ប្រធានាធិបតីអ៊ុយក្រែនលោកហ្សេឡិនស្គីបាននិយាយកាលពីថ្ងៃអាទិត្យថា កងកម្លាំងរុស្ស៊ីបានទទួលមរណភាពជាង ១១០០នាក់ក្នុងរយៈពេលតិចជាងមួយសប្តាហ៍នៃការប្រយុទ្ធគ្នានៅជិតទីក្រុង Bakhmut ភាគខាងកើតអ៊ុយក្រែន ។
ថ្លែងក្នុងវីដេអូពេលយប់លោកហ្សេឡិនស្គីបានអះអាងថា ក្នុងរយៈពេលតិចជាងមួយសប្តាហ៍ ដោយចាប់ផ្តើមពីថ្ងៃទី ៦ខែមីនា យើងអាចសម្លាប់ទាហានសត្រូវបានជាង ១១០០នាក់នៅក្នុងតំបន់Bakhmut តែមួយគត់ដែលជាការបាត់បង់មិនអាចត្រឡប់វិញបានរបស់រុស្ស៊ីនៅទីនោះនៅជិត Bakhmut។
លោកបានបន្ថែមថា ទាហានរុស្ស៊ីប្រមាណ ១៥០០ នាក់បានរងរបួសយ៉ាងធ្ងន់ធ្ងរដែលពួកគេមិនអាចបន្តការប្រយុទ្ធបាន។
ផ្ទុយពីការអះអាងរបស់អ៊ុយក្រែនក្រសួងការពារជាតិរុស្ស៊ីបាននិយាយថាកងកម្លាំងរបស់ខ្លួនកំពុងធ្វើប្រតិបត្តិការយោធាបន្ថែមទៀតនៅក្នុងតំបន់ Donetsk ភាគខាងកើត ។
ក្រសួងបាននិយាយថាកងកម្លាំងរុស្ស៊ីបានសម្លាប់សមាជិកសេវាកម្មអ៊ុយក្រែនជាង ២២០នាក់ក្នុងរយៈពេល ២៤ ម៉ោងកន្លងមកនេះ។
ក្រសួងបាននិយាយថា នៅក្នុងទិសដៅ Donetsk … ទាហានអ៊ុយក្រែនជាង ២២០ នាក់ រថពាសដែកប្រយុទ្ធ ចំនួន 3 គ្រឿង រថយន្ត ៧គ្រឿង ក៏ដូចជា D-30 howitzer ត្រូវបានបំផ្លាញក្នុងពេលថ្ងៃ។
មេបញ្ជាការអ៊ុយក្រែន៖ ទាហានស៊ីឈ្នួលរុស្ស៊ី Wagner រង រងការបរាជ័ងយ៉ាងនៅ Bakhmut
បើយោងតាមមេបញ្ជាការយោធាកំពូលរបស់អ៊ុយក្រែនបាននិយាយកាលពីថ្ងៃចន្ទថាអង្គភាពវាយលុករបស់ទាហានស៊ីឈ្នួលរុស្ស៊ីWagner កំពុងបរាជ័យយ៉ាងខ្លាំងនៅពេលដែលពួកគេធ្វើដំណើរពីទិសដៅជាច្រើនជុំវិញទីក្រុង Bakhmut ភាគខាងកើតដែលត្រូវបានឡោមព័ទ្ធ។
ថ្លែងនៅលើបណ្តាញTelegram លោកវរសេនីយ៍ឯក Oleksandr Syrskyi បាននិយាយថា ការវាយប្រហារដោយក្រុមទាហានស៊ីឈ្នួលរុស្ស៊ីរហូតមកដល់ពេលនេះត្រូវបានវាយបក។
លោកបានបន្តថាស្ថានភាពនៅជុំវិញតំបន់Bakhmutនៅតែលំបាក។ អង្គភាពវាយលុករបស់Wagner កំពុងឆ្ពោះទៅមុខពីទិសដៅជាច្រើន ដោយព្យាយាមទម្លុះការការពាររបស់កងទ័ពរបស់យើង ហើយឈានទៅដល់សង្កាត់កណ្តាលនៃទីក្រុង។
ស្របជាមូយនឹងការអះអាងរបស់អ៊ុយក្រែនប្រធានក្រុមទាហានស៊ីឈ្នួល Wagner លោក Yevgeny Prigozhin បានសារភាពថាកងកម្លាំងអ៊ុយក្រែនកំពុងប្រយុទ្ធយ៉ាងស្វិតស្វាញសម្រាប់ទីក្រុងនេះ ដែលអ៊ុយក្រែនបានប្តេជ្ញាការពារ បន្ទាប់ពីការវាយប្រហារជាច្រើនសប្តាហ៍របស់រុស្ស៊ីបានបន្សល់ទុកវានៅលើការដួលរលំនៃកងទ័ពរបស់ទីក្រុងម៉ូស្គូ៕