កីឡាករចាំទី Ederson បាននិយាយថា ភាពមិនប្រាកដប្រជាអំពីថាតើនណានឹងក្លាយជា គ្រូបង្វឹកបន្ទាប់របស់ក្រុម ជម្រើសជាតិប្រេស៊ីលនៅតែជាចំណោទបញ្ហាប៉ុន្តែលោកនិងមិត្តរួមក្រុមបានពិភាក្សាអំពីលទ្ធភាពរបស់លោក Carlo Ancelotti ក្នុងការទទួលយកការងារកំពូលនេះ។Ederson បានប្រាប់អ្នកយកព័ត៌មានមុនការ ប្រកួតរបស់ ប្រេស៊ីលជាមួយម៉ារ៉ុកនៅថ្ងៃទី២៥ ខែមីនាថា មានលទ្ធភាពដ៏ធំមួយដែលលោកAncelotti អាចមកទីនេះ។
អ្នកចាំទី Man Cityបាននិយាយថាគាត់បាននិយាយជាមួយកីឡាករប្រេ ស៊ីលមួយចំនួនដែលបានលេងក្រោម ការដឹកនាំរបស់ Ancelotti នៅ Real Madrid រួមមាន Casemiro, Vinicius Jr និង Eder Militao ។
លោកបានបន្តថាអ្វីដែលខ្ញុំត្រូវបានគេប្រាប់អំពីគាត់គឺថា គាត់គឺជាគ្រូបង្វឹកដ៏ពិសេសម្នាក់ ដែលគ្រប់គ្នាក្នុងក្រុម ចូលចិត្ត។ គាត់គឺជាបុរសដែលមានអាជីពជោគជ័យខ្លាំង គ្រាន់តែមើល CVរបស់គាត់ដឹងដែរ។យើងនឹងឃើញ ក្នុងពេលដ៏ខ្លីខាងមុខថាតើគាត់នឹងនៅទីនេះឬអត់។
ខ្ញុំសង្ឃឹមថាយើងអាចមានគ្រូបង្វឹកថ្មីបានយ៉ាងឆាប់រហ័ស។ ខ្ញុំមានអារម្មណ៍រំពឹងទុកផងដែរ ។ តើជាគ្រូបង្វឹកជន ជាតិប្រេស៊ីល ឬជាគ្រូបង្វឹកបរទេស? យើងក៏កំពុងរស់នៅក្នុងដំណាក់កាលនៃការថប់បារម្ភ៕