សាំងហ្គាពួរ៖តារាធ្មេញចំពើសនាងរ៉េត ស៊ូហ្សាណា បានហោះទៅដើរលេងនៅប្រទេសសាំងហ្គាពួកាលពីថ្ងៃទី២៤តុលា តែនាងមិនបង្ហាញឲ្យឃើញថាបានរួមដំណើរជាមួយអ្នកណាខ្លះក្រៅពីឪពុកម្ដាយនាងនោះឡើយ ខណៈដែលតារារួមអាជីពភាគច្រើនពួកគេតែងតែនាំគូស្នេហ៍ទៅកៀកកើយគ្នានៅក្រៅស្រុក។ចំពោះនាងស៊ូហ្សាណា វិញនាងបានដាក់គោលដៅផ្ទាល់ខ្លួនថានាងប្រឹងធ្វើការ(ច្រៀង)ផង ដើរលេងផងទើបជីវិតមានន័យ។កន្លងមកគេក៍ឃើញស្រីស្រស់រូបនេះធ្លាប់បានទៅដើរកម្សាន្ដនៅប្រទេសជិតខាងនៅប៉ែកអាស៊ីអាគ្នេហ៍ជាញឹកញាប់ផងដែរដូចជានៅជប៉ុន និងថៃ ជាដើម ខណៈដែលនៅទ្វីពអ៊ឺរ៉ុបស្រីស្រស់មិនទាន់ហ៊ានចេញទៅឡើយ។
គូរបញ្ជាក់ថារ៉េត ស៊ូហ្សាណា ចាប់អាជីពចម្រៀងជាង៦ឆ្នាំនៅហង្សមាសនេះនាងទៅណាមកណាក៍មានឪពុកម្ដាយតាមការពារជាប្រចាំទាំងក្នុងនិងក្រៅស្រុកទើបធ្វើឲ្យបុ្រសៗដែលចង់ឆក់ស្នេហ៍នាងនោះបរាជ័យទាំងស្រុង ព្រោះមិនអាចសាសងបាន។ប៉ុន្ដែកាលពីពាក់កណ្ដាលឆ្នាំ២០២០ ហ្សាណា ធ្លាប់បង្ហាញសញ្ញាមានគូស្នេហ៍តាមរយៈការកាន់ដៃប្រុសម្នាក់ដោយបិតមុខ ហើយរហូតមកដល់ពេលនេះនាងនៅតែមិនហ៊ានបញ្ចេញម្ចាស់បេះដូងឲ្យគេស្គាល់ដដែល។អ្វីដែលគូរឲ្យកត់សម្គាល់នោះអំឡុងពេលដែលតារាជាច្រើនជួបវិបត្តិសេដ្ឋកិច្ចព្រោះកូវីដផ្ទុះពេកនោះនាងហ្សាណា បែជាមានជីវភាពហក់ឡើងទៅវិញតាមរយៈការទិញ ផ្ទះ២ជុងតម្លៃខ្ទង់ជាង ២០ម៉ឺនដុល្លារ និងទិញរថយន្ដម៉ាកJeep Rubicon តម្លៃ៨៧០០០ដុល្លារទៀតផង។ការសង្ស័យថានាងស៊ូហ្សាណា មានគូស្នេហ៍នៅក្រោយខ្នងហាក់ស្រាលជាងតារាស្រីស្អាតផ្សេងៗព្រោះនាងមានគ្រួសារជាអ្នកមានជីវភាពធូធារតាំងពីមុននាងលេងសិល្បៈ ខណៈដែលមានព័តមានថាឪពុកម្ដាយនាងធ្លាប់ព្រមានតារាវ័យ២២ឆ្នាំរូបនេះថាបើនាងប៉ៈរឿងអាស្រូវកេរ្ដិ៍នោះនឹងឲ្យឈប់ពីសិល្បៈភ្លាមៗតែម្ដង។ដោយឡែកសម្រាប់តារារួមដំបូលខ្លះវិញនិយាយការពារហ្សាណា ថានាងត្រូវប៉ាន់ចេញច្រៀងConcerts ធំៗនិងស្ពតជាប្រចាំហេតុនេះច្រៀងជិត៧ឆ្នាំសល់លុយខ្ទង់ជិតកន្លះលានដុល្លារមិនចម្លែកសម្រាប់ស្រីស្អាតរូបនេះឡើយ។
ថ្វីត្បិតតែរ៉េត ស៊ូហ្សាណា ត្រូវឪពុកម្ដាយចាក់សោរជាប់មិនឲ្យប្រុសណាញ៉ែបានមែន ប៉ុន្ដែកន្លងមកគេឃើញនារីធ្មេញចំពើសរូបនេះបង្ហាញភាពស្និតស្នាលគ្នាចម្លែកជាមួយកូនកំលោះទី២លោកឧកញ៉ាព្រាប សុវត្ថិ នោះគឺបុរសរូបសង្ហារសុវត្ថិ មុនីនាគ រហូតមានព័តមានថាហ្សាណា អាចនឹងក្លាយទៅជាកូនប្រសារលោកឧកញ៉ាទៀតផង។ការថ្លែងបែបនេះព្រោះតែឪពុកម្ដាយហ្សណា មិនហួងហែងកូនស្រីចំពោះទំនាក់ទំនាក់ទំនងជាមួយមុនីនាគ នោះទេ៕