ប្រធានក្រុមដែលឈ្នះពានរង្វាន់ បាល់ទាត់ពិភពលោករបស់ប្រទេសអាហ្សង់ទីន Lionel Messi ត្រូវបានគេប្រគល់ពានរង្វាន់ Laureus Sportsman of the Year ដែលបានរៀបចំធ្វើឡើងកាលពីថ្ងៃចន្ទ។
ពានរង្វាន់ Laureus World Sports Awards ត្រូវបានជ្រើសរើសដោយប្រព័ន្ធផ្សព្វផ្សាយពិភពលោក ខណៈដែលអ្នកឈ្នះត្រូវបានកំណត់ដោយសមាជិក ៧១នាក់នៃ Laureus World Sports Academy ។ ពានរង្វាន់ត្រូវបានគេបង្ហាញជារៀងរាល់ឆ្នាំចាប់តាំងពីការចាប់ផ្ដើមក្នុងឆ្នាំ ២០០០។
Messi ក៏ទទួលបានពានរង្វាន់ក្នុងនាមក្រុមបាល់ទាត់បុរសអាហ្សង់ទីនដែលត្រូវបានតែងតាំងជាក្រុមល្អបំផុតប្រចាំឆ្នាំបន្ទាប់ពីពួកគេបានទទួលជ័យជម្នះក្នុងព្រឹត្តិការណ៍បាល់ទាត់ពិភពលោក ឆ្នាំ២០២២ នៅប្រទេសកាតា។
Messi ក៏បានក្លាយជាអត្តពលិកដំបូងគេដែលដណ្តើមបានពានកីឡាករឆ្នើមប្រចាំឆ្នាំរបស់ពិភពលោក និងពានក្រុមឆ្នើមប្រចាំឆ្នាំពិភពលោកក្នុងឆ្នាំតែមួយផងដែរ។
ខ្សែប្រយុទ្ធ Messi បាននិយាយថា ខ្ញុំបានក្រឡេកមើលឈ្មោះរបស់កីឡាករឆ្នើមៗមិនគួរឱ្យជឿដែលបានឈ្នះពានរង្វាន់ Laureus Sportsman of the Year Award មុនខ្ញុំដូចជា Schumacher, Woods, Nadal, Federer, Bolt, Hamilton, Djokovic ។ខ្ញុំពិតជាមិននឹកស្មានដល់ថាមានថ្ងៃនេះ។ វាជារឿងមិនគួរអោយជឿ តែវាបានកើតឡើងហើយ៕