មន្ទីរបញ្ចកោណបានប្រកាសកាលពីថ្ងៃពុធទី៥ខែមេសាឆ្នាំ ២០២៣ថាសហរដ្ឋអាមេរិកបានបង្ហាញជំនួយ យោ ធាដែលមានតម្លៃ២,៦ពាន់លានដុល្លារដែលរួមមានរ៉ាដាឃ្លាំមើលអាកាសចំនួនបី មីស៊ីលប្រឆាំងរថក្រោះ និង រថយន្តដឹកប្រេង ខណៈដែលអ៊ុយក្រែនរៀបចំការវាយលុកនៅនិទាឃ រដូវប្រឆាំងនឹងការឈ្លានពានរបស់កង កម្លាំងរុស្ស៊ី។
មន្ទីរបញ្ចកោណបាននិយាយនៅក្នុងសេចក្តីថ្លែងការណ៍មួយថាសហរដ្ឋអាមេរិកនឹងបន្ត… ដើម្បីផ្តល់ឱ្យអ៊ុយក្រែន នូវសមត្ថភាពដើម្បីបំពេញតម្រូវការសមរភូមិភ្លាមៗ និងតម្រូវការជំនួយសន្តិសុខរយៈពេលវែង។
កញ្ចប់នេះក៏រួមបញ្ចូលផងដែរនូវគ្រាប់រំសេវសម្រាប់ប្រព័ន្ធការពារដែនអាកាស Patriot និង NASAMS ក៏ដូចជា គ្រាប់រំសេវ និងមីស៊ីលប្រឆាំងរថក្រោះដែលប្រើប្រាស់ដោយរថយន្តប្រយុទ្ធ Bradley Infantry ដែលពីមុនទីក្រុង វ៉ាស៊ីនតោនបានសន្យាចំពោះទីក្រុង គៀវក្នុងចំណោមវត្ថុផ្សេងៗទៀត។
កញ្ចប់ជំនួយសព្វាវុធនេះ រួមមានទឹកប្រាក់ចំនួន ២,១ ពាន់លានដុល្លារអាមេរិក ពីមូលនិធិជំនួយសន្តិសុខ អ៊ុយ ក្រែន (USAI) ដែលអនុញ្ញាតឱ្យរដ្ឋបាលរបស់លោកប្រធានាធិបតី ចូបៃដិនទិញអាវុធពីរោងចក្រ ជាជាងពីស្តុក អាវុធរបស់សហរដ្ឋអាមេរិក។
ទឹកប្រាក់៥០០លានដុល្លារដែលនៅសេសសល់គឺត្រូវបានដកចេញសម្រាប់ទិញអាវុធពីឃ្លាំស្តុកអាវុធអាមេរិកដែលមានស្រាប់ មានន័យថាវានឹងមកដល់សមរភូមិឆាប់ៗនេះ។
ឥឡូវនេះសហរដ្ឋអាមេរិកបានសន្យាផ្តល់ជំនួយសន្តិសុខច្រើនជាង៣៥,២ពាន់លានដុល្លារដល់អ៊ុយក្រែនចាប់តាំងពីការឈ្លានពាននៅថ្ងៃទី ២៤ ខែកុម្ភៈឆ្នាំ ២០២២។ កាលពីថ្ងៃច័ន្ទ ឯកអគ្គរដ្ឋទូត Julianne Smith តំណាងអចិ ន្ត្រៃយ៍របស់សហរដ្ឋអាមេរិកប្រចាំអង្គការ NATO បាននិយាយថា ទីក្រុងវ៉ាស៊ីនតោនរំពឹងថា អ៊ុយក្រែន នឹងដាក់ ចេញឬចាប់ផ្តើមការវាយលុកនៅ ប៉ុន្មានសប្តាហ៍ខាងមុខនេះ៕