ភ្នំពេញ៖លោកគួច ខេវិន ដែលធ្លាប់ដឹកនាំសម្ដែងចម្រៀងនៅផលិតកកម្មឆ្លងដែនរាប់ពាន់បទនោះ បានបង្ហាញអារម្មណ៍ហួសចិត្តនិងអស់សំណើចជាខ្លាំង នៅពេលដែលមានបុរសម្នាក់ឈ្មោះលោកមុន្នី អះអាងថាជាកូនទី៥ ក្នុងចំណោមកូនទាំង៩នាក់លោកធឹង សុន ដែលជាអតីតថៅកែឆ្លងដែន ចេញមកថារូបលោកជាអ្នកស្នងមរតក(ទាយាទ)ដើម្បីបើកផលិតកម្មដែលបានបិតទ្វាជាច្រើនឆ្នាំនេះឲ្យតំណើរការជាថ្មីឡើងវិញ។លោកខេវិន បញ្ជាក់ថាតាមលោកស្គាល់ក្រុមគ្រួសារលោកធឹង សុន យ៉ាងជិតស្និតនោះលោកមិនដែលដឹងថាលោកមុន្នី នេះជាកូននប្រុសរបស់ថៅកែផលិតកម្មឆ្លងដែននោះទេ ព្រោះម្ចាស់ផលិតកម្មនេះមានកូនប្រុស៣នាក់កំពុងរស់នៅអាមេរិកហើយពួកគេបានទាក់ទងលោកជាប្រចាំ។លោកថារឿងបុរសអះអាងថាជាកូនថៅកែឆ្លងដែនគឺជារឿងអស់សំណើច តែបើយោងទៅតាមផ្លូវច្បាប់ គឺជារឿងពិបាកសើច ហេតុនេះលោកស្នើរសុំឲ្យបុគ្គលនេះគូរតែសុំទោសទស្សនៈជនជាសាធារណៈ។
លោកគួច ខេវិន អតីតអគ្គនាយករងទូរទស្សន៍CTN ,Seatv និងEtv បានចេញសារថា”អស់សំណើច!អាក្អូន ម្នាក់ នេះបាននិយាយប្រាប់គេថា៖រូបគេជាកូនប្រុសរបស់លោកអ៊ុំ ធឹង សុន ដែលពុំទាំងដឹងថាឪពុក អាយុប៉ុន្មាននៅ ពេលដែលគាត់ទទួលអនិច្ចកម្ម? ហើយបច្ចុប្បន្នរូបគេជាអ្នកស្នងមរតកផលិតកម្ម”ឆ្លងដែន”ដែលល្បីល្បាញតាំង តែពីទសវត្សឆ្នាំ៨០មកម្លេះ ។ បើគយគន់ទៅមើលរូបឆោមរបស់ បុរសនេះធៀបគ្នាទៅនឹងលោកអ៊ុំធឹង សុន ឬជា មួយនឹងកូនៗរបស់លោកធឹង សុន បីនាក់កំពុងរស់នៅអាម៉េរិក គឺដូចគ្នា មេឃហើយនឹងដី?។ តាមពិតទៅលោកអ៊ុំធឹង សុន មានកូនតែបីនាក់គត់នឹងមានទំនាក់ទំនងយ៉ាងស្និតជាមួយខ្ញុំដូចបងប្អូនបង្កើត ទោះជាខ្ញុំចាកចេញពីអាម៉េរិកក្រែលឆ្នាំហើយក្តី ក៏យើងនិយាយគ្នាបានព្រឹកល្ងាច! ហើយបីនាក់នោះបដិសេដថា មិនស្គាល់អន្ទិតម្នាក់ហ្នឹងទាល់សោះ។បើកូនបង្កើតមិនស្គាល់បងប្អូនបង្កើត តើមានបងៗប្អូនៗតារាចម្រៀងដែលធ្លាប់ច្រៀងឲ្យផលិតកម្មឆ្លងដែន ណាខ្លះស្គាល់អន្ទិតម្នាក់នេះថាជាកូនលោកអ៊ុំធឹង សុន? មេត្តាជួយប្រាប់ផង! ។ តាំងតែពីមុនលោកអ៊ុំធឹង សុន អនិច្ចកម្មខ្ញុំបានទទួលសិទ្ធិពេញលេញក្នុងការផលិតនិងដំណើរការផលិតកម្ម”ឆ្លងដែន”បន្ទាប់ពីលោកណាំ គឹមឡេង គ្រប់គ្រងផលិតកម្ម”រស្មីនាគមាស”ដែលបំបែកចេញពីផលិតកម្មឆ្លងដែន(មិនបាច់បញ្ជាក់ឆ្នាំព្រោះបទចម្រៀងដែលដាក់ឈ្មោះខ្ញុំដឹកនាំផលិតមានរាប់ពាន់បទ)តែខ្ញុំមិនដែល មិនធ្លាប់ស្គាល់អាក្អូនម្នាក់ហ្នឹងទាល់សោះ ឬអត់អាលីងហ្មង ថាជាកូនលោកអ៊ុំធឹង សុន? មើលទៅ គិតទៅ ពិចារណាទៅ !ខ្ញុំអស់សំណើច! ប៉ុន្តែបើយោងទៅរកទិដ្ឋភាពផ្លូវច្បាប់ ទំនងជាពិបាកសើចចំពោះករណីនេះ! បើឈប់បានឈប់ទៅ?ហើយសុំទោសសាធារណជនផង ណាអាក្អូន!”។
គូររំលឹកថាផលិតកម្មឆ្លងដែនធ្លាប់ល្បីល្បាញខ្លាំងអំឡុងពេលដែលលោកគួច ខេវិន ដឹលនាំហើយផលិតកម្មនេះមានតារាល្បីល្បាញជាច្រើនដួងដូចជាអ្នកនាងទូច ស៊ុននិច ,ម៉េង កែវពេជ្ជតា ,លោកណូយ វណ្ណេត និងឯក ស៊ីដេ ជាដើម។
ដោយឡែកលោកមុន្នី ដែលបានតាំងខ្លួនថាជាកូនថៅកែផលិតកម្មឆ្លងដែនលោកធឹង សុន នោះបានប្រាប់អ្នកកាសែតកាលពីពេលថ្មីៗនេះថាលោករក្សារឈ្មោះផលិតកម្មនេះនៅដដែល តែប្ដូរឡូហ្គោទៅតាមសម័យកាល ហើយលោកគ្រោងហៅលោកណូយ វណ្ណេត និងឯក ស៊ីដេ ឲ្យចូលមកច្រៀងវិញទៀតផង ខណៈដែលពេលតំណើរការជាថ្មីនេះមានតារាចម្រៀងលោកពេជ្រ តូនី ,ហៃ លី និងតារាមួយចំនួនទៀត។ប៉ុន្ដែនៅពេលតារាចម្រៀងលោកពេជ្រ តូនី និងហៃ លី រៀបរាប់ប្រាប់អ្នកសារព័តមានហើយបង្ហោះលើផេកពីការចេញបទចម្រៀងនៅផលិតកម្មឆ្លងដែននោះក៍មានកូនប្រុសរបស់លោកធឹង សិន ឈ្មោះTonyson Tong ចូលទៅខមិនថា “ខ្ញុំឈ្មោះTony Son ជាម្ចាស់ផលិតកម្មឆ្លងដែន មិនដែលដឹងរឿងនឹងទេ ហើយខ្ញុំក៍មិនដែលស្គាល់អូន ជាកូនឬបងប្អូនខ្ញុំដែរ។ឪពុករបស់ខ្ញុំមានកូនតែ៣នាក់ ទេគឺទី១ខ្ញុំTony Son ,ទី២ គឺព្រំដែន,ទី៣ ប្អូនប្រុសពៅខ្ញុំឆ្លងដែន ,ប្អូនពៅដែលលោកឪពុកយកឈ្មោះផលិតកម្មឆ្លងដែន”។
ជុំវិញការលើកឡើងរបស់លោកគួច ខេវិន និងកូនប្រុសរបស់លោកធឹង សុន ឈ្មោះTony Son ដែលអះអាងថាមិនដែលស្គាល់លោកមុន្នី នោះអ្នកយកព័តមានយើងមិនទាន់អាចសុំការបំភ្លឺបានពីបុរសដែលអះអាងថាជាកូនរបស់ថៅកែផលិតកម្មឆ្លងដែនបានឡើយ ហើយយើងចាំបកស្រាយពីភាគីពាក់ព័ន្ធទាំងអស់ជានិច្ច៕
