ដីទៅដើរកម្សាន្ដនៅអូស្រា្ដលីនៅថ្ងៃខួបកំណើតរបស់ខ្លួននោះព្រោះនាងមានការនឹករលឹកដល់ម្ដាយនិងប្អូនប្រុសជាខ្លាំងទើបផ្អាកការថតបទថ្មីៗនិងឡើងឆាកមួយអន្លើសិន ហើយម្យាងទៀតនាងក៍មិនភ្លេចឆ្លៀតរឹតចំណងស្នេហានៅក្រៅស្រុកជាមួយប្ដី ដើម្បីឲ្យជីវិតស្នេហ៍កាន់តែរឹងមាំថែមទៀត។
ក្រោយវិលមកពីដើរលេងរបស់សុគន្ធកញ្ញា លើកនេះនាងក៍ចាប់ផ្ដើមបន្ដការងារសិល្បៈជាថ្មីភ្លាមៗដែរនោះគឺរ៉ាប់រងតំណែងជាគ្រូបង្វឹក(Coach)The Voice Kids Cambodia រដូវកាលទី៣ បន្ទាប់ពីនាងបានចប់តួនាទីជាគណៈកម្មាការ(Judge)Cambodian Idol រដូវកាលទី៤ កាលពីពេលថ្មីៗនេះ។សម្រាប់មជ្ឈដ្ឋានមហាជននៅតែចាត់ទុកសុគន្ធកញ្ញា ជាតារាដែលជោគជ័យទាំងការងារសិល្បៈនិងស្នេហាព្រមគ្នានៅឆ្នាំ២០២២ នេះ ហើយអ្វីដែលអ្នកខ្លះព្យាករណ៍ថាក្រោយតារាល្បីរូបនេះក្លាយជាប្អូនថ្លៃថៅកែហង្សមាសរួចនាងនឹងប្រឈមរងទឹកភ្នែក ព្រោះពួកគេគិតថាលោកសុខលី មានស្រីស្អាតៗជាច្រើនតោងស្នេហ៍នោះការពិតពេលនេះអ្វីៗបានបញ្ជាក់ច្បាស់ហើយថាស្វាមីសុគន្ធកញ្ញា ស្រលាញ់និងយកចិត្តទុកដាក់ដល់គ្រួសារនាងដូចជាគ្រួសាររបស់លោកដែរ។ក្រុមFan របស់សុគន្ធកញ្ញា រងចាំមើលថាតើឱក សុគន្ធកញ្ញា នឹងសម្រេចចិត្តពពោះយកកូន២ឆាប់ៗនេះ ដើម្បីឲ្យលោកសុខលី កាន់តែថ្នាក់ថ្នមនាងទេ្វដងឬយ៉ាងណា?
