ខេត្តកំពង់ធំៈ សត្វពស់ថ្លាន់ ចំនួន៣០០ក្បាល ត្រូវបានឈ្មួញជនជាតិវៀតណាម លួចដឹកញ្ជូន បម្រុងនាំចេញទៅកាន់ប្រទេសវៀតណាម ត្រូវបានកម្លាំងជំនាញអាវុធហត្ថ ស្ទាក់ចាប់បាន ដោយឃាត់ខ្លួនជនជាតិវៀតណាម ចំនួន២នាក់ និងអ្នកបើកបររថយន្ត ជនជាតិខ្មែរ ម្នាក់។
ប្រតិបត្តិការបង្ក្រាបករណីដឹកញ្ជូនពស់ថ្លាន់ នាំចេញទៅវៀតណាម នេះ បានធ្វើឡើងកាលពីរសៀលថ្ងៃទី២៨ ខែកុម្ភៈ ឆ្នាំ២០២៦ នៅចំណុចភូមិតាប្រុក ឃុំឈូកខ្សាច់ ស្រុកបារាយណ៍។
តាមប្រភពមន្ត្រីជំនាញអាវុធហត្ថ បានឱ្យដឹងថា នៅក្នុងប្រតិបត្តិការនេះ កម្លាំងជំនាញ បានធ្វើការឃាត់ខ្លួនជនជាតិវៀតណាម ចំនួន២នាក់ និងអ្នកបើកឡានម្នាក់ ជនជាតិខ្មែរ ។
តាមមន្ត្រីជំនាញ បានបង្ហើបឱ្យដឹងថា សត្វពស់ថ្លាន់ ទាំង៣០០ក្បាលនេះ សង្ស័យនាំចូលពីថៃ ឆ្លងកាត់ប្រទេសកម្ពុជា និងមានគោលដៅឆ្ពោះទៅកាន់ប្រទេសវៀតណាម៕