ប្រទេសចិនបានដាក់ពង្រាយនាវាចម្បាំងឆ្លងកាត់ដែនទឹកជុំវិញកោះតៃវ៉ាន់កាលពីថ្ងៃព្រហស្បតិ៍ ទី៦ខែមេសាឆ្នាំ ២០២៣ខណៈដែលខ្លួនបានប្តេជ្ញាថានឹងឆ្លើយតបយ៉ាងម៉ឺងម៉ាត់ចំពោះប្រធានាធិបតីកោះនេះដែលជួបជាមួយប្រធានសភាអាមេរិក Kevin McCarthy ។
លោកMcCarthyដែលជាមន្ត្រីជាន់ខ្ពស់ទីបីនៅក្នុងឋានានុក្រមដឹកនាំរបស់សហរដ្ឋអាមេរិក បន្ទាប់ពីប្រធានាធិបតី-អនុប្រធានាធិបតីនិងជាសមាជិកសភាមកពីគណបក្សសាធារណៈរដ្ឋរួមជាមួយសមាជិកសភាមកពីគណបក្សប្រជាធិបតេយ្យផ្សេងទៀតបានជួបជាមួយប្រធានកោះតៃវ៉ាន់លោកស្រីធីសៃអ៊ីងវេនកាលពីថ្ងៃពុធនៅឯបណ្ណាល័យប្រធានាធិបតី Ronald Reagan ក្នុងទីក្រុង Simi Valley រដ្ឋកាលីហ្វ័រនីញ៉ា។
ប្រទេសចិនបានព្រមានម្តងហើយម្តងទៀតថា ជំនួបប្រជុំរវាងប្រធានសភានិងលោកស្រីធីសៃមិនគួរកើតឡើងទេហើយបានដាក់ពង្រាយនាវាផ្ទុកយន្តហោះឆ្លងកាត់ដែនទឹកភាគអាគ្នេយ៍នៃកោះតៃវ៉ាន់ជាច្រើនម៉ោងមុនពេលកិច្ចចរចា។
ក្រសួងការពារជាតិតៃវ៉ាន់បាននិយាយនៅព្រឹកថ្ងៃព្រហស្បតិ៍នេះថានាវាចម្បាំងបីគ្រឿងបន្ថែមត្រូវបានគេរកឃើញនៅក្នុងដែនទឹកដែលបំបែកកោះនេះចេញពីប្រទេសចិនដីគោក។
យោងតាមក្រសួងបានឱ្យដឹងថាឧទ្ធម្ភាគចក្រប្រឆាំងនាវាមុជទឹកក៏បានឆ្លងកាត់តំបន់កំណត់អត្តសញ្ញាណការពារដែនអាកាសរបស់កោះនេះផងដែរ។
អាមេរិក បញ្ជាក់ថាតៃវ៉ាន់ មិននៅឯកោទេ
នៅក្នុងជំនួបកាលពីថ្ងៃពុធទី៦ខែមេសាឆ្នំា២០២៣រវាងប្រធានសភាអាមេរិកលោកខេវីន ម៉ាក់ខាធី (Kevin McCarthy )និងប្រធានាធិបតីតៃវ៉ាន់លោកស្រីធីសៃអ៊ីងវេន នៅទីក្រុង Simi Valleyរដ្ឋកាលីហ្វ័រនីញ៉ា សហរដ្ឋអាមេរិក
ភាគីទាំងពីរបានកោតសរសើរចំពោះទំនាក់ទំនងដ៏រឹងមាំរវាងតៃវ៉ាន់បើទោះជាមានការគំរាមកំហែងនៃការសងសឹកពីប្រទេសចិន។
លោក McCarthy បាននិយាយថា ខ្ញុំជឿថាចំណងទាក់ទងរបស់យើងនាពេលឥឡូវនេះគឺខ្លាំងជាងពេលណាៗទាំងអស់ ឬចំណុចណាមួយក្នុងជីវិតរបស់ខ្ញុំ។ ជាការពិតណាស់លោកស្រីគឺជាជើងឯកដ៏អស្ចារ្យនៃចំណងទាក់ទងនេះ។
ចំណែកឯកោះតៃវ៉ាន់វិញក៏បាននិយាយថា ការគាំទ្រដែលមិនផ្លាស់ប្តូរពីសហរដ្ឋអាមេរិកគឺធានាដល់ប្រជាជនតៃវ៉ាន់ហើយថាយើងមិនឯកោទេ។យើងមិនមែននៅតែម្នាក់ឯងទេ ៕