ភ្នំពេញ៖សុខ ពិសី បានជ្រើសផ្លូវ”ខ្ជិលបកស្រាយ” ដោយនាងថាឲ្យអ្នកណាចង់និយាយអីតាមចិត្តចុះ ព្រោះនាងចាត់ទុកថាបើគេល្អជាងនាង គេមិនយកពេលវេលារបស់គេមកចេះដឹងរឿងនាងឡើយ។យ៉ាងណាពិសី មិនបញ្ជាក់ថាតើនាងអាកអន់ចិត្តអ្នកណាដែលពូកែនិយាយរឿងនាងនោះឲ្យចំឈ្មោះនិងជារឿងអ្វីឲ្យប្រាកដនោះទេ ខណៈដែលអ្នកសារព័តមានទាំងឡាយវិញពិសី ក៍ធ្លាប់ចង់ស្នើរសុំឲ្យនាងបកស្រាយរឿងស្នេហាជាមួយលោកឡាយ សុខចំរើន ដែលជាថៅកែសាន់ដេរយៈពេលជាង១០ឆ្នាំមកហើយនោះដែរ ប៉ុន្ដែកន្លងមកតារាសាច់សខ្ចីដូចបណ្ដូលចេកឬគេហៅថាជារាជនីយសម្រស់រូបនេះមិនដែលហ៊ានលាតត្រដាងរឿងស្នេហានោះទេ តែបែជាឥឡូវនាងជាចូលTeam “ខ្ជិលបកស្រាយ”ទៅវិញ។
សូមបញ្ជាក់ថាសុខ ពិសី នៅតែជាតួឯករបស់សាន់ដេបើទោះជានាងបាត់ដៃគូសំខាន់លោកខែម ប៊ុនថៃ ក្ដី ប៉ុន្ដែការងាកទៅចាប់ដៃលោកឆាយ ចាន់ឆោម ហៅឆាយ វីរៈយុទ្ធ ,ខាន់ ជេមស៍ និងសិស្សប្អូននាយចឺម ជាដើមធ្វើឲ្យពិសី មិនធ្លាក់ចុះឡើយ។តារាស្រីដែលមានរូបសម្រស់ស្រស់សោភា រូបនេះជាមុខសញ្ញានៃការតាមប្រម៉ាញ់ស្នេហ៍ពីសំណាក់មន្រ្ដីធំៗមួយចំនួន តែខ្លះបានដកថយវិញក្រោយលេចឭថាពិសី ជិតក្លាយទៅជាថៅកែស្រីសាន់ដេ។ប៉ុន្ដែតាមព័តមានថាកូនលោកឧកញ៉ាមហាសេដ្ឋីម្នាក់ដែលរកស៊ីផ្នែកសណ្ឋាគារនិងលក់សាំង នៅតែចិញ្ចឹមចិត្តស្នេហ៍ពិសី ដដែលដោយមិនក្វល់ព័តមានថានាងមានម្ចាស់ចិត្តទៅហើយនោះទេ។ចំណែកការតាំងចិត្តរបស់ពិសី នាពេលនេះថានាងស្ថិតក្នុងក្រុមTeam ខ្ជិលបកស្រាយនោះកាន់តែធ្វើឲ្យទស្សនិកជននិងអ្នកចូលចិត្តតាមដានរឿងស្នេហារបស់នាងថាពិសី ចូលចិត្តសាងស្នេហ៍ក្នុងភាពអាថ័កំបាំងតទៅទៀតជាមិនខាន។
ក្រៅពីសុខ ពិសី តារាស្រីស្អាតដែលសាងស្នេហ៍ដោយលាក់មុខគូស្នេហ៍នៅឆ្នាំ២០២២ នេះមានដូចជានាងតន់ ច័ន្ទសីម៉ា,រ៉េត ស៊ូហ្សាណា,វី ឌីណែត ,មាន សូនីតា និងអ៊ីវ៉ា ជាដើម។ក្រុមFan របស់ពិសី មួយចំនួនយល់ថាការតារាសាន់ដេចូលក្នុងក្រុមខ្ជិលបកស្រាយបែបនេះធ្វើឲ្យប្រុសៗជាច្រើននៅតែជ្រួលជ្រើមស្នេហ៍នាងតទៅទៀតជាមិនខាន ដែលពេលនោះលោកចំរើន ចូលចិត្តពន្យាពេលសារភាពនិងបកស្រាយនោះនឹងមានគូប្រជែងស្នេហ៍ច្រើនទ្វេដង៕
