Man City គ្រោងចំណាយជាង៣៧២លានដុល្លារ ពង្រីកកីឡដ្ឋាន Etihad

ក្លឹបជើងឯកប្រឺមីញេលីកMan City កំពុងដាក់សំណើពង្រើកកីឡដ្ឋាន Etihad របស់ខ្លួនពីចំនួន បច្ចុប្បន្ន ៥៣៥០០ ទៅ ៦០០០០ម៉ឺននាក់។  នេះបើយោងតាមក្លឹបបានប្រកាសកាលពីថ្ងៃពុធទី១៩មេសា ។ក្លឹប Man City ក៏បានឲ្យដឹង ដែរថាការអភិវឌ្ឍន៍នេះគ្រោងចំណាយទឹកប្រាក់ប្រមាណជាង ៣៧២លានដុល្លារអាមេរិក ដែលអាចបង្កើតការ ងារថ្មីចំនួន ២៦០០ សម្រាប់ ប្រជាជនក្នុងតំបន់។គម្រោងនេះត្រូវចំណាយពេលបីឆ្នាំដើម្បីបញ្ចប់។

ការពង្រីកបន្ថែមកីឡដ្ឋាននឹងត្រូវធ្វើឡើងនៅទីតាំងអង្គុយផ្នែកខាងជើងនិងត្រូវកែប្រែថ្មីដើម្បីបន្ថែមកៅអីអង្គុយ។ គម្រោងពង្រីកកីឡដ្ឋាននេះក៏រួមមានការអភិវឌ្ឍទីតាំងកៅអីចំនួន ៣០០០ សម្រាប់ទីតាំងតំបន់អ្នកគាំទ្រ,ក្លឹបរាត្រី, សារមន្ទីរថ្មី និងបន្ទប់សណ្ឋាគាចំនួន ៤០០បន្ទប់ ថែមទៀត។

កីឡដ្ឋានរបស់Cityដែលដើមឡើយត្រូវបានសាងសង់ឡើងដើម្បីធ្វើជាម្ចាស់ផ្ទះការប្រកួតកីឡា Commonwealth Games ឆ្នាំ ២០០២ បច្ចុប្បន្នគឺធំជាងគេទី 5 ទាក់ទងនឹងសមត្ថភាពផ្ទុកទស្សនិកជននៅក្នុងប្រឺមីញេលីក ជបន្ទាប់ពី ក្លឹបMan United, Tottenham , Arsenal និង West Ham ៕