ភ្នំពេញ៖ពេជ្រ សោភា ត្រូវបានគេមើលឃើញថានាងមានលទ្ធភាពគ្រប់គ្រាន់ក្នុងការលេងខ្លួនទៅតាមចិត្តចង់ព្រោះពេលនេះជីវភាពនាងធូធារស់នៅផ្ទះប្រណិតនិងជិះរថយន្ដថ្លៃៗដែលតារាផ្សេងៗទៀត ដែលឭតែថាពូកែលេងម៉ូដផ្ទះនិងរថយន្ដនោះមិនមានអ្នកណាកាលីពលើសនាងឡើយ។យ៉ាងណាតារាកាន់គ្រីស្ទានជាង២០ឆ្នាំរូបនេះប្រកាន់ជំហថានាងនឹងមិនពាក់គ្រឿងអលង្ការមាស ពេជ្រ ជ្រែកខ្លួនឲ្យដូចអ្នកណាម្នាក់ឡើយព្រោះតាំងពីមុននាងមានឈ្មោះល្បីនិងរហូតដល់ពេលនេះគឺនៅតែទៅណាមកណាមិនចូលចិត្តពាក់គ្រឿងមាស ពេជ្រ សម្ញែងអ្នកណាម្នាក់នោះទេ។ការអះអាងរបស់សោភា នាពេលនេះក្រោយពីនាងធ្លាប់បាក់មុខមិនស្ទើទេ រឿងទៅចូលរួមមង្គលការកូនអ្នកនាងគង់ សុជាតិ កាលពីខែ១៨ខែមិថុនា ឆ្នាំ២០២២ នោះសោភា ត្រូវគេរិះគន់ថានាងគ្មានគ្រឿងមាស ពេជ្រ លេងខ្លួនដូចគេហើយបើដឹងថាអត់ហើយម៉េច ក៍មិនខ្ចីគេពាក់សិនទៅ?ប៉ុន្ដែសោភា មិនដែលខឹងឬឆេះដុំតបទៅអ្នកឲ្យយោបល់មកលើនាងបែបមើលស្រាលនោះទេ តែផ្ទុយទៅវិញនាងបែជានៅរក្សារគោលការណ៍ផ្ទាល់ខ្លួនដដែលគឺនឹងមិនពាក់គ្រឿងមាសពេជ្រ លើដងខ្លួនច្រើនតទៅទៀត…។
ជុំវិញការមានទ្រព្យតែមិនហ៊ានបញ្ចេញរបស់ពេជ្រ សោភា នាពេលនេះត្រូវបានគេសន្និដ្ឋានថានាងអាចបារម្ភពីសុវត្ថិភាពផ្ទាល់ខ្លួនច្រើនជាង ព្រោះនាងក៍គ្មានអង្គរក្សតាមការពារដូចតារាខ្លះដែរ ហើយពេលខ្លះគេឃើញនាងមានតែក្មួយប្រុសដែលគេច្រឡំថាជាសង្សារនាងនោះកាន់ចង្កូតឡានឲ្យម្ដងម្កាលប៉ុណ្ណោះ។គេថាសោភា សុខចិត្តឲ្យគេមើលស្រាលថានាងគ្មានទ្រព្យច្រើនដូចគេចុះ តែនាងមិនប្រថុយពីហានីភ័យព្រោះការបញ្ចេញគ្រឿងអលង្ការជ្រុលនាំឲ្យពិបាករក្សារសុវត្ថិភាពផ្ទាល់ខ្លួននោះឡើយ។
ថ្វីត្បិតតែពេជ្រ សោភា ដែលមានគ្រឿងមាសពេជ្រដូចតារាល្បីៗមួយចំនួនទៀតតែនាងមិនហ៊ានង្អួតដូចគេក្ដី ប៉ុន្ដែអ្នកនៅក្នុងរង្វង់សិល្បៈបានដឹងច្បាស់ថាសោភា ជិះរថយន្ដនិងពាក់នាឡិកាដៃ១គ្រឿងថ្លៃស្មើផ្ទះវីឡារ១ឯណ្ណោះ ក្នុងនោះមានដូចជារថយន្ដទំនើបៗរបស់នាងដែលប្រើប្រាស់សព្វថ្ងៃដូចជាម៉ាក Mercedes ,Bmw, Porsche, Audi ,Range Rover និងMercedes –Benz ជាដើម។ដោយឡែកសម្រាប់នាឡិកាដៃវិញគេឃើញសោភា ពាក់របស់ហ្សីនដូចជាម៉ាកRolex និងRichard Mille ។តាមរយៈការលេងសម្ភារៈទាំងនេះគេមិនអាចនិយាយបានថាសោភា មិនចូលចិត្តសម្ភារៈនិយមនោះទេ ប៉ុន្ដែផ្ទុយទៅវិញនាងបានចំណាយលុយចូលលានដុល្លារក្នុងការទិញវាមកជាកម្មសិទ្ធិផ្ទាល់ខ្លួន គ្រាន់តែគ្រឿងមាស ពេជ្រ សោភា មិនហ៊ានបញ្ចេញឲ្យអស់ដូចអ្នកលក់ឡេ និងតារាមួយចំនួនទៀតឡើយ។
ទោះជាពេជ្រ សោភា អាយុ៣៩ឆ្នាំត្រូវបានគេចាត់ទុកថាជាអ្នកមេម៉ាយទ្រព្យស្ដុកម្នាក់នៅឆ្នាំ២០២២ មែន តែតារាជ្រកនៅហង្សមាសរយៈពេលជាង១៧ឆ្នាំមកនេះនាងនៅតែមិនទាន់ជួបរឿងស្នេហាច្បាស់លាស់នៅឡើយ ក្រោយនាងលែងប្ដីកាលពីឆ្នាំ២០១៦ និងចែកផ្លូវសង្សារថ្មីលោកឆឹម សក្កដា កាលពីខែធ្នូឆ្នាំ២០២១ ហើយភ្ជាប់ស្នេហ៍ថ្មីជាមួយបុរសរូបសង្ហារលាក់មុខរយៈពេលជាង៩ខែមកនេះសោភា ហាក់មិនទាន់មានលំនឹងស្នេហ៍ដដែល។ការសម្អាងបែបនេះដោយសារតែសោភា មិនដែលបង្ហាញមុខសង្សារថ្មីម្ដងណាឡើយ ទើបធ្វើឲ្យនាងបាត់បង់ទាំងស្រុងនូវភាពផ្អែមល្ហែមស្នេហ៍ ហើយពេលនេះគ្មានទាំងដំណឹងចូលរោងការជាលើកទី២ទៀតផង ហើយនាងស្ថិតក្នុងចំណោមតារាមេម៉ាយទាំង៣នៅហង្សមាស ខណៈ២ដួងទៀតគឺនាងសុខ ស្រីនាង និងពេជ្រ សូលីកា ។មជ្ឈដានមហាជនរងចាំមើលថាតើសោភា ដែលនៅខ្វះតែ២ខែទៀតនឹងគម្រប់អាយុ៤០ឆ្នាំនោះនាងអាចរកម្ចាស់ជីវិតច្បាស់លាស់ដើម្បីសាងស្នេហ៍ចំហដូចគេ ឬមួយក៍អ្នកមេម៉ាយសុខចិត្តសាងស្នេហ៍ដោយលាក់លៀមជារៀងរហូត?
