Chelsea កាលពីថ្ងៃអាទិត្យទី២ខែមេសា ឆ្នាំ ២០២៣ក្លឹបតោChelsea បានបណ្តេញគ្រូបង្វឹកលោកGraham Potterបន្ទាប់ពីក្លឹបយក្សនៅទីក្រុងឡុងដ៍បានធ្លាក់ចូលទៅក្នុងពាក់កណ្តាលតារាងក្របខ័ណ្ឌអង់គ្លេសប្រឺមីញេលីក ។Chelsea បាននិយាយថាលោក Bruno Saltor នឹងមកដឹកនាំក្រុមជាគ្រូបង្វឹកបណ្តោះអាសន្ន។
សហម្ចាស់ក្លឹប Todd Boehly និង Behdad Eghbali បាននិយាយនៅក្នុងសេចក្តីថ្លែងការណ៍មួយថា យើងមាន ការគោរពខ្ពស់បំផុតចំពោះ Graham ក្នុងនាមជាគ្រូបង្វឹក។គាត់តែងតែដឹកនាំប្រកបដោយវិជ្ជាជីវៈ និងភាពស្មោះ ត្រង់ហើយយើងទាំងអស់គ្នាមានការខកចិត្តចំពោះលទ្ធផលនេះ។
ក្លឹបChelsea បាននិយាយនៅក្នុងសេចក្តីថ្លែងការណ៍មួយថា Chelsea បានប្រកាសថាលោក Graham Potter ត្រូវបានបណ្តេញចេញពីក្លឹបហើយ។លោកGraham បានយល់ព្រមសហការជាមួយក្លឹប ដើម្បីជួយសម្រួលដល់ កំណែទម្រង់ថ្មី។
ជាមួយគ្នានេះដែរក្លឹបChelsea សូមថ្លែងអំណរគុណចំពោះការខិតខំប្រឹងប្រែង និងការរួមចំណែកទាំងអស់របស់ លោកហើយសូមជូនពរគាត់ឱ្យមានសុខភាពល្អសម្រាប់អនាគត។
ការបរាជ័យក្នុងផ្ទះខ្លួនឯង២-០ ក្រោមថ្វីជើងក្រុម Aston Villa កាលពីថ្ងៃសៅរ៍បានធ្វើឱ្យពួកគេស្ថិតក្នុងចំណាត់ ថ្នាក់ទី១១ ក្នុងតារាង និង ៥ពិន្ទុពីក្រុមដែលត្រូវប្រកួតនៅអឺរ៉ុប។
Potter វ័យ ៤៧ ឆ្នាំបានជំនួស Thomas Tuchel នៅ Chelsea កាលពីខែកញ្ញាឆ្នាំមុន បន្ទាប់ពីជោគជ័យរយៈពេល ៣ ឆ្នាំជាមួយ Brighton ៕