ភ្នំពេញ៖តារាចម្រៀងGalaxy លោកប៉ុន សុណារិន ហៅខេម បានដឹកដៃភរិយាលោកអ្នកនាងស្រីកា ឡើងយន្ដហោះទៅអាមេរិកកាលពីព្រឹកថ្ងៃទី៤តុលា ដែលដំណើរក្រៅស្រុកជើងនេះពួកគេដើរលេងកម្សាន្ដនៅទីនោះរយៈពេលជាង៣សប្ដាហ៍ឯណ្ណោះ ទើបលោកសុរិន ត្រូវច្រៀងសម្ដែងនៅទីនោះក្នុងកម្មវិធីHalloween ជាមួយតារាខ្មែរមួយចំនួនទៀតតាមការរៀបចំរបស់បងប្អូនខ្មែរនៅតីនោះ។នេះជាការចេញទៅច្រៀងសម្ដែងនៅក្រៅស្រុកស្ទួនរបស់ខេម នៅរដូវធ្លាក់ភ្លៀងនេះ ខណៈដែលកាលពីថ្ងៃទី១៨កញ្ញា ខេម ក៍បានចេញទៅច្រៀងនៅកូរ៉េខាងត្បូងដើម្បីអបអរពិធីបុណ្យភ្ជុំបិណ្ឌខ្មែរជាមួយពលករខ្មែរនៅទីនោះផងដែរ ដែលកាលនោះភរិយាខេម ក៍បានរួមដំណើរជាមួយលោកដែរ។
គូរកត់សម្គាល់ថាខេម ទើបតែហ៊ានលាតត្រដាងស្នេហ៍ជាមួយអ្នកនាងស្រីកា កាលពីដើមឆ្នាំ២០២០ ប៉ុន្ដែអ្នកទាំងពីបានចាប់ដៃគ្នារហូតមកដល់ពេលនេះរយៈពេលជាង៧ឆ្នាំទៅហើយ។មិនថាតែពេលខេម ចេញទៅក្រៅស្រុកនោះទេ ប៉ុន្ដែនៅក្នុងស្រុកវិញរយៈពេលជិត២ឆ្នាំនេះខេម ហ៊ានកៀកកើយគូស្នេហ៍ជាចំហដូចតារាផ្សេងទៀតដែរ ប៉ុន្ដែលោកធ្លាប់ប្រាប់អ្នកយកព័តមានយើងថាមិនទាន់កំណត់ថ្ងៃរៀបការបានឡើយ។ការជ្រើសផ្លូវសាងស្នេហ៍បែបអ៊ឺរ៉ុបនេះខេម ធ្លាប់លេចឭថាលោកនិងស្រីកា មានកូន២នាក់(ស្រី១) តែអតីតារាថោន រូបនេះថាក្មេងប្រុសដែលគេថាកូនលោកនោះតាមពិតជាកូនរបស់មេលោក(ឡេង ណាវ៉ាត្រា) ចំណែកក្មេងស្រីជាក្មួយលោកនៅបារាំង។ខេម ទទួលស្គាល់ថាក្នុងវ័យរបស់លោកនេះពិតជាចង់បានកូនមែន ហេតុនេះហើយមង្គលការរបស់លោកជាមួយគូស្នេហ៍នឹងមិនអាចពន្យាពេលច្រើនឆ្នាំទៀតនោះទេ គឺនឹងប្រព្រិត្តិទៅឆាប់ៗខាងមុខនេះហើយ។
មហាជនកត់សម្គាល់ថាក្រោយខេម ដើរចេញពីថោន ចូលGalaxy នេះលោកមិនសូវលេចធ្លោខ្លាំងដូចមុនទៀតទេ ព្រោះតែឥទ្ធិលរបស់លោកឧកញ៉ាព្រាប សុវត្ថិ ប៉ុន្ដែមុនចេញទៅអាមេរិកនេះខេម ហាក់មានបទថ្មីៗឡើងវិញជាមួយស្រីស្រស់តន់ ច័ន្ទសីម៉ា ទើបធ្វើឲ្យលោកសុណារិន មានទឹកមាត់លេបម្ដងទៀត។
ក្រៅពីខេម តារាចម្រៀងដែលត្រូវប្រពន្ធតាមទាំងក្នុងនិងក្រៅស្រុកនោះមានដូចជាលោកព្រាប សុវត្ថិ ,សាន ផានិត,ឆាយ ចាន់ឆោម,និងខែម ប៊ុនថៃ ជាដើម៕
