យោងតាមរបាយកាណ៍មួយចេញផ្សាយកាលពីថ្ងៃពុធទី ៣ ខែឧសភាឆ្នាំ២០២៣បានឲ្យដឹងថាកំពូលតារាឆ្នើម Messiត្រូវបានក្លឹប Paris SG ព្យួរការងាររយៈពេលពីរសប្តាហ៍ និងមិនទទួលបានប្រាក់ឈ្នួលពាក់ព័ន្ធទៅនឹងការ ធ្វើដំណើរទៅកាន់ប្រទេសអារ៉ាប៊ីសាអូឌីត។
សារព័ត៌មានបារាំង L’Equipe sports daily បាននិយាយថា ការព្យួរនេះមានប្រសិទ្ធភាពភ្លាមៗ ហើយម្ចាស់ពាន រង្វាន់បាល់ទាត់ពិភពលោករូបនេះ នឹងមិនត្រូវបានអនុញ្ញាតឱ្យហ្វឹកហាត់ទេ ហើយនឹងខកខានការប្រកួតពីរលើក ទល់នឹង Troyes និង Ajaccio ។
របាយការណ៍បាននិយាយថាការដាក់ទណ្ឌកម្មនេះត្រូវបានដាក់ដោយ PSG ដោយសារតែ Messi បានទៅប្រ ទេសអារ៉ាប៊ីសាអូឌីតរយៈពេលពីរថ្ងៃដោយគ្មានការអនុញ្ញាតពីពួកគេបន្ទាប់ពីការបរាជ័យក្នុងផ្ទះ ៣-១កាលពី ចុងសប្តាហ៍មុនជាមួយLorientដោយខកខានការហ្វឹកហាត់កាលពីថ្ងៃចន្ទ។
កាសែត Le Parisien បាននិយាយថា Messi បានជូនដំណឹងទៅចៅហ្វាយ Paris SG អំពីការធ្វើដំណើរ ប៉ុន្តែពួក គេមិនផ្តល់ការអនុញ្ញាត។Messiអាយុ៣៥ឆ្នាំគឺជាឯកអគ្គរដ្ឋទូតម៉ាកទេសចរណ៍អារ៉ាប៊ីសាអូឌីត។កិច្ចសន្យារយៈពេល ២ឆ្នាំរបស់គាត់នៅ Paris SG បន្ទាប់ពីការផ្លាស់ប្តូរដ៏ល្បីល្បាញពី Barcelona កាលពីឆ្នាំ ២០២១ ផុតកំណត់បន្ទាប់ពីរដូវកាលនេះ។
អនាគតរបស់គាត់គឺមិនច្បាស់លាស់ ប៉ុន្តែគាត់ត្រូវបានផ្សារភ្ជាប់ជាមួយនឹងក្លឹប បាល់ទាត់អាមេរិកInter Miami ការវិលត្រឡប់ទៅកាន់ក្លឹប Barca វិញហើយក៏មានក្លឹបអារ៉ាប៊ីសាអូឌីត Al Hilal ផងដែរ៕