រដ្ឋាភិបាលអាល្លឺម៉ង់បានយល់ព្រមបន្ថែមជំនួយយោធាបន្ថែមចំនួន ១៣,០១ ពាន់លានដុល្លារ ដល់អ៊ុយក្រែនដើម្បីបន្តធ្វើសង្គ្រាមជាមួយរុស្ស៊ី។
គណៈកម្មាធិការថវិកាអាល្លឺម៉ង់បានផ្តល់ភ្លើងខៀវកាលពីថ្ងៃពុធសម្រាប់ការចំណាយដែលមិនមានគម្រោងថវិកាដែលត្រូវបានស្នើសុំដោយក្រសួងការពារជាតិនិងការិយាល័យការបរទេស។
ការផ្តល់មូលនិធិបន្ថែមរួមមាន ជាង៣ពាន់លានដុល្លារដែលត្រូវបញ្ចេញនៅឆ្នាំ២០២៣ និង៨ពាន់លានដុល្លារសម្រាប់ចន្លោះឆ្នាំ២០២៤និង២០៣២ មានចំនួនប្រហែលជាង៨ពាន់លានដុល្លារ។
អ្នកនយោបាយបីនាក់ដែលតំណាងឱ្យរដ្ឋាភិបាលចម្រុះនៃគណៈកម្មាធិការនេះបាននិយាយនៅក្នុងសេចក្តីថ្លែងការណ៍មួយថាជាមួយនឹងប្រាក់នេះអ៊ុយក្រែនអាចទិញអាវុធដោយផ្ទាល់ជាមួយនឹងការគាំទ្រពីរដ្ឋាភិបាលអាល្លឺម៉ង់។ពួកគេបាននិយាយថា៖ «វាមានសារៈសំខាន់ក្នុងការគាំទ្រអ៊ុយក្រែនដរាបណាប្រទេសនេះចាំបាច់។
យោងតាមការិយាល័យបរទេសបានឱ្យដឹងថា ចាប់តាំងពីការចាប់ផ្តើមនៃការលុកលុយរបស់រុស្ស៊ីមក រដ្ឋាភិបាលអាល្លឺម៉ង់បានផ្តល់ជំនួយជាង ជាង១៥ពាន់លានដុល្លារសម្រាប់អ៊ុយក្រែន។
អេស្ប៉ាញផ្តល់រថក្រោះ Leopard ចំនួន១០គ្រឿងឲ្យអ៊ុយក្រែន
រដ្ឋមន្ត្រីក្រសួងការពារជាតិអេស្ប៉ាញលោកMargarita Robles បាននិយាយកាលពីថ្ងៃពុធថា ប្រទេសអេស្ប៉ាញគ្រោងនឹងផ្គត់ផ្គង់ដល់ប្រទេសអ៊ុយក្រែនជាមួយនឹងរថក្រោះប្រយុទ្ធ Leopard ផលិតដោយអាល្លឺម៉ង់ចំនួន ១០គ្រឿងខណៈ៦គ្រឿងនឹងមកដល់ក្នុងរយៈពេលពីរសប្តាហ៍ខាងមុខប៉ុន្តែបាននិយាយនឹងមិនបញ្ជូនយន្តហោះចម្បាំងទៅទីក្រុងគៀវឡើយ។ នេះបើតាមរដ្ឋមន្ត្រីការពារជាតិ Margarita Robles បាននិយាយកាលពីថ្ងៃពុធ។
រថក្រោះ៤ផ្សេងទៀតនឹងត្រូវបញ្ជូននៅពេលក្រោយ ពីព្រោះពួកគេត្រូវឆ្លងកាត់ការជួសជុលដើម្បីឱ្យពួកគេអាចចូលសមរភូមិបាន។លោកស្រីបាននិយាយក្នុងអំឡុងពេលពិភាក្សាក្នុងសភាស្តីពីជំនួយយោធារបស់អេស្ប៉ាញដល់អ៊ុយក្រែន។
លោកស្រីបាននិយាយថាប្រទេសអេស្ប៉ាញមិនមានយន្តហោះចម្បាំង F-16 ប្រភេទដែលអ៊ុយក្រែនចង់ទទួលបាននោះទេហើយម៉ូដែលផ្សេងទៀតគឺហួសពីសមត្ថភាពដោយសារតែអ្នកបើកយន្តហោះអ៊ុយក្រែននឹងត្រូវការរយៈពេលបណ្តុះបណ្តាលរហូតដល់ពីរឆ្នា៕